-Jájájá... nenni ekki að finna máltæki... finnum frekar hjálpartæki!


Aldeilis, aldeilie... það er nú aldeilis mikið búið að vera um að vera hjá mér undanfarna daga.. hef ekki haft tíma til að blogga, né gogga og þaðan af síður rogga... fyndnin ríður rækjum hér greinilega. Var að skila af mér greinargerð úr greinargerð í Landafræði, Miðhálendi Íslands 2015... helvítis stuð! Gefin út af Umhverfisráðuneytinu og Skipulagsstofnun og kostaði 3000 kall! Helvítis blóðplokk þetta er alltaf, ég sit uppi með kort af hinum ýmsustu stöðum og sé ekki fram á að nýta mér það nokkurn skapaðan hlut eða koma aftur í verð. Finnst að nemendur sem hafa ekki sama aðgang og aðrir nemendur (t.d. þeir sem eru búsettir á Höfn eða Egs.) að námsefni ættu að fá sér styrk fra ríkinu til heimildaröflunar. Vill kannski einhver kaupa Miðhálendi Íslands, Svæðisskipulag 2015-Greinargerð??? Skal selja hana á... ja, 5000 kall... fingraförin mín fylgja með í kaupbæti og hef aðeins notað hana í 5 tíma. Enívon? Hélt ekki...

Annars var þvílíkt tekið á því um helgina.. ójá, einu sinni enn ;-/ Nú skal gert hlé á óhóflegri drykkju... amk þangað til næsta skyldutækifæri gefst;-/ Við Ásta vorum að pæla í að kíkja eitthvað útá lífið á laugardagskvöldið með Sigga S. Kára og fleirum vinum sem maður hittir ekki oft. Við fórum á föstudaginn beint eftir vinni til Bjarka sem vinnur í Erotica Shop til að spjalla.. já og kannski eitthvað versla fyrst maður fær afslátt. Hann bað okkur um að faraí Ríkið í Austurstræti fyrir sig og við jújú, ekkert mál. Svo þegar við erum að fara þangað inn þá eru akkúrat Siggi og Kári á Kaffi Kósý (beint á móti Ríkinu) að nýta sér svona líka agalega sneddý tilboð þar.. þrír bjórar á þúsundkall. Við af sjálfsögðu stoppuðum í nokkra öl þar og það var bara svo gaman að við ákváðum að hendast heim í bað, skúbba mat framan í okkur og beint aftur í stuðið. Þangað kom akkúrat Árni hinn Óði og fylgifiskurinn hans Finnur Ingólfs (sem heitir að vísu Robbi, eða Róbert held ég)... nú við bara beint að spasla í hrukkurnar og komnar aftur um 22 en þá var Árni farin heim en Robbi, Bjarki, Kári og konan hans.. og einhverjir rónar.... hin hressustu. Við nýttum og nýttum okkur þetta tilboð, því aldrei að vita hvenær það hætti. Allt í einu vorum við bara ferlega full og borðið drekkhlaðið bjór og þá varð maður of kors að klára, það er jú dónaskapur að leifa. Við fórum á eitthvað rölt og enduðum á Döbló, þar hitti ég einhvern kvikmyndagerðarmann sem hét ferlega skrýtnu nafni og upphófst mikil rökræða við hann af hverju ég vildi ekki sænga með honum. Sem betur fer kom fasta viðhaldið ásamt fylgifisknum sínum og toguðu mig út og var þá haldið á Astró. Já, ég veit... Astró! Omg... hafði ekki komið þangað inn síðan Maggi réð þar ríkjum. Svo var bara haldið heim á leið og sofnað um sjö. Ekki amalegt þetta, fyrir utan það að það var skyldufyllerý á laugardagskvöldið! Sif vinkona varð þrítug í vikunni og ætlaði hún að bjóða til teitis um kvöldið í tilefni af því. Ekkert nema gott og blessað allt saman. Við Áslaug vorum búnar að ákveða smá dekurdag fyrir hana, náði í hana kl. 12:30 og beint í hárgreiðslu, strípur og læti. Á meðan hafði Ívar platað mig á fund á Hótel Lofleiðum, eitthvað agalegt leyndó eða eitthvað. Okkur grunaði að þetta væri Tupperware-kynning ... ryksugusala eða eitthvað... neinie, eftir 2ja tíma bið þá er þetta Winworld, eða eitthvaðálíka.. netthing eitthvað og maður á bara að borga 225 svissneska franka og þá verður þú milljónari!!! Við Ásta, Árni ofl. bara með gubbuna í hálsinum, ógeðslega þunn og ég stakk af um leið og tími var kominn til að sækja drottninguna úr hárgreiðslu. Brunaði ég með hana til Ísoldar í förðun og Sif var svo fín og sæt eftir þessa útreið... alger rús.. myndirnar á leiðinni. Fór og lagði mig í þrjá tíma, skellti mér aftur bað og beint á djammið aftur. Heima hjá Sif og Gauja var rosa gleði, mikið spjallað, hlegið og allskonar. Svo datt sprengja... Úgníus að verða pabbi!!! Já, allt er nú til... þetta varð af sjálfsögðu til að auka gleðina (þurfti nú að útskýra þetta dulítið, enda samkynhneigður drengurinn í sambandi) og var dansað þar fram á nótt. Um kl. 03 vildi ég fara heim en vildi ekki þó lúlla ein, hringdi á Sigga Möggu sem sótti mig og skutlaði heim... svo mikil dúlla :-) Daginn eftir komst ég ekki á fætur fyrr en um fjögur og uppgötvaði þá að ekki hafði verið vaskað upp alla vikuna... mikið var ég nú léleg húmóðir... arg. En nú skal tekið á því. Ég skal.
Svandís og Jonathan (betur þekktur sem ,,Faðir Jonathan, helgist þitt nafn..." á mínu heimili) koma í kjúklina coscos á morgun og tekur gleðin aftur völd hér í Mávahlíðinni. Júhú!!!!!