Til hamningju með daginn, elsku Alli minn! 

Alli minn fermdist í dag að vistöddu fjölmenni, góðmenni og allskonar allskonar... myndir koma seinna en núna er tími til kominn til að h v í l a s t og sofa út í fyrramálið :-)

Þessi stjórnmál... 

Nonni litli var aðeins farinn að velta fyrir sér lífinu og tilverunni og einn daginn fór hann til pabba síns og spurði hann: "Hvað eru stjórnmál?"

Pabbi hans svaraði: "Jú sjáðu til, það er kannski best að ég útskýri það á þennan hátt: Ég vinn fyrir fjölskyldunni og þess vegna skulum við kalla mig Auðmagnið. Mamma þín stýrir heimilinu og ræður útgjöldunum og þess vegna skulum við kalla hana Stjórnvöld. Við erum til þess að sinna þörfum þínum svo við skulum kalla þig Fólkið. Við getum síðan haldið áfram og kallað barnfóstruna Öreiga. Litla bróður þinn skulum við kalla Framtíðina.

Farðu nú og veltu þessu fyrir þér og athugaðu hvort þetta kemur ekki heim og saman. þannig að Nonni litli fór í háttinn og hugsaði stöðugt um það sem pabbi hans sagði honum.

Um nóttina vaknar hann upp við grátinn í bróður sínum. þegar hann kemur inn í herbergi hans finnur hann fljótt að bleian hans er blaut og mikil fýla af henni. Hann fer inn í svefnherbergi foreldra sinna og finnur mömmu sína sofandi. þá fer hann að herbergi barnfóstrunnar og finnur að hurðin er læst. Hann kíkir inn um skráargatið og sér föður sinn í rúminu með barnfóstrunni.

Að lokum gafst Nonni litli upp og fór aftur í herbergi sitt og sofnaði.

Næsta morgun segir hann við föður sinn. "Pabbi, ég held núna að ég skilji hvað stjórnmál ganga út á." Gott segir faðirinn, segðu okkur frá því. þá sagði Nonni litli: " Jú sjáðu til, á meðan Auðmagnið riðlast á Öreigunum er Ríkisstjórnin steinsofandi. Fólkið er hundsað og Framtíðin er í djúpum skít...

Svona er veðurspáin fyrir sunnudaginn þegar Alli minn fermist: 

Sól, sól, sól... og fimmtánstigahiti!




Júhú!

Sússýsússý.... 

... alltaf þegar maður lætur of langan tíma líða á milli blogga kemur maður sér ekki af stað og allar fréttir eru orðnar gamlar fréttir...

Við Heiða og Einsi höfum verið óvenju menningarleg undanfarið en við skelltum okkur í Hafnarhúsið að sjá Gilles Bensimon að skoða myndir hans af nokkrum fegurstu fljóðum heims, það var gaman. Svo var frumsýning á Bingó á laugardaginn, það var líka gaman þótt væntingarnar hjá mér hafi greinilega verið nokkuð gíraðar upp og útkoman ekki alveg eins og ég átti von á. Prýðisgóð sýning samt sem áður og frábær leikur hjá þeim. Á mánudaginn fórum við Heiða í enn einn menningarleiðangurinn og sáum EXAMINASJÓN hjá Stúdentaleikhúsinu og er ekki hægt að segja annað en það sé þess virði að hvíla rassinn á óþægilegum bekknum í þann einn og hálfan tíma sem maður veltist um af hlátri og upplifir sig vel með því verki. Frábært verk og ættu allir Hugleikarar sem eiga boð á sýninguna ekki láta hana fram hjá sér fara... ánægjulegt að vera komin með svona listaþíngý í bakgarðinum hjá sér :-)

Annars kom mamma til Reykjavíkur í gær og ætlar að vera hjá okkur í m a r g a daga, við erum að fara í brúðkaup í kvöld og svo er náttlega ferming þann 29.

Er ekkert byrjuð að undirbúa eitt né neitt fyrir þessa blessuðu fermingu - utan þess að hafa prufukeyrt Kaniltertu um helgina til að fá samþykki vina fyrir góðmennsku hennar :-) Er að halda 200 manna árshátíð um helgina sem tekur mun meiri tíma og orku frá mér en nokkruntímann kaffiboð með vinum og ættingjum...

Svo frýs saman í nótt svo sumarið verður vonandi gott... Takk fyrir veturinn í vetur, lesturinn og allt það - megið þið eiga ánægjulegt sumar... hvenær sem það kemur og hvar sem þið eruð :-)

Anti sportisti en samt... 

Við Sif ákváðum að skella okkur í Jújitsú eða hvað sem það heitir á þriðjudag og var ég með svo miklar harðsperrur eftir það á miðvikudaginn að ég ákvað að fara í sund, synda vel og enda í heita pottinum. Í dag er ég með miklar harðsperrur eftir sundið svo við erum að fara í jújitsú í kvöld... og svo er það skvass á laugardaginn til að taka á þeim vöðvum sem mar er vanur að taka á... þegar maður huxar að skvassið sé eitthvað til að hvíla líkamann þá spyr mar sig...

... er mar að breytast í einhvern íþróttaálf eller vatt?

Hálfur hringur á nokkrum dögum... 

Við skelltum okkur austur um páskana og fórum í fermingarveislu hjá Söru, bróðurdóttur Einsa og láum þar í ofáti og öðrum vellystingum. Kíktum við í mat hjá mömmu bæði fram og til baka og slógum met í því á hvursu skömmum tíma er hægt að keyra frá Höfn og til Reykjavíkur... fjórir tímar og tuttugu mínútur... með þrem stoppum, takkfyrirtakk...

Heimildarmyndir eru hér

Djöfuls mánudagsmorgun... 

Hefði átt að lesa stjörnuspána mína í morgun áður en ég hljóp út í vinnuna:

Þú ert alveg út að aka þessa dagana. Það er þér þó ekkert nýtt! Reyndu samt að halda jarðsambandi og vera ekki alveg svona utan við þig.

7 mín. síðar var ég tekin af lögreglunni fyrir að fara yfir á rauðu ljósi og var ekki með ökuskírteinið á mér... né önnur skilríki... :-(