Rósaball í kvöld! 

Já, þá er loksins komið að því - ,,litli" drengurinn minn (sem reyndar er mun stærri en ég) er að fara á langþráð Rósaball í kvöld og býður einhverri stelpu úr 8. bekk sér til fylgdar. Þeir strákar eru löngu byrjaðir að plana þetta og pöntuðu Hummerinn fyrir mánuði síðan, borguðu hann fyrir nokkrum vikum og byrjað var að spá í fötum fyrir 3 vikum... svo var af sjálfsögðu farið í klippungu til Áslaugar okkar í gær, fötin mátuð aftur og nýjir skór gengnir til í rólegheitunum... Eitt er þó sem skyggir á en strákarnir segja að stelpurnar í 8. bekk séu allar feitar og ljótar en ég trúi því ekki fyrr en í fulla hnefana - það skiptir heldur ekki máli - það er ballið og stemmarinn sem kántar :-)

Verst þykir mér þó að nú er mamma svo ógurlega hallærisleg að ég má ekki sjást - hvað þá fylgja þeim og taka mynd af Alla mínum með dömunni sinni...


Myndin er frá því 2006 en vonandi fæ ég nýja mynd með nýrri dömu á morgun :-)