Farin og komin aftur... 

Já, þetta var merkileg ferð og stórskemmtileg í flesta staði! Gulla Nóa var eins og engill í vélinni út og líka heim aftur, svaf og ekki varð vart við neinar hellur í litlum eyrum. Að vísu var þessi leiguvél svo mikið drasl að ég var dauðhrædd um að hreyfillinn myndi detta af í flugtaki, enda sneisafull vél af kyrrsetufólki - það kom allskonar brak og óhljóð en ég huggaði mig við það að fyrst það var ennþá verið að fljúga svona gamalli vél hlyti hún að vera komin með góða reynslu og væri búin að þola meira og alvarlegri veður en íslenska golu og andvara. Þegar við komum út fengum við barna- og óléttufólkið að fara beint upp í herbergi, enda lentum við ELD snemma (06 um morguninn) og gátum við lítið sofið... nema Gulla Nóa... ég ætlaði sko að vera vakandi ef við skyldum hrapa... bara svona just in case :-)

Hótelið var af sjálfsögðu Brilljant - blóm og gjafakörfur tóku á móti okkur, barnarúm og pelahitari
og stærsta rúm sem ég hef lagst til hvíldar í... útsýnið stórfenglegt og tvískipt baðherbergi. Betra gat það ekki verið. Við sváfum fram eftir degi, fórum svo út á röltið eftir að búið var að maka barn og maka með sunblokkara, borðuðum hádegisverð á hótelinu (aðeins tíuþúsundkall íslenskar, takk fyrir... dýrasta máltíðin í ferðinni...), sváfum meira og slökuðum á. Svoleiðis liðu dagarnir, við borðuðum ótrúlega góðan mat, en það er bara Klikk góður matur þarna úti, sváfum mikið, gengum mikið, hlógum mikið og skemmtum okkur konunglega, enda var félagsskapurinn ekkert slor :-) Við versluðum ógurlega lítið enda þarf að prútta og var ég hreinlega ekki stemd til að standa í því... þarf að vera í sérstöku skapi til þess, þ.e. full eða eitthvað og það þarf einbeittan drykkjuvilja til að finna á sér þarna úti í hitanum. Og þá er komið að veðraskýrslunni... hitinn skreið örugglega yfir 40 gráðurnar í sólinni yfir h-degið, það var passlegt á morgnanna og um eftirmiðdaginn sem og á kvöldin... svona í kringum 20 stig eða svo... lítill sem enginn raki og þurfti maður að drekka og drekka til að verða ekki örmagna. Gulla Nóa greyið þurfti á vökva að halda og drakk hún svolítið sykurvatn sem og þurrmjólk úr pela enda hafði ég ekki undan að framleiða handa henni... hún var kannski líka ekkert svo mikið svöng greyið, heldur bara þyrst eins og við hin... Staðan núna er þannig að ég er greinilega eitthvað búin að missa mjólkina niður á þessu ferðalagi og er að vinna hana upp á fullu. Gef mér þessa viku til að redda því áður en ég fer að hafa áhyggjur...

Myndir eru hér

Annars er gott að vera komin heim, Gulla hin fjórfætta er alveg búin að vera í himnaríki síðan við mættum á svæðið og er ástsjúk með meiru :-)

Já... og Gleðilegt sumar allir saman og takk fyrir veturinn!

P.s. Hvað varð um byltinguna sem var að skella á þegar við fórum út á fimmtudaginn...? Við vorum alveg sannfærð um að hún væri afstaðin þegar við komum til baka, en svo virðist hún bara hafa fjarað út...?

Æji, nenni þessu ekki... 

Nenni ekki lengur að hanga í þessu fokkans lögregluríki - það er líka skítkalt hérna og dýrt að vesla í matinn

... við erum farin til Afríku - sjáumst þegar sumarið er skollið á!

The heat is on! 

Þegar við ákváðum á sínum tíma að skella okkur í þessa árshátíðarferð til Marrakesh þá skoðaði ég vel meðalhitan á þessum tíma m.t.t. að vera með ungabarn á ferð - sá ég að hitinn væri um 20 gráður svo það var ákveðið að slá til. Vill ekki betur til en svo að það er þvílík hitabylgja þarna úti, hitinn búinn að vera um 30 stig og skríður upp í 36 á fimmtudag og fram yfir helgi... og hver er að koma til Marrakesh þá? Jú, full vél af fölbleikum Íslendingum :-)

Hlýnun jarðar er ekki alslæm, fólk! 

Hnoðast á mallakút! 

Bissý pípúl... 

Vorið bankaði svo harkalega upp á í gær að það var eiginlega ekki hægt að gera annað en að fara til dyra :-)

Við pökkuðum barni í vagninn eftir dinner og röltum með hana ásamt skiptitösku yfir til Húna og Önnu Rutar. Þau eignuðust strák á gamlársdag og eru að fara með hann til Marrokkó svo það var alveg ideal að halda smá samráðsfund og bera saman bækurnar.



Gulla hin fjórfætta elti okkur alla leið og fannst agalega gaman að taka smá göngutúr - en hún fylgir manni iðulega ef maður fer eitthvað á röltið í hverfinu. Þegar við vorum komin á áfangastað og verið var að ganga frá vagninum í forstofunni hjá þeim tókum við eftir rauðu tríni á hurð og stórum gulum biðjandi augm. Var þar komin Gulla sem skildi ekki af hverju henni var ekki boðið inn :-)


Dró ég svo afrískt rauðvín upp úr skiptitöskunni (hélduð þið í alvöru að það hefðu verið bleyjur þar? Ónei... hehe...) og var spjallað fram yfir klukkan ellefu og skeggrætt um barnauppeldi og bleyjuskipti... Þegar við komum út heyrðum við ámátlegt mjálm, en þar var Gulla hin fjórfætta sem beið eftir okkur upp á handriði og tveir stórir högnar fyrir neðan sem horfðu á hana girndarlegum augum... greyið var hin glaðasta við að fá fylgd heim - eða kannski var hún að fylgja okkur?

Í dag var daman svo ógurlega ljúf og góð að leyfa foreldrunum að sofa til 10:30 ... af því tilefni var hún sett í kjól... ógurlega sæt og fín.


Í dag erum við svo búin að fá Mosa í heimsókn og fara niður í bæ og labba um, fá okkur Kebab, versla sundbol og samfellur á dömuna og er stefnan tekin á að baka pizzur í kvöld... heilmikið um að vera á stóru heimili :-)

Vonandi eruð þið öll að njóta vorsins, það er komið heilmikið brum á tránum niðríbæ svo þetta er allt að gerast... heyri mas í Kríum einn morguninn... :-)

Rokk og rómantík - eins og í gamla daga? 

Við hjónaleysin skelltum okkur saman út í gærkvöldi, en Heiða kom og vaktaði dömuna á meðan við skelltum okkur á tónleika sem tileinkaðir voru Alice in chains. Hef verið einlægur aðdáandi síðan Bjössi kynnti mér tónlist þeirra fyrir mörgum mörgum árum... menntaskólaárum að ég held. Kristófer úr Lights on the highway og Jenni úr Brain police voru brjálæslega góðir, sem og aðrir í þessu bandi sem bar soðið saman fyrir þetta gigg. Hrói var að sjálfsögðu að mixa og mættum við snemma með honum og Heiðdísi... bara svona til að fá örugglega gott sæti... neineineinei... allir í Reykjavík huxuðu örugglega það sama! Við gátum varla troðist inn og það var nó fokkings veij að fá sæti... að endingu svindluðum við okkur í boxið til Hróans og þar var amk einn stóll sem lúin mjólkandi kerling gat skvett annari rasskinninni upp á :-/ Þetta voru semsé ótrúlega góðir tónleikar.. en í fyrsta hléi vorum við hjónaleysin farin að ókyrrast enda hafði Nóa sofna óvenju snemma og ekkert vakna né rumskað á meðan við vorum fjarverandi. Það þótti mér vera fyrirboði um lognið á undan storminum... svo við kölluðum þetta bara kvöld, enda búin að vera ,,einstaklingar" í tæpa þrjá tíma. Af sjálfsögðu var daman steinsofandi í fasta svefni þegar við komum aftur og Heiða ekkert orðið vör við svo mikið sem hrotu frá henni allt kvöldið, svo hún hafði tékkað á hvort andardráttur væri ekki örugglega til staðar... bara svona djöst in keis :-) Ég vaknaði svo klukkan fjögur um nóttina og þótti nóg komið, enda að s p r i n ga (og mikið djöfull er það vont þegar það drýpur stanslaust úr búbbingunum) og náði til að láta dömuna amk rumska til að taka brjóstið (og mikið ósköp er það gott þegar losunartilfinningin kemur brjóstið) og skipti á henni. Svo steinsvaf hún til sjö... mikið óskabarn sem hún er.

Í gær fór ég á báða fyrrverandi vinnustaði mína, fyrst til JB til að kenna hvernig Internetið hjá þeim er uppfært og svo í Edduna til að sýna dömuna fallegu. Ógurlega gott að sjá framan í ,,gamla" liðið mitt á báðum stöðum, enda öðlingar í hverju sæti :-) Í dag er ég ekki með bílinn og er ógurlega glöð með það... því ég er hálfþreytt eftir þetta ,,skrall" í gær - þótt ég hafi gleymt að fá mér þennan bjór sem ég var búin að lofa mér... maður þarf greinilega að gíra sig í rólegheitunum upp í svona menningarforn eins og maður var í áður en daman kom til sögunnar.

Svo er bara vika í Afríkuferðina... mmmmm

Laugardagur til alsælu :-) 

Hún Nóa okkar er þvílíkt að gera hlutina þessa dagana. Jóhanna hjúkka kom á fimmtudaginn og tók stöðuna á dömunni en hún var þá rúmlega 9 vikna - orðin 5.480 grömm en við vitum ekki hvað hún var eða er löng því það er bara mælt upp á heilsugæslu. Get samt trúað að hún sé búin að lengjast heilmikið því ekki fer þetta allt í spik á dömunni :-) Hún er farin að grípa hluti með smá einbeitingu og hefur sýnt einbeittan vilja til að taka utan um snuðið sitt (tekist fimm sinnum), dótið sitt (tekist nokkrum sinnum), hárið á mér (tekist einu sinni), hakan á mér (tekist tvisvar) og svo er rosalega gaman að Rífa í nefið á mér... tekist einu sinni ... og þá einu sinni of oft :-/ Hún er svo skemmtileg og hjalar endalaust mikið til mín, syngur ef þannig liggur á henni og yfirleitt er vel hægt að tala hana til ef hún er að kvarta - henni bara leiðist ef hún hefur ekkert skemmtilegt fyrir augum sér. Hún er einnig farin að snúa sér á hliðina - hún er svo virk og yfirlett öll á iði og finnst agalega gaman að snúa sér... það líður örugglega ekki á löngu þar til hún fer alveg á magan - Jóhanna hjúkka sagði að það gæti gerst hvenær sem er svo það borgar sig ekki að skilja hana eftir á skiptiborðinu - ef hún snýr sér (kannski bara óvart) þá er fallið ógurlega hátt :-/ Mér finnst þetta bara allt vera að gerast svo hratt... svo stutt síðan hún hélt varla höfði og sýndi lítil viðbrögð... en samt eins og maður sé búinn að eiga hana alla ævi :-)

Í dag erum við að fara að skoða ungbarnasundið sem hún fer í - annars er þessi laugardagur bara bókaður í sælu - ætla ekki að sjá rykið hér inni... bara sólina úti, manninn sem ég dái og barnið sem ég elska :-)

Góða helgi!

Bestu dagarnir... 

Ég hef alltaf verið mikil A-manneskja, vakna snemma, borða mikið og brenni hratt. Þá finnst mér gaman að vera í öllu aksjóninnu og afreka og gera fullt. Nú ber það svo við að mér finnst best að vera heima og ekki einu sinni með bílinn, bara fara út að labba með dömuna í vagninum, kíkja við hjá Slaugu og tvillunum, setja í þvottavél, þurrka af og hjala og spjalla mikið við dótturina... Veit ekki hvort þetta c þroskamerki eða veikleikamerki - enda er ég löngu orðin Nóuholic :-)

Í tilefni átta vikna afmælis prinsessunnar þá fórum við og sóttum um vegabréf fyrir dömuna... enda eru bara 22 dagar í að við skellum okkur til... Afríku! Júhú!!!

Vér mótmælum öll! 

Er að spá í að fara niður í bæ með barn í vagni og kíkja á kaffihús og mótmæli... las svo í blaðinu að Dylloninn ætlaði að kannski taka lagið á Austurvelli - fannst alveg tilvalið að slá tvær flugur í einni og kíkja á það...

... en svo mundi ég hvaða dagur er í dag...