Sækókrúttlegurkrakkaskratti 

Hann Einar Ingi var hjá okkur í nótt, hann átti að vera fram yfir helgi en þar sem pabbi hans ákvað að drífa sig í land þá var ákveðið að hann fengi bara að klára heimsóknina seinna. Þetta krakkarassgat er svo ógesslega mikið krútt og hefur frá svo skemmtilega mörgu að segja... þótt það sé ekki nema það þegar honum var illt í mallanum síðast og gubbaði yfir bangsann sinn og koddann... einhvernveginn þegar tær 3ja ára stráksleg rödd, svolítið rám þegar mikið er um að vera, talar um gubb er það bara krúttlegt. Ég spurði hann í gærkvöldi hvað hann vildi fá í morgunmat í morgun og stóð ekki á svarinu: ,,pulsu, habbogara og píssur ... mér finnst það gott" ... það mundaði eiginlega engu að ég færi á fætur kl. 06:00 til að bræða tólg í franskar og hefa deig í pizzur... hvað annað er hægt þegar svona ómótstæðilegar dúllur eru annarsvegar? Hringl.. hringl... bjöllukórinn lætur til sín taka næstu daga... en ætli það fari ekki í næsta barnaafmæli.. þá fer maður aftur á biðlistann eftir ófrjósemisaðgerð :-/