Annars var ég að greiða greinilega allar tryggingar núna um mánaðarmótin... þ.e. allt sem viðkemur heimili og okkur. Alli er líftryggður fyrir rúmlega sexhundruðþúsund og það kostar ekki nema 1.100,- kall... enda drengurinn ekki í neinum áhættuhópi, ennþá... reykir ekki né drekkur, né er kona (það eykur hættuna). Það er annars blóðugt hvað maður eyðir miklum pening í þetta... fasteignatrygging 10 þús, fjölskyldutrygging 11 þús, brunatrygging 5 þúsund... peningar sem ég sé ekki aftur, nema að ég sé það óheppin að þurfa á því að halda... ég fæ bráðlega ávísun með endurgreiðslu... ,,og ég veit nákvæmlega í hvað ég ætla að eyða peningunum mínum í"...

Annars var sat ég í sófanum mínum í kvöld og var að fitla við dömubindið mitt, eins og konur gera víst þegar þær eru á blæðingum. Þar sem ég sat var ég að velta fyrir mér hvort ég færi út að borða með Pétri (thong) eða hvort ég ætti að hanga heima (ömmunærbuxur)... gat ekki gert upp á milli. Maður á víst að láta sér líða svo vel, því líkaminn er næmari á þessum tíma (kallast geðsveiflur og frústrering yfir því að vera með bullandi blóðpoll í buxunum) og allt sem er bómull er svo gott. Hef samt aldrei hitt neina konu sem blæðir bláu blóði, eins og karlmennirnir sem semja þessar blessuðu auglýsingar halda fram að séu til... er þið vitið um eina þá er bara að láta mig vita... eins fær maður bara varaþurrk á því að horfa á hvað þetta er orðið rakadrægt, persónulega finnst mér ekkert gott að vita ekkert af því ef allt er að fara á flot. Þá voru nú gömlu Sjafnarbindin betri, þótt tunnulaga hafi verið :-/