Í því... 

hafði lögreglan samband við mig - það er barasta komið að þeim tímapunkti hjá þeim að fara að dæma í húsbrotsmálinu okkar og ætlar tæknideildin að koma og taka myndir af vettvangi. Því miður hef ég þvegið blóðið af veggjum og lagað til eftir þessi átök, sem og útskrifað soninn frá sálfræðingi á þessu tæpu ári sem er liðið frá árásinni... rosalega fljótt til þetta blessaða réttarkerfi okkar... right?... :/

Owell... 

Það er ekki mikill friður til útsofelses hér á bæ - er vakin reglulega með símtölum frá vinnumiðlunum... sem er bara frábært og ég veit að mar á ekki að kvarta yfir því. Eitt viðtal á morgun en það er bara 75% starf og er eftir kl. 17 á daginn svo ég sé ekki mikið strákana mína ef af verður. En á móti kemur að ég get tekið að mér eitthvað aukretis til að eiga almennilegt salt í grautinn...

Gleymdi að óska Fangor til lukku með stórfallega snúllu sem þeim Jóni fæddist um helgina - mikið er þetta falleg stúlka og ber nafn sitt tignarlega :-) hringlhringl...

Dagur #4 ... 

.... zzzzzzzzzzz..........

Dagur #2 í 4ra daga h-tíðarhöldum 

Hef ákveðið að halda 4ra daga h-tíðarhöld í tilefni starfsloka minna - nú er dagur tvö. Dagurinn í gær var góður í öllu tilliti - buðum Ása í feit rif, skelltum okkur í visité til Hróans um kvöldið og fórum á rúntinn og fengum okkur bragðaref - meðan únglíngurinn á heimilinu naut þess að vera home alón. Í gær var uppstigningadagur - til hamingu með það allir sem trúa á það. Heyrði í gær að einhver íslensk stúlka í bandaríkjunum hafi verið spurð að því hvað þessi dagur héti á ensku og var hún í einhverjum vandræðum með að þýða daginn en hafi komið með svarið að þetta væri ,,Jesus take-off day" - sem er satt þannig séð :þ

Annars er bara verið að sækja um vinnur hér og þar - fékk nei frá fasteignasölunni og IKEA - var víst heldur í dýrari kantinum fyrir þau... en ég er ákveðin ung stúlka og ef ég nefni einhverja krónutölu þá meina ég hana, ekki fimmtíuþúsund fyrir neðan eða vinna 6 daga vikunar 12 tíma á dag fyrir þá upphæð. Hörð á mínu og sannfærð um að einhver þarna úti vill fá svona óskaplega vinnusama únga konu til sín... eitt viðtal bókað á mánudaginn - stefni á það að vera komin með eitthvað í grunninn þegar eldri sonurinn fermist um hvítasunnuna ... en það styttist óðum í þann stóráfanga :-)

Kveðjugill hjá Eddunni í dag eftir vinnu hjá þeim - stefni einnig á að kveðja fólkið mitt með góðum skandal... hef áreitt nokkra karlmenn kynferðislega undanfarna daga en þar sem ég er með svo flekklausan ferlil niðurfrá í þeim málum að það má ekki lengur vera... heheh... Einsi verður að vísu einnig á staðnum, en það gerir söguna bara enn betri... heheh...

Góða helgi öllsömul :-)

Gjössovel essku mammsa 

Hér er rauði bíllinn hennar Fríðu - flottur, ekki satt?

Andrés ó elsku Andrés... 

Síðasti vinnudagurinn minn hjá Eddunni í dag - gerði Andrés með Rós sem er að taka við honum af mér og gekk það barasta ljómandi vel en mér líður reyndar eins og ég hafi látið barnið mitt frá mér til ættleiðingar... veit af því í góðum höndum en get lítið skipt mér af í framtíðinni. Ætlaði að aldeilis fá mér afslöppun og rólegheit eftir vinnu í dag, en hafði skellt í mig einu glasi af Herbaltei seinnipartinn og get því ekki setið kjurr er er líklegast eins og fíkill eftir gott amfetamíntripp... gnísti tönnum og með í maganum :þ

Önnur ástæða til að fagna en systir mín var að kaupa nýjan pikköpp - tek mynd af honum á eftir mammsa og skelli inn svo þú sjáir líka þennan Rauða dreka :-) ...var að hella upp á nýsterkt expressó handa þeim svo ég sé ekki ein um skituna hér á bæ .... hóhóhó...

brrr.... 

finnst frekar halló að vera að fara í ,,sumarfrí" eftir vinnu á morgun... :þ

Ónei - ekki aftur Gulla mín... 

Eins og má sjá á þessari mynd þá var Gulla drifin í ófjósemisaðgerð - aftur. Hún fór að breyma um síðustu helgi en þá var bara vika liðin frá fyrri aðgerðinni. Kom ég að henni fyrir framan eldhúsgluggan þar sem hún og Mjási voru að hömpast á hvort öðru - en ég hef alltaf kallað þann kött Mjásu og hélt að væri kisustelpa - en hafði greinilega rangt fyrir mér :-/ Ég reif Gullu inn og húðskammaði fyrir glyðruskap og ókvenlegheit - greinilegt að móðir náttúra er ekki sammála mér því hún stökk aftur út með det samme og lét einhvern annan taka sig á bílastæðunum... ég lét bara eins og ég þekkti hana ekki - dónastelpuna. Ég ætlaði upphaflega að fara bara með hana í skoðun því þetta ástand var ekki alveg eðlilegt - en þá vildu þau opna hana aftur og reyna að finna hinn eggjastokkinn. Nýr dýralæknir skyldi reyna í þetta sinn. Fékk svo hringinguna - og aftur skaust upp í huga mér að hún væri dáin - hefði bara ekki þolað alla þessa lyfjagjöf og svæfingar... en neinei... sem betur fer þá var allt í orden - nema hvað þessi blessaði hægri eggjastokkur er ekkert að finnast og ekkert hægt að gera í því. Reyndar fannst ekki heldur hægra nýrað á henni - svo doksi sagði að hún væri bara svona vinstrisinnuð og spes - ekkert við þessu að gera en hún hefði ágætis möguleika á að lifa eðlilegu lífi - þannig séð. Doksi bauðst til að gefa henni sprautu sem virkaði líkt og pillan - en það sem það hefur auknar líkur á krabbameini í för með sér þá afþakkaði ég það. Alveg komið nóg af lyfjum og ógeði í bili - við verðum bara að þola það að hún liggi undir einhverjum pörupiltum í hverfinu - held bara áfram að láta eins og ég þekki hana ekki :-/

Annars var þetta hin rólegasta helgi og fór lítið fyrir Júróvisjón djammi - enda loftið að mestu farið úr þessari blöðru fyrst Sylvía komst ekki áfram - ætla aldrei til Aþenu eða Grikklands yfirhöfuð - dónar allt saman sem kunna ekki að taka djóki... grrrr....

Og Einsi . . . 

Myndi kalla sig Von. Dudenhorfh :þ

Ohhh... svona liti ég út ... 

Ef ég byggi í South Park . . . myndi kalla mig Kókó :þ

ünd again... 

annað atvinnuviðtal á morgun - móttaka á fasteignasölu... hvernig lízt ykkur á það... hvort væri betra að fá afslátt af húsgögnum hjá IKEA eða afslátt af sölulaunum fasteigna? hummm... svo sótti ég líka um hjá ÁTVR - en það væri náttlega brill að geta verið þar :þ

Áríðandi tilkynning! 

Hér er áríðandi tilkynning frá Sjálfstæðismönnum í Tuborg (áður Árborg)


Eins og flestir ef ekki allir íbúar Tuborgar vita þá hefur eitt af stóru baráttumálum Sjálfstæðisflokksins í Tuborg fyrir bæjarstjórnarkosningarnar í ár verið áhersla á að Hellisheiðin verði full-upplýst á næsta kjörtímabili... Þetta baráttumál er ekki lengur á stefnuskrá flokksins þar sem komið hefur í ljós að ljósastaurar hreinlega bara verið fyrir!!

Móðir mín - fjölmiðladrottningin 

Sjá veffrétt :þ

Úfff.... 

Hausinn á mér er svo uppfullur að Eyþórs Arnalds djókum að ég er hrædd um að ef ég fæ ekki að tjá mig við fólk fæ ég heilaæxli og dey! ... ætla samt ekki að segja mikið hér... hef lent í því að það borgar sig ekki :þ

Og einn góður í tilefni þessa föstudags: 

Einar Kristjánsson frá Hermundarfelli og Kristján Einarsson frá Djúpalæk voru vinir
og báðir landsþekktir hagyrðingar. Þegar þessi saga gerðist bjuggu þeir báðir á Akureyri. Eitt sinn var Einar úti á göngu að vetrarlagi og gekk þá fram á snjótittling sem lá í öngviti á jörðinni. Hafði sennilega flogið á snúru. Hann tók fuglinn upp og fann að hjartað sló svo hann fór með hann heim til sín. Fuglinn hresstist brátt og fann Einar þá búr og setti fuglinn í það og kom búrinu fyrir í stofuglugganum. Þegar hann var að bjástra við að koma búrinu fyrir í glugganum gekk Kristján frá Djúpalæk fyrir gluggann og sá hvað hann er að gera.

Hann orti vísu og sendi Einari.

Einar greyið ýmsar raunir hrjá
ekkert má skáldið hugga.
Inni í stofu tyllir sér á tá
með tittlinginn úti í glugga.

Einar vildi ekki láta Kristján eiga neitt hjá sér og sendi vísu til baka.

Elsku vin ég aumka en skil
öfundina þína.
Þú átt engan tittling til
sem tekur því að sýna.

Nelgdi það... 

... gjörsamlega nelgdi starfið í morgun - gat í raun valið úr tveim stöðum - nú er bara að sjá hvort það sé hægt að semja um krónutölu :-)

Sólin skín og allt að gerast - ætla að skella mér í hvalaskoðun á laugard.kvöldið - Heiða... ertu ekki memm?

Verð bara að segja það... 

... en Dorrit rokkar alveg . . . hún er að fá alltaf fleiri og fleiri rokkstig frá mér :-) Annars skrifaði ég tölvupóst áðan til framkv.stj.Bónus til að skora á hann að opna útibú á Höfn - þar eru íbúar í fangelsi 11-11 sem æltaði að lækka hjá sér vöruverðið þegar þeir voru búnir að bola Krónunni í burtu - en hvað hefur gerst...? ekki neitt... og áfram verða hornfirðingar að versla við þessa 11-11 búllu - sem b.t.w. var dýrast í verðkönnun ASÍ í dag... grrr... kannski ég ætti frekar að biðja Dorrit um að kippa þessu máli í liðinn... tíhíhíhíhí...

Fyrsta atvinnuviðtalið á föstudaginn - grunar að það verði það fyrsta af nokkuð mörgum... einhver heilræði sem hægt er að lauma að stelpu sem hefur ekki staðið í svona í átta ár? :Þ

Smá hugleiðing um tannlækna... 

Af slysni glápti ég á ensku mörkin í gær - og gjörsamlega límdist við skjáinn því annað eins samansafn af illa tenntum áhirfendum hef ég sjaldan séð - var bara að spá ... er engin starfandi tannlænir í Bretlandi? Gott dæmi er nýjasti utanríkisráðherra þeirrar þjóðar... ekki það að lúkkið skipti öllu - hún er örugglega mjög fyndin og skemmtileg og góð til síns brúks... :þ

Kúl :-/