ARG!!!!! 

Hætt að vinna í dag... hvað ætti mar að gera? Maður er eitthvað svo frjáls ... Alli farinn upp að lesa, tengdó úti í heimsókn, Einsi á æfingu og mammsa á leiðinni í 20tonna trukki... hux, hux... þyrfti samt að skipta um á rúminu í gestaherberginu áður en mamma lendir... þarf líka að taka úr vélinni... gæti líka alveg tekið úr uppþvottavélinni og haft hana lokaða, tóma og fína þegar mamma kemur til að heilsa henni. Það er nefnilega svolítill rígur í gangi... ég er nýbúin að kaupa mér þessa 100þús króna krómuðu og margrómuðu uppþvottavél sem á að vera RollsRoísjinn í þessum geira... þar sem ég gerði mikla fjárfestingu í einu heimilistæki þá hef ég mjög ákveðnar og fastmótaðar skoðanir á því hvernig á að raða í hana, í hvernig röð, hvursu vel er skolað af diskunum (þeir eru skrúbbaðir gott fólk, ekkert slor á mínu heimili!) ... sem gerir það að völdum að ég er eina manneskjan sem ég treysti nægilega vel til að raða í hana, ræsa og tæma. Hjá mömmu gilda aðrar reglur. Maður fer bara með diskinn inn í eldhús og fyrir röð tilviljana (að manni finnst) þá hreinsast hann og raðast sjálfur á sinn stað og eldhúsið er aldrei/sjaldan (mamma bakaði kleinur stundum) skítugt. Uppþvottavélin hennar mömmu heitir Kolli og er 81 árs, hann er þessa stundina líklega að fá kaffibollann sinn áður en hann heldur í rúmið á Dvalarheimili aldraðra á Höfn. Hann fer sáttur að sofa ... enda þurfti hann ekki að vaska upp í kvöld :-) ... Já, held ég fari að taka úr minni áður en hún kemur...