Tunglsýki Siggudísar

Jájá, teljarinn minn dottinn niður í núll! Núna þarf ég að heyra allt um það frá ykkur hvernig maður kemur sér af stað... þið sem hafið fætt... það er svo langt síðan ég stóð í þessu síðas að ég man ekki neitt... hvað er best og hvað er best, já og hvað er best...? Ég er ekki einu sinni með pílur, bjúg eða neitt sem tengist neikveiðnum meðgöngueinkennum, nema ef vera skyldi ofurlyktarskyn. Veit upp á hár að það var einu sinni frystihús í vinnuni hans Eins og get varla gefið honum Velkominnheim-knúsið sitt eftir vinnudaginn, ég fann í gær þegar hann kom úr sturtu (á hæðinni fyrir ofan) að hann hafði rakað á sér skeggið... fann það á lyktinni sem kom úr öðru herbergi á ANNARI HÆÐ! Spáið í þessu... er að spá í að hafa samband við fíkniefnalögregluna og gerast fíkniefnakona... ekki hundur - heldur kona... :-) Núna verð ég t.d. að drífa mig frá tölvunni því það er svo mikil lykt hér af einhverju sem ég er ekki að meika - held að það sé náttfatagallinn sem Heiða kom með í gærkvöldi... úfff...

Annars hitti ég Jóhönnu í gær og hún bað að heilsa mömmu minni, virtist málefnaleg og mjög almennileg... enda er hún í uppáhaldi hjá mér... en þar sem þetta getur ekki flokkast sem hjálpartæki, endurhæfing eða bein lækning þá þarf líklegast lagabreytingu til að koma þessu í gegn og ætlar hún að skoða málið - tók vel í þetta og skyldi fullkomlega nauðsyn þess að mamma væri með góðar neglur og mjúkar hendur...

Jæja, æm off tú mæðraskoðun - endilega laumið að mér ráðleggingum varðandi gangsetningu :-)

- Siggadis, 10:27

Comments:

Það sem ég man: Hreyfing, gönguferðir og svoleiðis, endilega upp og niður stiga, ef þú ert ekki með grindverk, kryddaður matur og dodo.

Reyndar segir mín persónulega reynsla að ekkert af þessu virki, en á síðustu meðgöngu var ég nú reyndar ekki í ástandi til að prófa þetta með göngurnar og stigana.

Ég er reyndar farin að fá alveg hressilega fyrirvaraverki þegar ég er búin að vera að hreyfa mig eitthvað mikið. Svo það getur vel verið að eitthvað sé til í þessu með hreyfinguna.

En ég myndi, og ætla, að reyna flest til að koma þessu sjálfkrafa af stað án aðgerða á spíttlanum. Mín spíttlaknúna gangsetning var allavega voða vesen.

# posted by

Sigga Lára : 24 janúar, 2008 12:58

Gott spark í bumbuna virkar mjög vel. Heiða sparkaði Þór í heiminn. Ég var í mestu rólegheitum að skipta á henni, ekki búin að setja einn hlut ofan í spítalatöskuna og alls ekki búin að fá neinn verk þegar hún gaf mér gott spark í bumbuna, vatnið fór að leka og hálftíma síðar fékk ég fyrsta verk. Fimm tímum síðar var hann kominn í heiminn. Það var einum degi eftir ásettan dag.

Heiða kom á undan settum degi svo ég var nú ekkert farin að reyna með hana. Ég var hins vegar afskaplega dugleg að hreyfa mig og fara í langar gönguferðir á þeirri meðgöngu og ég held að það hafi pottþétt hjálpað til.

Ég legg til: Góð gönguferð. Langt bað með lavender (held ég hafi heyrt einhversstaðar að það hjálpi, það er alla vega einhver svona slakandi jurt sem á að geta hjálpað). Indverska súpan sem Bjössi eldaði handa okkur forðum daga og svo bara svipuna á kallinn.

Og heimsins lengsta komment er í boði reykjavíkurborgar.

# posted by

Svandís : 24 janúar, 2008 15:09

Það er náttúrulega til fullt af litteratúr sem segir að best sé að móðirin hvílist sem mest og áreynsla geti komið i veg fyrir hið náttúrulega flæði og öll inngrip leiði af sér fleiri osfrv... en við erum ekki í jóga heldur höfum verk að vinna, svo:

Ganga NIÐUR fullt af tröppum, hossast niður þær.
(láta ljósu hreyfa aðeins við belgnum, jafnvel bara athuga útvíkkun eða styttingu leghálsins)
Upp í rúm að leika og ekki fram úr í 20 mín á eftir..
..þá beint út að RÓLA! eins og brjálæðingur.
Svo heim að slaka á.

Þetta er nákvæmlega mín uppskrift. Ég veit að það eru margir sem æla af ófögnuði við að láta ljósuna grípa inn í þetta náttúrulega ferli, en þar sem hún Bergþóra mín fæddist eftir gangsetningu (sem nb leiddi af sér mörg inngrip) og fékk bara 3 í fæðingareinkunn í kjölfarið - var í boði fyrir mig að sleppa gangsetningu með Álfheiði.
Og það tókst með akkúrat þessari aðferð! Þarf varla að segja þér hve auðveld fæðingin var;) Tók hreinlega ekki eftir hanni..haha.

Gangi þér rosalega vel og hlakka til að sjá krúttugluna!

P.S. vinkona mín var að komast á dag þegar hún horfði á The Ring eitt kvöldið. Um nóttina þorði hún ekki ein á klósettið svo hún bað kæró um að koma með sér - nema hvað að þegar hún kom aftur fram þá stekkur hann úr fylgsni og bregður henni - og splass, allt vatnið á gólfið! ...svo ef Einsi vill taka í taumana..

# posted by

Unknown : 25 janúar, 2008 09:50

Mitt ráð er að gera ekki neitt. Annað en að safna kröftum og hnýta alla lausa enda heima, þannig að maður þurfi ekki að vera að pæla í því hvar hin börnin manns séu eða hvort maður gaf kettinum, svona rétt á meðan maður er að koma þessu frá.

Þegar hún kemur verður hún líka hjá þér í tvo áratugi eða svo, þannig að nokkrir dagar til eða frá skipta ekki öllu.

Hinsvegar skaltu hætta STRAX að mæta í vinnuna sem þú hefðir átt að vera löngu hætt að mæta í... Skamm.

Kannski hafa JB menn sett í þig andlegan fæðingartappa svo þeir geti hóað í þig alla daga til að bjarga þeim. Hver veit

# posted by

Spunkhildur : 25 janúar, 2008 10:40

Áðan dreymdi mig eitthvað endalaust langt og flókið með öllum sem ég þekkti í. Þar voruð þið hjónaleysin m.a. með nýja barnið ykkar, litla stúlku sem var alveg gríðarlega rauðhærð og freknótt, en bar að öðru leyti mikinn svip af baby born dúkkunni hennar Gyðu.
;-)
Og það var mikil hamingja.

# posted by

Sigga Lára : 25 janúar, 2008 12:29

Fíkniefnakona er alveg aaaaagalega fyndið orð!

# posted by

Varríus : 28 janúar, 2008 00:14

Skrifa ummæli