Mogginn smogginn... 

Helgarfrí hér á bæ - þ.a. engin börn á heimilinu þessa helgina. Óvænt ákvað heimalingurinn að það væri kominn tími á að vera hjá pabba sínum þessa helgina og Alex Skúli á Hróarskeldu (lucky boy!) svo við erum einstaklingar og getum hlaupið um alsber heima :þ Ég fór að vísu að bera út kl. 05 í morgun, ásamt því að fara í skvass áðan og er að fara að bera út aftur á eftir - svo ég er alveg búin með líkamsræktina í dag :) Við ætlum svo að skella okkur upp í sumarbústað til vina okkar á eftir þegar útburði lýkur og gista þar í nótt - mar verður nú að gera eitthvað skemmtilegt um helgar :þ

Annars er lítið að frétta - nema hvað ég er að dunda mér við að gera síðbúna vor-hreingerningu og bað m.a. Einsa um að losa sigtið í þvottavélinni - því allt verður að vera hreint að innan sem utan. Kom ýmislegt forvitnilegt í ljós þegar hún sían var losuð eins og má sjá á meðfylgjandi mynd:



Finnst reyndar ótrúlegt að við skyldum ekki hafa dregið Geirfinn þarna út :þ Þegar allt var orðið hreint og fínt í vélinni ákvað Drottningin að henda í eina handklæðavél, sem er ekki í frásögur færandi - en þá hafði Einarinn (sem er n.b. minni iðnaðarmaður en Rósa Ingólfs) ekki sett síuna rétt í svo allt flæddi út um allt - uppgötvaðist ekki fyrr en vélin var búin að dæla stanslaust á gólfið í 15 mín. Við tók mikill hamagangur við að bjarga parketinu frammi á gangi (sem ég elska út af lífinu) og þurrka allt upp - því af sjálfsögðu var niðurfallið akkúrat stíflað :-/ ... en ég slapp við að skúra þar inni - alltaf að líta á björtu hliðarnar :)

Alli er að verða svo fullorðinn, hann er kominn með fyrsta debetkortið sitt og fékk í fyrsta sinn útborgað núna. Hann ákvað að kaupa sér sína eigin X-box tölvu og einhvern leik... svo gaman að fylgjast með þessu hjá honum - hann er búinn með múturnar, takk fyrir og þarf mar að huga vel að nebbaling sem er með nokkrar bólur. Ég er alltaf að minna hann á að þvo sér með sérstakri sápu í andlitinu þegar hann fer í sturtu og biðja hann um að setja á sig krem eftir það - en það er svo kerlingarlegt að hann nennir því sjaldnast. Vona bara að hann sleppi betur frá bóluvandanum en mamman, en ég er ennþá að fá unglingabólur hér og þar... soldið seinþroska Drottningin :þ

Annars er mar mikið með hugann hjá Rannveigu - sendi þeim baráttukveðjur ef hún skyldi lesa þetta. Ég hef heyrt að stúlkur séu miklir baráttuforkar og vona ég af öllu hjarta að allt gangi vel :)