Þörf áminning...
Einn vinnufélagi minn er til hvílu borinn í dag og færði ekkja hans okkur þessa vísu sem mig langar til að deila með ykkur, enda er góð vísa aldrei of oft kveðin:
Í grendinni veit ég um vin sem ég á
í víðáttu stórborgarinnar.
En dagarnir líða mér óðfluga frá
og árin án vitundar minnar.
Og yfir til vinarins aldrei ég fer
enda í kappi við tímann.
Sjálfsagt þó veit að ég vinur hans er
því viðtöl við áttum í símann.
En yngri vorum við vinirnir þá
af vinnunni þreyttir við erum.
Hégómans takmarki hugðumst við ná
og hóflausan lífróður rérum.
Ég hringi á morgun ég hugsaði þá
svo hug min fái hann skilið.
En morgundagurinn endaði á
að ennþá jókst milli okkar bilið.
Dapurleg skilaboð dag einn ég fékk
að dáinn sé vinurinn kæri.
Ég óskaði þess er að gröf hans ég gekk
að í grendinni ennþá hann væri.
Sjálfur ef þú átt vin góðan í grennd
þá gleymdu ekki hvað sem á dynur,
að albesta sending af himnunum send
er sannur og einlægur vinur.
