-Óhróður hittir alltaf þrjá: Þann sem talar, þann sem talað er við og þann sem talað er um.

-Talmud, helgasta rit Gyðinga

Af gefnu tilefni á þessi tilvitnun vel við í dag, þegar sögusagnir, hvísl og pukur hristir stoðir þessa þjóðfélags. Ég er ekki tilbúin til að trúa neinum, held að þetta séu bara mismundi túlkanir hjá msimunandi aðilum, svona þú segir eitt og ég heyri annað. Sérstaklega þegar talað er á kínverskum veitingastað í úglöndum og búið að dreypa á hrísgrjónavíni... allir vita að þegar áfengi er haft um hönd þá vilja aðstæður stundum fara framúrhófiskemmtilegaíklessu;-) Ekkert að þessu, þeir hafa bara verið blindfullir...

Ég er mikið að spá í að hætta að gera grín að öryrkjum, þ.e. þeim sem eru virkilega öryrkjar, ekki þeim sem nenna bara ekki að vinna og vilja láta kenna í brjósti um sig (sbr. þessir sem nota gönguljósin til að láta dást að sér labba yfir Laugaveginn hjá Hátúninu og þar). Það er nefnilga ekkert gaman að vera hreyfihamlaður, ég ætlaði sko aldeilis að taka þessu með trompi, þvoði fullt af þvotti í gær, en það eru 40 tröppur niður í þvottahús hjá mér og ég nenni ekki að ná í þvottinn, brjóta saman og ganga frá. Hver trappa tekur í alla sauma og Alliminn gússýgúss þurfti á endanum að hjálpa til... er að spá í að fá mér svona einn frá Filippseyjum, einhvern sem tekur við skít og skömmum, skipunum en er samt það sætur að maður getir farið með hann í fermingar/giftingar og jarðafarir.
Þetta Austfirðingaball ætlar að verða hitt dagsins í dag, margir ætla að mæta og verður áræðanlega heljarinnar stuð. Austfirðingar eru með eindæmum skemmtilegt fólk og miklir drykkjumenn, Sigga Lára komin frá úglöndum, Heiða Skúla flutt í ,,menninguna" og svo verður eitthvað heljarinnar karokkípartý hér í götunni við hliðina fyrir ballið.... ég ætlast til þess að fá nákvæmar fréttir af þessum merka mannfagnaði, hverjir voru, hverjir voru með hverjum, hver lamdi hvern og hver braut vaskinn.
Það var auðvitað að hann Andrés minn Önd gæti ekki séð af mömmu sinni rétt á meðan hún brá sér í smá veikindafrí...Heiðdís búin að vera að gera útsendingu í honum undanfarið og allt gengið ágætlega, nema í gær af sjálfsögðu. Hann tók upp á því að koma með allskonar meldingar og kjánagang sem átti ekki að gerast svo að ég fékk tilvalda ástæðu til að logga mig inn í kerfið og kíkja á málið. Staðfesti þann ásetning minn að fara til Frakklands í fríinu mínu, hanga úti í garði með Svandísi og Alla og gera ekki neitt af viti (nema túristast). Ef það gerist eitthvað þá, þá bara gerist það... ekki mitt mál og fimmþúsund börn fara skælandi í rúmið einhvern þriðjudaginn:-/ Hugsa að það sé að koma tími á að fara að skipta um starfsvettvang... við Andrés erum bara of náin ;-)

Ja hérna hér, var að lesa Fréttablaðið og þar er eftirfarandi frétt:
,,Móðir barns, sem var getið um vornótt fyrir tæpum níu árum, hefur auglýst eftir föður barns síns í smáauglýsingum DV. HVertur hún þann sem þekkir til málsins að gefa sig fram og senda sér tölvupóst, svo hægt sé að feðra barnið. Auglýsingin hljóðar svona:,, Har varst þú 28. maí 1994? Varst þú kannski að halda upp á að R-listinn vann borgina, hittir drukkna stúlku sem lenti í því að detta og fá skurð á augabrún, fylgdir henni heim, svafst hjá henni en fórst áður en hún vaknaði? Úr þessu varð barn sem langar að vita hver faðir þess er." Móðirin gefur upp netfang og vonast til að barnsfaðir hennar sendi tölvupóst og gefi sig fram..." Hvað heldur þessi kona að hún sé? Þetta er nú meiri helvítis frekjan og yfirgangurinn í henni! Djöfulsins, svona konur ættu að... að... ja, ég veit ekki hvað skal segja. Hún er búin að svipta föðurnum þeim sjálfsagða rétti að fá að umgangast barnið sitt í níu ár, hann fær ekki að sjá það vaxa úr grasi, taka fyrstu skrefin, fyrsta skóladaginn osfr... Það er ekki nema út af því að barnið vill sjálft fá að vita hver er faðir þess að þá fer hún á stúfana... Hvað með rétt barnsins til að eiga föður? Þetta er ekkert nema helvítis, djöfulsins frekja.... Hún greinilega skammast sín yfir því að hafa gert svona kjánalegan hlut (þe verða ofurölvi, drepast og láta einvhern gæja fara upp á sig) og hefur ekki viljað horfast í auga við þetta fyrr... hefur hún fengið meðlag frá ríkinu? Guð hvað ég vona ekki.... &$"&$/%$"&#!$!"&/%....