Benidorm hvad! 

Já, það er fyndið að horfa á veðurfregnirnar og það er hlýrra hér en í Köben og á fleiri stöðum. Til hvers að kaupa sér sólarlandaferð í júlí þegar veður er líklegast til að vera bærilegt hér á skerinu? Ég var í Frakklandi á þessum tíma í fyrra og maður kveið því að fara inn í bíl og setja á sig beltið, það sem sumir hlutir geta hitnað... það er nú aldeilis. Held samt að ef það væri rok og rigning þá væri þessi orð ekki að finna hér... hemm...

Fór í erfiðustu fjallgöngu sem ég hef farið í í gærkvöldi, við nokkrir vinnufélagarnir klifum Háatind sem er viðloðandi Esjuna. Ég hélt í sakleysi mínu að við værum að fara akjúallý Esjuna, göngustígar, fólk og læti en það var öðru nær. Þetta var algerlega langt langt frá bílastæðinu og alls engir gönguslóðar, við óðum mýrar, sef, skriður og allan fjárann. Kristján Bjé hjá Forlaginu var okkar göngugrind, hann var að fara þetta í sjötta sinn og farinn að kunna aldeilis vel á Esjuna sína. Efst var þó hamrabelti mikið , sem leit ekkert frýnilega út og ég byrjaði að stirðna úr lofthræðslu... játaði mig sigraða fyrir þessu fagra fjalli, settist niður og áði í rólegheitum. Á meðan klifraði samstarfsfólkið upp og náði toppnum. Ég beið í töluverðan tíma eftir þeim og dólaði mér í rólegheitum niður það allra brattasta. Náttúran allt um kring og rollur í fjarska. Rosalega öfundaði ég þessar rollur, óskaði mér þess að vera ein þeirra, bara labba um aldeilis óhrædd í fjallshlíðum... arg. Hræðslan var slík að ég þurfti að setjast niður og halda mér ef ég leit upp fjallið... þetta er ekkert grín og fer ég ekki í neinar göngur í bráð. Enda með blöðrur á tám... en sólbrún og sælleg með að hafa komist þó einhverja 600 metra. Þögnin var svo djúp þarna uppfrá að maður verður hálf geðveikur eftir smá tíma. Þegar mig var farið að lengja eftir samstarfsfélögunum fór ég að heyra í álfum og taldi mig hafa farið í fjórðu víddina, göngufólkið löngu farið hjá og búin að bíða í mörg ár þarna uppi. Var hrifsuð inn í veruleikann þegar ég heyrði Partýbæ með Ham leikinn á símann minn, en þá var það mamma að fjá daglega skammtinn sinn. Féll aftur í dá og taldi fugl hafa ráðist á mig, drap kónuló í hægðum mínum (hehehehe-hljómar illa) og talaði við álfa og huldufólk. Hljómaði þá Partýbær aftur og þá var það Fríða syss... guði sé lof fyrir traust gsm-samband :-) Eftir það fór göngufólk að týnast í mínar grunnbúðir og eftir smá áð þá var haldið niður aftur. Ferðin tók 5 tíma og er ég algerlega lurkum lamin... harðsperrur eru nefnilega ekkert annað en rifnir vöðvar, n.b. Kristján Bjé var samt svo næs í dag að gefa mér bók... bókin heitir ,,Láttu ekki smámálin á ástinni ergja þig" . Ekki veit ég af hverju hann gaf mér þessa bók, hann þekkir hvorki mig né Einsa neitt. Glopraði ég einhverju út úr mér meðan ég skreið blá af mæði á eftir þeim fjallageitum? Veit ekki...

Á morgun er það Skaftafell, við Árni ætlum að heimsækja Ástu og gista eina nótt. Ég veit að það verður töluvert stuð, tek ferðagrillið mitt með svo við getum keyrt á rollu og etið við fagran gítarundirleik, sólsetur og náttúruna allt í kring. Veit samt að ég á ekki eftir að keyra yfir neina rollu, kannski fugl í mesta lagi en grillar maður Kríuna? Held ekki... Er strax komin með óskalista fyrir Ástu; fara i ríkið og kaupa bjór og síðast en ekki síst kaupa hárlit, Loreal no.3 . Grillum það ekki. Óseisei nei... nema... við getum náttúrulega litað rolluna með hárlitnum og etið svo?

Er að þvælast með Einsa á æfingar á æfingar þessa dagan, aðallega svo ég geti eitthvað séð framan í drenginn. Það eru stífar æfingar alla daga og fæ ég að sjá til þess að áhorfendurnir fari á rétta staði í L-iðaárdalnum á sýningum. Það er ágætt, þarf ekki að skuldbinda mig rassgat og mæti á æfingar þegar mér sýnist. Held að þetta verði stórfengleg sýning á Draumnum og ekki spillir umhverfið fyrir. Leikstjórinn er líka ekkert slor, veit greinilega hvað hann vill og hvernig á að ná því fram hjá leikurunum. Frumsýning næsta laugardag... nánari fréttir af framgangi þessum síðar.

Starfsmaður dagsins: Drengstaulinn sem vinnur við að þrífa óþverran af Laugaveginum. Hann var í fréttunum áðan og kvartaði sáran yfir sóðaskapnum sem aðdáendur Foo Fighters skildur eftir sig. Hann var sko algerlega búinn að fá sig fullsaddann (dró línu yfir hálsinn á mjög svo dramatískann hátt) og þetta var það versta sem hann hafði séð í allan þanni tíma sem hann hafði unnið við þetta, alveg alla tvo mánuðina. Bíddu eftir menningarnótt, góðurinn :-) Held að þú eigir þá eftir að hanga í snöru inni á baði, eða eitthvað þaðan af verra.

Heyrði í Svandísi áðan, það var gaman. Alltaf yljar manni um hjartarræturnar þegar fjarstaddur vinur gefur sér tíma til að spjalla smá... ég er nefnilega með hrykalega fordóma gagnvart msn og því tæknilega vangefin þegar kemur að svona góðum vinum erlendis. Get samt upplýst þá sem hafa ekki heyrt það að þau eru nei ekki búin að kaupa sér hús og sundlaugina er hægt að flytja á milli húsa, sem er mjög hentugt :-) Annars var gott í henni hljóð og gladdi það mig óskaplega *smússss* Nú er bara að vona að h-skólinn í Montpellier vilji ekki að hún taki prófin þar í ágúst heldur VERÐI að koma heim... hehehe.

Æji... nenni ekki meira.. stefni niðrí bæ að fá mér eins og einn öl í góða veðrinu.