Tökum það með trukki!!! 

Jájá, nú er sko bara að taka á því almennilega og krossleggja fingur, lappir, varir... Öndunarvélin verður færð í barkann á mömmu á morgun og þeir ætla að setja ventil á hálsinn á henni svo hún geti talað! Jahérnahér.. hvað ætli sé það fyrsta sem hún komi til með að segja...? Ég vona að það verði eitthvað fallegt.. þótt það sé skiljanlegt að hún blóti helv... slönguni sem hún er búin að vera með svo ótrúlega lengi í aumum gómnum. Gærdagurinn var alveg hreint magnaður, meðvitundin er alveg 110% hjá kerlu og hundleiðist henni að hanga þarna bara ein og horfa út í loftið... ég fór með dvd-spilarann okkar sem er með skjá og alles svo hún gæti horft á eitthvað skemmtilegt en ég veit ekki hvursu duglegt staffið er að láta eitthvað í hann... sjáum til. Það gengur mun betur að skilja mömmu núna, enda er maður að þjálfast til í að lesa af tannlausum vörum :-) Veit það bara að hún saknar Kolla síns afskaplega mikið og hafði áhyggjur af því að það væri enginn heima að huxa um húsið... en Ingólfur elsku karlinn okkar sér alveg um þá hlið og ætlar að senda mömmu lesgleraugun svo hún geti séð á skjáinn, eða gripið í bók. Æji.. það er bara svo gaman að sjá hennar karakter fara að skína í gegn, það er óhemju mikill baráttuandi í henni og þegar ég var að segja við hana í gær að það væri ok að vera brjáluð, enda lægi hún upp í rúmi, mállaus, búin að missa aðra hendina, missa af 3 vikum úr sínu lífi og engin skilur hana? Viðbrögðin frá henni létu ekki á sér standa... hún horfði á mig.. svo steitti hún hnefann baráttulega upp í loftið og hvaða verkalýðsforingi hefði getað verið stoltur að þessi steitti.. híhíhí. Starfsfólkið talar svo fallega um hana, þeim finnst hún vera svo lífsglöð og góð kerla... ég er ekkert að mótmæla því enda finnst manni mamma manns vera jafn góð og barnið mans er fallegt. Gat samt ekki haldið lengur aftur af tárunum þegar mamma bað um að fá að skrifa á blað og þá kom skýrt og greinilega: I LOVE YOU ALL!