Ætli það sé ekki best að reyna að koma einhverju á framfæri á þessari blessaðri bloggsíðu minni, langt síðan ég gerði upp siðast og margt og mikið búið að gerast síðan þá. Í fyrsta lagi var Brúðkaup aldarinnar :-) Sérlega skemmtilegur viðburður sem stóð fyllilega undir væntingum, enda ekkert slor þessi félagsskapur sem maður var í. Nanna og Jón Geir létu sémsé pússa sig saman við hátíðlega athöfn og veisla ein ógurleg haldin. Snorri Hergill stjórnaði þessum ógurlgheitum af mikilli fagmennsku og hnyttni, eins og honum er einum lagið… ég ætla ekki einu sinni að byrja að tala um matinn.…*slef* Þegar kokkurinn byrjaði að útbúa hlaðborðið þá var vitað með vissu að maturinn yrði góður, enda á maður aldrei að treysta horuðum kokkum :-) Brúðhjónin sungu af mikilli list og innlifun til hvors annars, ræður voru haldnar (engar leiðinlegar, nota bene), dans stiginn og almennt mikið hlegið og mikið grín. Við skötuhjúin stungum þó af í kringum flugeldasýninguna til að kíkja til veðurs og tékka á stemmningunni niðrí miðbæ. Hún var fín, mikið af fólki enda veðrið ekkert (logn…. gerist sjaldan). Við horfðum á flugeldasýninguna af einhverju húsþaki niðrí miðbæ og var bara geðveikt að sjá yfir mannfjöldann sem var staddur þar, heyra alla stynja saman af frygð yfir þessari sýningu. Svo var aðeins kíkt aftur í brúðkaupið, enda margur áhugaleikarinn kominn þar, félagar okkar úr Draumnum ásamt fleiru góðu fólki. Vil ég þakka þeim nýgiftu fyrir stórfenglega skemmtun og óska þeim enn og aftur til hamingju með að lifa að eilífu í lukku, í krukku… Eftir veisluna var bara farið með flæðinu niðrí bæ og látið berast þar… við vorum að djamma til 08:30 og geri aðrir betur :-) Djöfull var gaman… Sunnudagur er í móðu þynnku og þreytu og Alli fékk að spila Final Fantasy X eins og hann vildi, enda ég engin manneskja til að vera að ala upp barn í svona ástandi. Hann fékk líka að spila svolítið á mánudaginn, eiginlega of mikið.. ég bað hann um að fara út með ruslið, en hann tók sig til og rölti með það út í Sunnubúð… athyglisröskunin farin að segja til sín :-) Við brunuðum af stað á Höfn í gær (mánudag) með stuttri viðkomu hjá Röggu sem var stödd í sumarbústað í Brekkuskógi. Þar var Lilja & co. og var æðilslegt að hitta þær og börnin. Ég hef lítið séð af ungunum hennar Lilju svo þetta var frábært.
Svo nú er ég stödd á Höfn og ætla að vera hér fram á fimmtudag, en þá er okkur Alla boðið á Lauru Kroft auk þess sem von er á mínum heittelskaða í atvinnuviðtal í bæinn. Ég ákvað að vera ekkert að reyna að troða mér í bústað fyrir austan þessa einu helgi sem við hittumst ekki… ef maður getur ekki lifað af eina helgi, þá er maður í djúpum skít. Sigga Lára mín, þér er því óhætt að hætta að reyna að finna handa okkur bústað, en takk samt æðislega fyrir hjálpina… *smúss*