A blast from the past... 

Ég týndi hjólkopp fyrir allnokkru síðan og þar sem þetta er farþegameginn þá hef ég ekkert verið að æsa mig í að ná í nýjan, tók mig saman í andlitinu áðan og fór í ævintýraferðalag að næla mér í annan kopp. Þar sem ég hafði keyrt mörgum sinnum fram hjá ,,hjólkoppar til sölu" á leið minni út úr bænum þá ákvað ég að kíkja þar við ásamt fylgdarmanni, enda hafði ég heyrt að þessi náungi sem væri með þetta væri í undarlegra lagi. Komst ég að því að það er vægt til orða tekið... :/ Þegar við renndum upp að bóndabænum þá var þar fjörgamall kall að slá með orfi og ljá, soldið sem mar sér ekki á hverjum degi... eiginlega aldrei. Ég renndi upp að bænum og þar stóð lítið yngri maður og fitlaði við sig, ég og Alli litum á hvort annað og ég ákvað að láta ekki svona smáatriði skemma þessa verslunarferð, sem ég varð að klára... að öðrum kosti þá hefði ég þurft að fara í umboðið og eyða 100-200% meiri pjéning í þennan eina kopp. Hvað um það, þessi fitlari tilkynnti mér að hann ætti svona handa mér, áður en ég hafði náð til að stíga með eina löpp út úr bílnum... ég þakkaði fyrir það og hann labbaði eitthvað bak við hús og á milli þúfna, hann hætti aldrei að röfla eitthvað í hálfum hljóðum og það láku sultardropar stanslaust úr stóra nefinu hans. Við Alli eltum... enda ekkert annað er gera í stöðinni, við vorum búin að tengjast þessum karli á hinn versla hátt, hann var búinn að fitla við sig fyrir framan okkur og dreifa hori á skóna okkar... hvað um það. Koppinn átti að kosta 1500,- ,,með ísetningu" ... þar sem ég hafði ekki búist við meiri kostnaði en svona 500 kalli þá krukkuðum við Alli saman þúsundkalli til að láta kallinn fá hentumst upp í bíl og brunuðum í burtu... ég kúgaðist þegar ég leit í spegilinn og sá móta fyrir kallinum í fjarska... örugglega með hendurnar á kaf í klobbanum... Og þetta var bara hér í nágrenninu, pælið í því... :/