Rósaballið 

Í kvöld er Rósaballið árlega sem 10. bekkingar í Árbæjarskóla halda og bjóða 8. bekkingum sérstaklega á. Strákar bjóða stelpum og stelpur strákum, mæta uppábúin og færa viðkomandi ,,deiti" rós. Í fyrra kom ógó sæt stelpa að pikka Alla upp og mæta flestir á hinum ýmsustu farartækjum, iðulega limmó eða rútur sem búið er að skreyta. Hefur það verið ágætis skemmtun að fylgjast með limmónum reyna að snúa við í þessari þröngu götu, gefast upp og bakka með mikilli fyrirhöfn alla leið út aftur. Tala nú ekki um þá bílaumferð sem flykkið stoppar... Ballið er skemmtileg leið til að bjóða nýnemana velkomna í gaggó og mættu margir skólar sem eru með óþægilegar og pínlega aðferðir við að busa nýnemana sína taka þetta sér til fyrirmyndar. Busauppboð eru líka fín leið, því þar eyða busarnir góðum tíma með eiganda sínum og kynnast um leið hinum ýmsustu heimilisstörfum :-)

Á myndinni má sjá gullstrákinn minn spila örlítið á gítarinn áður en hann fer á ballið í skólanum... handsome dónt jú þínk?

Og einn góður á mivvikudej: 

Vitiði af hverju Franklín Steiner fer alltaf í götóttum sokkum til útlanda?

-Því hann er alltaf stoppaður í tollinum!

Hvað er betra á mánudegi... 

... en að byrja daginn á einhverju fyndnu sem kemur manni í létt og gott skap og leggur línurnar fyrir daginn?

mmmm... nammi... 

Við vinnufélagarnir fórum út að borða í gærkvöldi og var ákveðið að fara á Sjávarkjallarann. Er skemmst frá því að segja að maturinn var stórfenglegur og ekki skemmdi fyrir að umhverfið er alveg frábært, mjög flott allt saman, þjónustan frábær og stemmarinn almennt hinn skemmtilegasti. Hér erum við að sötra fordrykk og hér að neðan má sjá þegar eftirréttirnir voru bornir fram en þeir flæddu yfir borðið í orðsins fyllstu...:

Þau eru svo yndisleg og skemmtileg öll sömul :-)

Annars á Alex Skúli afmæli í dag og eru þeir feðgar í þessum orðum töluðum úti að versla afmælisgjöf, kökur og kransar hafa vinsamlegast verið afþakkaðir en vonandi næ ég að troða upp á hann eins og einni súkkulaðiköku eða jafnvel eplapæj... mmm... með ís jafnvel..? mmm... best að fara að hita ofninn... :-)

Og enn af bumbum... 

Hér sjáið þið, kæru lesendur bumburnar tvær í familýjunni (myndin tekin í síðasta mánuði) en Gulla hans Gumma á von á sér í október. Hún er svo agalega nett, sæt og ber bumbuna sína svo ótrúlega vel en ég er komin á hvalastigið, þ.e. kvelst og líður eins og hvali... Hef ekki ennþá nennt að fara í meðgöngu eitt né neitt, hvorki jóka (ertu ekki að djóka, hvað er eiginlega gert þar..? Setið og hummað...?) né sund en nenni af og til í göngutúra. Stoðkerfið í löppunum á mér er farið að gefa sig og ég er rétt svo hálfnuð með meðgönguna, veit ekki hvernig ég verð komin 8 mánuði á leið... hvað þá 9... æji, kvart og kvein... maður ætti frekar að þakka fyrir að vera þó þetta heilbrigður og búa í Íslandi þar sem heilsugæslan er ókeypis fyrir svona hvalreka eins og okkur bollurnar :-)

Annars er lítið að frétta, fórum í sextuxsammli til Halla mágs míns í Grundarfirði um síðustu helgi og um næstu helgi á skásonurinn afmæli... verður þá 15 ára, kallinn... við bökum væntanlega eitthvað gott þá og skellum á könnuna...

Svo ætlar Toyota að vera svo elskuleg við okkur að lána okkur Prius í reynsluakstur og fáum við hann til mánudags... fer vonandi betur um hvalrekann þar en í síðasta bíl sem við reynsluókum... :/

Eigið góða helgi, elskurnar og njótið lífins :-)

Hvernig líst ykkur á þessa? 

Vorum að koma úr prufuakstri á þessu sýnishorni af bíl... hann var frekar fyndinn, rafrænn, mjög umhverfisvænn og undarlegt að keyra hann, en ég geymdi handtöskuna mína í afturskottinu (það var ekkert pláss á milli sætana)... Maður verður að leggja sitt af mörkum til umhverfismála...Kannski mar fari bara sömu leið og Sheryl Crow í þeim málum - noti bara eitt bréf þegar salernið er brúkað...?

Kannski endar mar sem vinstri græn kerling sem rakar sig ekki undir höndunum?

Rakst á þennan góða djókara á veraldarvefnum...: 

Jón verkfræðingur deyr og fer auðvitað upp til himna eins og allir
verkfræðingar. Þegar þangað kemur leitar Pétur í nafnalistanum og segir svo:
"Því miður Jón minn, þú ert ekki ekki á listanum, þú verður að fara niður."
"En en, ég er verkfræðingur..." "Já sorry en þú ert ekki á listanum!" Þannig
að Jón er sendur niður til helvítis.

Mánuði síðar er Guð að fara yfir nafnalistana og sér að þau mistök hafa átt
sér stað að Jón verkfræðingur hafi óvart verið sendur til helvítis. Hann
bjallar í Satan og biður hann um að skila nú Jóni. Satan segir strax: "Ekki
séns, þú færð Jón sko ekki aftur, þín mistök." Guð er ekki sáttur og segir:
"Láttu ekki svona, Jón er verkfræðingur, hann á heima á himnum með hinum og þú veist það." Þá varð Satan mikið niðri fyrir og sagði: "Sko, áður en Jón
kom var ógeðslega heitt hérna, það var hraunstraumur hér um allt og
brennisteinsfnykur og viðbjóður. Jón breytti þessu öllu. Núna erum við
komin með loftræstingu, brýr, vegakerfi, flóðvarnagarða og ég veit ekki hvað
og hvað, allt hannað af honum. Þetta er orðið helvíti næs hérna hjá okkur.
Það er ekki séns að þú fáir hann." "Sko, Satan, þú lætur mig fá hann aftur
eða ég fer í mál við þig!" "Já er það og hvar þykist þú ætla að fá
lögfræðinga!"

Nýr hamingjustuðull settur! 

Ég hélt alltaf að ég væri ekki svona kerling sem færi að grenja við minnsta tilefni, en neineineinei... ég er svo sannarlega búin að afsanna þá kenningu mína á þessari meðgöngu. Í gær fórum við í sónar og sáum litla dásamlega barnið okkar og þá runnu tárin svo strítt að Landsvirkjun hafði samband við mig og vildi fá að virkja mig... Barnið er dásamlega fallegt, fullkomið og ætlar að koma á afmælisdag Gunna heitins, bróður mömmu, daginn fyrir afmælisdaginn minn og margra annara sem ég þekki. Hvort sú tímasetning stenst verður bara að koma í ljós.

Hér náðist ein assgoti góð mynd af Mómó (vil ekki kalla það Maó Stalín ens og pabbinn vill):

Smá aðstoð, plís... 

Ég var að fatta hver er megin munurinn á þessari meðgöngu og þeirri síðustu, sem var fyrir 14 árum síðan... þetta er mín fyrsta meðganga þar sem ég hef aðgang að hlut sem heitir Internetið... spáið íþí.. hahaha... þegar ég gekk með Alla minn þá voru bara bækur, prentaðar á blöð, innbundnar í kili...

Nú þarf ég smá ráðleggingar... ef mar ætlar að stofna svona sérsíðu sem maður tileinkar barninu og meðgöngunni, á hvaða svæði er best að gera solleis... Er svolítið á móti Barnalandi vegna kerlinganna sem hanga þar inni (með snöru um hálsinn) ... og veit ekki hver er reynslan af Barnaneti... finnst Blogger vera hálf ómögulegur til þessháttar brúks...

Hvað finnst ykkur kerlum sem hafið reynsluna???

Er maður... 

... orðinn gamall og hallærislegur ef vinir manns koma í Út og Suður?