Reykjavík, ó Reykjavík, þú yndislega borg! Mikið er nú gott að vera komin aftur í þessa æðislegu ,,siðmenningu", ég var nefnilega að koma frá Húrígúrý... já, borðaði kvöldmat með eldri borgunum á Hótel Örk, gott á mig! Tilefnið var að mamma og Kolli voru þar og vildu af sjálfsögðu sjá litlu ungana sína;-) Af sjálfsögðu urðum við við því, enda ekki á hverjum degi sem maður getur borðað þríréttað undir ræðuhöldum og botcha-úrslitum. Við semsagt brunuðum úr bænum eftir vinnu og gripum Haddý með okkur í leiðinni, það er alltaf gaman að fara út fyrir borgarmörkin, en alltaf skemmtilegra að koma heim. Alli kyssti húsið þegar við komum heim áðan, enda orðin rosalega þreyttur á þessum þeytingi og gömlu fólki... eða fólki amk. Það er alltaf svona pakkatilboð hjá Örkinni fyrir eldri borgara og ég man að þegar ég var að vinna þar þá voru þetta mestu fyllerýssamkundur EVER!!! Já, þetta eldra fólk kann að skemmta sér, við erum bara aumíngjar og hálfdrættingar miðað við þá. Eníveis, það var gaman að fara á gamlan vinnustað og hitta gamla vinnufélaga. Við Bjössi nefnilega fluttum til Hveragerðis þegar Alli var að verða 2ja og þá ákvað hann að fara að læra kokkinn, réði sig á sammning og við lifðum á lúsalaunum í langan, langan tíma. Svo þegar upp var staðið þá var engin meistari til að skrifa upp á sammningin, eða kenna honum, við á nemalaunum (ég var að þjóna og það var ekkert vel borgað) og allt í klessu. Bjössi fór í mál við þá á sínum tíma og fékk pjéning... en það var eftir að við skildum, þannig að ég fékk ekki neitt;-( Minnir þó að hann hafi keypt útigalla á Alla, þannig að ég slapp við það;-) Það er alltaf eitthvað gott við allt...

Hveragerði er bær sem ég væri alveg til í að búa aftur, góður bragur á bæjarbúum og gott andrúmsloft (humm... hverafýlan og hveraskjálftarnir venjast ótrúlega vel), stutt til Reykjavíkur, Selfoss, náttúruna, menninguna, búðina, hestana, blómabúðina, sjoppuna, vídejóleiguna ofl. Hér er allt í svo ótrúlegum fjarlægðum... samt gott að vera hér og djamma. Væri til í að vera þar þegar ég eignast fleiri börn, menn og gæludýr. Við Alli höfum alltaf haft það fyrir sið og reglu að hann fær alltaf að keyra þegar við förum að Drottningarholu, en hún er í dalnum. Af sjálfsögðu gerðum við það í dag... en það var fyndið að sjá hestamennina brokka hjá og missa augun út tóftunum á sér þegar þeir sáu 9 ára gamalt barn keyra 9 ára gamla Toyotu! Af sjálfsögðu sáu þeir ekki 30 ára gömlu mömmuna sem sat undir... get ég ímyndað mér að nú sé Rannsóknarlögreglan á Selfossi að rannsaka þær sögusagnir að barn aki lausum hala í Hveragerði ;-/

Hélt að ég gæti farið í bað í kvöld, búin að kaupa mér bjór í tilefni af því (maður notar jú ALLAR afsakanir) en þá má ég bara fara í sturtu.. .arg... ég á ekki sturtu... bara pínkulítið baðkar undir súð.. ég get jú sturtað mig.. niður úr klósettinu... Því sit ég hér núna og drekk bjórinn minn og er að vinna í Andrési mínum... eina karlmanninum í mínu lífi sem er alltaf ber að neðan... sad... Annars fékk ég vægt taugaáfall þegar Karl læknir tók saumana í dag, en þetta voru ekki saumar (það er víst eitthvað alveg hætt) heldur bara einhverjir plástrar... heimsins ljótustu, mörðustu og bara ljótustu lappir komu í ljós... verða orðnir fínir eftir um tvo mánuði!!! Jájá, allt í góðu vinurinn;-( Ég hef þó amk lappir til að vera ljótar.. eitthvað annað en margur annar sem býr nálægt jarðsprengjusvæði.

Geisp... held að nú sé alveg nauðsyn að kveðja þessa hljóðu borg (mikið er hún frábær á næturnar) og skríða upp í rúm... þar bíður mín drengur sem er stóri bróðir... Jájá, hann á ekkert að vera í rúminu mínu... en það var gerð undantekning í kvöld.. út af öllu þessu gamla fólki... og litlu systur (sem er alger rús). zzzzzzzzzzzz