Hey! 

Hver er með mér í að brjótst inn í Húsdýragarðinn í nótt og bjarga Sigurerni?

Grrrr.... 

... nenni ekki að hanga í vinnunni því mig langar svo geðtruflað í sígarettu - vil bara að helgin byrji strax... nennsekki... einhver ægilegur púki í mér eftir að börn og gamalmenni yfirgáfu húsið okkar...
...LANGAR Í SÍGÓ! ... og ég gleymdi veskinu heima ásamt sígóinu, svo ég get ekki einu sinni stokkið út í sjoppu til að kaupa mér sígarettur... á ekkert nema bágt til kl. 16 í dag... djöfuls djöfull... (nú er einhver þarna úti að huxa:,,henni er greinilega alveg sama um börnin í Afríku sem eiga engar sígarettur, aldrei?" Svarið er einfallt; já, mér er alveg sama... sorrý :þ

Úfff...vott a deij... 

Móðir vor lenti í bænum í morgun - en sökum veðurs ákvað hún að fljúga bara ... sem betur fer... það fer ekkert hver sem er að því að keyra til Reykjavíkur í fjörtíumetrumásek ... einhentur! Kerla er að skella sér í allskonar ,,uppfærslur" en það er bara þannig að þegar mar er orðinn eldri borgari þá fer mar ekkert til læknis lengur - mar fer í uppfærslur (þ.e. tækin sem eru grædd í mann eru uppfærð og skipt um batterý ofl. t.a.m. heyrnartæki). Mamma skellti sér líka á nýjan bíl í dag og var ekkert smá gaman að keyra frá Toyota á spánnýjum bíl (keyrður 23 kílómetra)... þ.e.a.s. þegar við mamma náðum loksins að koma bílnum í fyrsta lagi í gang (kveiknar bara á honum þegar það er stigið á bremsuna) og koma honum í gír þótt sjálfskiptur sé. Tækniframfarinnar hafa greinilega verið það miklar síðustu ár að það er ekkert lengur talað um D fyrir Drive lengur. Þetta hét E á nýja bílnum - sennilega út af því að hann er svo sérlega ecconomiskur og alles. Hvað um það... ég náði líka að gera soldið í dag sem ég hefði aldrei trúað. Það var námskeið í vinnuni eftir vinnuna í dag þar sem var verið að kenna okkur framsögn, á leiðinni upp í vinnu (orðin allt of sein á þetta blessaða námskeið) þá gef ég rækilega í (á nýja bílnum, mar þarf ekkert að tilkeyra neitt lengur n.b.) og huxa memmér... ,,já, ef löggan fer eitthvað að fetta fingur út í hraðaksturinn get ég loksins gert eins og Edda Björgvins í áramótaskaupinu'84 ... ,,hvað meinar þú, þetta er flunkunýr bíll (bíb bíb)!" og látið eins og ég sé full. Hvað um það... nema hvað ég æði inn í funarherbergi og tek eftir því að engin önnur en.... en.... Edda Björgvins er að stýra námskeiðinu. Og ekki nóg með það leidýs end djentlemen... mar átti að standa upp og segja einhverja skemmtilega sögu. Auðvitað sagði ég þeim frá því þegar við mamma sátum fastar á planinu og endaði á því að segja þeim frá þessari hugrenningu minni með áramótaskaupið'84 og lék Eddu fyrir Eddu sjálfa... aldrei hefði ég getað trúað að ég ætti eftir að gera það :þ

Hér er svo mynd af honum Sigurði hjá Toyota en hann er þarna að afhenda mömmu lykilinn að nýja flotta bílnum hennar með enn flottara einkanúmeri... verð eiginlega að ganga smá í gelgjuna í kvöld og segja við mömmu; ,,mamma, má ég fá bílinn þinn lánaðann? Ætla bara út í sjoppu... lofa":þ

Brrrr... 

... hver panaði eiginlega þetta veður?

Notalegt í morgunsárið... 

Þegar ég var að lesa Fréttablaðið í morgun og drekka boozterinn minn þá tók elskulegur sonurinn upp gítar og fór að fikta. Hann var í gítartíma hjá pabba sínum í gær en hann er alltaf hjá þeim á þriðjudögum og er faðirinn að sjá um tónlistarlegt uppeldi á drengnum... hvað um það. Þessir líka undurfallegu tónar tóku að streyma frá barninu og spilaði hann svooo fallegt lag, svo fallegt að ég hætti undir eins að lesa, lyngdi aftur augunum og naut í botn. Þegar spilun lauk þá spurði ég hann hvaða lag þetta hefði verið því þetta var svo ferskt og fallegt... tjáði hann mér það að hann hefði samið það sjálfur, nokkrum mínútum fyrr! Þvílíkt og annað eins... barnið mitt er að stefna í að verða tónlistarsnilli mikill og kann ég föður hans bestustu bestu þakkir fyrir... Trassarnir rúla - svo mikið er víst... enda er að koma út plata með þeim... Hlakka itl að heyra nýjasta nýtt í flösudreifingu og öðru headbangi :)

Umbreyting - já takk! 

Við hjónaleysin fórum á Umbreytingu í gær og er ég bara ennþá með sælusvipinn á smettinu. Ég vissi lítið um þetta en vissi að þar sem Ágústa Skúla er leikstjóri var ég þess fullviss um að þetta yrði sko ekkert leiðinlegt! Þvílíkt flott stykki og hvet ég alla sem vilja sjá eitthvað nýtt og ferskt að skella sér á þessa stórfenglegu sýningu.... raðfullnæging fyrir augu og eyru eru eiginlega þau orð sem mér finnst lýsa þessu verki! Leikmyndin er ótrúlega sneddý, tónlistin rosalega góð og hlý, brúðurnar snilldar vel gerðar og túlkunin... já, ég hefði aldrei trúað að maður sem héldi í spotta gæti komið svona miklu frá sér! Þetta eru margar litlar sögur, eða ljóð (hvernig sem mar vill túlka þetta) og ef ég hefði verið með snýtupappír með mér þá hefði ég grenjað af hamingju. Ágústa Skúla er barasta einn af bestu leikstjórum landsins, það er bara þannig... og Bernd Ogrodnik einhver sá besti sögumaður sem sögur fara af, þótt hann mæli ekki stakt orð af munni... túlkunin... ómen... eða Amen?

En núna er ég óvart búin að búa til ofsalega miklar væntingar hjá þeim sem eiga eftir að sjá þetta - en það er alltaf hægt að huxa sem svo þegar ljósin slokkna... ,,best að búast ekki við neinu, vonast eftir hinu besta en búa sig undir hið versta" því hver túlkar sitt á sinn hátt. En ég mæli með þessu stykki, alveg bligðunar- og hikstalaust og skal ég borða lyklaborðið mitt ef einhver skemmtir sér ekki á sýningunni :)

Mmmmm.... 

Þegar lægðunum rignir yfir mann á færibandi og kólnar hratt í veðri - hvað er betra en að fá sér hvítlaukslæri með brúnni sósu, salati og brúnuðum?




Ætla að láta þetta flykki marenerast í dag og elda hægt svo það bráðni í munni.... mmm...

En fyrst ætlum við Alli að baka Gulrótarköku ... notalegar svona matarmiklar helgar :)

Annars eru vinnufélagarnir farnir í vikukrús um karabíska hafið í Lúxusskipi (einhverjar tvöhundruð hæðir með fjórtán sundlaugum og ég veit ekki hvað og hvað...) svo ég er ein í sjoppunni næstu vikuna. Grunar að það komi í ljós mikill draugagangur í Bæjarlindinni þegar ég mæti ein í myrkri ... bezt að vera ekkert að huxa um það, Sigga mín - maður sér bara það sem maður vill sjá.

Annars er lítið að frétta - ætlaði að fara upp í Leikfélag Hafnarfjarðar í vikunni og hjálpa eitthvað til með Ráðskonu Bakkabræðra en sorglegir atburðir urðu þess valdandi að ég forgangsraðaði upp á nýtt hjá mér og hef sinnt sálgæslu hjá syni mínum undandfarið. Lífið er bara svo dýrmætt og börnin manns svo ofurviðkvæm fyrir áföllum að maður verður að hafa hlutina á hreinu. Okkur var nú samt hálf hent út í gær (,,mamma - ég get alveg verið einn heima og mér kemur ekkert til með að leiðast, sko") og fórum við í smá pókerspil við ónefnda samgrúppíu mína og félaga hans og eru þau mörgum þúsundkallinum fátækari í dag, því miður fyrir þau - en þetta gómsæta læri er keypt fyrir ágóðan af þeirri kvöldstund okkar :) ... það er sko alveg hægt að vera heppin í spilum OG ástum :)

Góða helgi :þ

Hvað með einn hressandi í rigningunni? 

Hafnfirðingur tók sér far með leigubíl frá Reykjavík til Hafnarfjarðar. Leigubílstjórinn reyndi að koma á vitrænum samræðum og spurði: ,,Veistu hver er ekki bróðir minn, ekki systir mín en samt barn foreldra minna?"
Hafnfirðingurinn hugsaði sig lengi um en svaraði síðan neitandi.
,,Nú, auðvitað ég sjálfur!" skríkti leigubílstjórinn og Hafnfirðingurinn kinkaði kolli og klóraði sér.
Þegar hann kom heim í Hafnarfjörð spurði hann konuna sína sömu spurningar:
,,Heyrðu, Dúna mín, veistu hver er ekki bróðir minn, ekki systir mín en samt barn foreldra minna?"
,,Nei, Siddi, vinur. Það veit ég ekki, hver er það?" svaraði eiginkonan áhugasöm.
,,Það er einhver leigubílstjóri í Reykjavík," sagði þá Hafnfirðingurinn, kinkaði kolli og klóraði sér :þ