Endalaust fyndið... 

Verð bara að deila með ykkur síðunni sem ég var að finna - held ég hafi pissað á mig/misst legvatnið af hlátri við lestur þessarar snilldar :Þ

Einn, tveir og ... Allt á fullt! 

Þá eru fastir liðir eins og vanalega byrjaðir, skólarnir, vinnan að detta í sinn venjulega farveg og mátti sjá merki þess að góðærinu sé að ljúka á Breiðholtsbrautinni í morgun, en teppan þar kl. 08 náði frá gatnamótum Gransás og til Sambíjóanna... í Mjódd!

Nú eru það bara kjötbollur á miðvikudögum og 2,3 3ja konarbrauðsneiðar á dag... :/

Menningarleg helgi í alla staði.. 

Fyrsta helgin í faðmi fjölskyldunnar í langan tíma var um síðustu helgi og hvílík helgi sem þetta var. Einsi skipti um bremsuklossa á öðrum bílnum og einnig um skjákort í tölvunni, svo komu iðnaðarmenn sem kláruðu stigann upp til Alex Skúla á laugardaginn og er frábært að hafa klárað það af, nú er bara að klára að setja upp veggi upp, pæla í gólfefnum og þá er þetta komið :-) Meðan iðnaðarmennirnir voru að klára þá fórum við með strákana að menningast niðri í bæ, röltum um í góðri stemmningu og eins og alþjóð veit þá lék veðrið við alla. Ég og Alex Skúli skelltum okkur m.a. á Harley til styrktar langveikum börnum og nú skal sko fjárfest í alvöru fáki næsta sumar, takkfyrirtakk... sjáið bara hvað þetta er hipp, töff og kúl:

Við kíktum svo á Áslaugu og Helga í osta og rauðvín um kvöldið og létum þessa flugeldasýningu alveg fara framhjá okkur, enda örfáir mánuðir í að önnur stærri og flottari gerist. Um nóttina var ég svo á bílnum og skutlaðist fram og aftur og tók stemmarann á nokkrum partýum með strákunum. Ákváðum svo að efna til kaffisamsætis með Heiðu og co. á sunnudaginn og hér er Alli að setja á eina köku:


Og á hvaða hátt er betra að enda helgina en með því að borða dýrindis kökur með bestustu bestu vinkonu sinni og krökkum hennar:


Svo komu þau líka með TenTen sem var ekki alveg að digga Gullu okkar, svolítil hræðsla og hvæs en ekkert sem smá tími lagar ekki :-)


Að endingu skelltum við okkur í smá póker á sunnudagskvöldið og þar tvöfölduðum við féð sem við lögðum í púkkið... ekki slæm helgi :-)

Nesting is næs 

Jæja, við erum komin heim aftur í ritfrelsið... og mikið er það gott. Þetta ferðalag var alveg frábært í alla staði og ótrúleg upplifun, sjóndeildarhringurinn víkkaði heil ósköp, við náðum til að gera ágætis kaup á allskonar skrýtnum mörkuðum (t.d. keypti Einsi sér Armani jakkaföt á sjöþúsundkall...!), vorum misbitin af moskítóflugum og öðrum pöddum, litla Skonsan lét bera á sér tveim vikum á undan áætlun (fór að finna hreyfingar 3ja ágúst), fengum ekkert í magann (nema mat), borðuðum undarlegan mat á allskonar stöðum og svo mætti lengi lengi telja. Við komum heim aðfaranótt mánudagsins og ég mætti til vinnu átta um morguninn og bjóst hálfvegis við að hrynja niður úr þreytu og öðrum fararviðbjóði... en ég er ennþá í fullu fjöri og býst ég við að ég sé komin á ,,nesting"stigið í þessari óléttu... Fæ ekki nóg af því að þvo og þrífa, sambýling mínum til mikillar ánægju :/

Það eru framkvæmdir á efri hæðinni hjá okkur, en það er verið að gera almennilegan stiga upp í herbergið hjá Alex Skúla og átti þeim að ljúka áður en við komum heim... en núna sjáum við fram á að þær klárast núna um helgina... eða ég vona það. Það er hálfleiðinlegt að vera að nestast um alla íbúð og það er ekkert á sínum stað og má ekki vera það því það eru framkvæmdir í gangi. Þegar stiginn er tilbúinn og búið að ganga frá almennilega og setja upp falsveggi á háaloftinu hjá Alex Skúla þá er komið að því að breyta gestaherberginu í barnaherbergi... og þá missa gestirnir sitt herbergi og þá er eins gott að fara bara að leyta að annari íbúð... eða húsi... einbýlishúsi. Það er oft þannig að ef það á að gera eitthvað smá, þá vindur það svo upp á sig að maður endar einhversstaðar þar sem maður ætlaði ekkert að enda...

Owell, er orðin heilalaus af þreytu allt í einu - bið ykkur vel að lifa snúllos :-)