Þreyta.... bleyta.... sveita... piltsins draumur... zzzzzzz........ við Á+A vorum of lengi úti í gær og drukkum of marga bjóra;-( Ég er þreytt, þunn og ógurlega sybbinn.... púhúhú... Svo byrjar bjórdrykkjan aftur klukkan fjögur... óvissuferð... zzzzzzzzz......

Detti mér allar dauðar....

Sjáðu hvaða týpa þú ert

Púhúhú! Var búin að blogga og blogga mig líksveitta og ýtti óvart á e-n takka og hvað gerðist? Jú, allt datt út og sama hvað ég geri... aarrrggg!!! Farin niðrí bæ að kíkja á Ljósahátíðina, vonandi rekst ég á þessa finnsku snillinga sem spila á snúrur! He he he... þeir eru ekkert smá flottir!!!

Sjitt und sjæse... var að koma af The Ring... já... er frekar óhugnarleg, reyndar meira en frekar... mjög krípí og skerý... ein af fáum myndum sem hafa þau áhrif á mig að ég væri til í að faðma Gustavsberg... æl, æl... svo óhugnanleg. Reyndar er mörgum, mjög mörgum spurningum ósvarað sem er stór galli. Það hefði verið hægt að svara þeim í myndinni í staðinn fyrir að láta mann vilja vita meira, ég vil ekki vita meira... en samt er svo mörgum spurningum ósvarað... helvíti. Þoli ekki svona>:( Það var svo fyndinn strákur sem sat fyrir framan okkur.. hann öskaði eins og versta kerling, svo kom á eftir ,,Sástu hvað mér brá?" og ,,Vá, ég skeit næstum á mig af hræðslu!". Ef þú ætlar að opinbera þína kerlingalegu hlið skaltu ekki gera það í bíó, vinurinn... farðu heim, klæddu þig í balletkjól og láttu konuna þína rasskella þig;-) hehehe..

ooohhh... svo sætur þessi blessaði drengur sem ég á!!! Ég var búin að segja við hann í gær að ég ætlaði að lauma að honum pening svo hann gæti farið út í Blómabúð til að kaupa handa mér Konudagsblóm og allt í lagi með það. Svo áðan spurði ég hann hvort hann ætlaði ekki að fara að drífa sig en fékk þá blauta tusku í andlitið.. ,,mamma, ég lít miklu meira á þig sem móður mína en sem konu". Þá nennti hann ekki að hlaupa, enda Egill enn í heimsókn og þeir niðursokknir í pc-tölvunni. Ég varð svolítið sár, því fyrst og fremst er ég einstaklingur, svo er ég móðir, námsmaður, launþegi, vinur... Fékk hann þó til að hlaupa útí Sunnubúð áðan til að kaupa Vöffludeig og rjóma. Kemur ekki dúllan til baka með fallegt blóm handa mömmu sinni, sem hann keypti fyrir eigið fé (sem á reyndar uppruna sinn að rekja til mín, en það er sama)... Þá bögglaðist hann í Hlíðarblóm í roki og rignungu, vanbúinn mjög... bara til að gleðja klerlingagreyið... Ef þetta barn verður ekki rómantískt við eiginkonu sína þá veit ég ekki hvað, enda neyddur til að halda upp á alla hátíðisdaga...Svo er Jonathan líka svo mikil fyrirmynd og ekki leiðum að líkjast;-) Óska ég öllum konum þessa lands til hamingju með daginn, það er okkar blessun að vera með brjóst og p_ _ u og ekki síst heila sem virkar!!! Ví rúl!!!

Sá, sem ekki kann að hata, getur ekki elskað
--Voltaire

Mikið er þetta búin að vera einkennileg helgi, það sem af er og spilar þar stóran þátt inn í að við hér í Mávahlíð 9 höfum ekki haft sjónvarp síðan á föstudagsmorgni. Það setur strik í reikninginn hjá mörgum, sérstaklega okkur Alla:-/ Við horfðum tómlega á hvort annað til klukkan átta í gærkvöldi, lásum og spjölluðum... en fengum svo nóg af hvort öðru, allt stefndi í riflildi með tilheyrandi öskrum og eftirsjá. Við fórum loks í Bónusvídejó og fengum okkur Austin Powers Goldmember ... gaman, gaman. Svo fékk ég fría með Independance Day, en Alli var svo lítill þegar hún var sýnd að ég ákvað að hann yrði að sjá þessa snilld.. he he he. Hún hefur að bera geimverur og framtíðartækni og því í svolitlu uppáhaldi hjá mér, hún hefur einnig að geyma Will Smith og húmor og því hitti hún í mark hjá Alla. Við horfðum svo stjörf á þessar myndir til 01:43 (tímasetningar fengnar frá Alla), sváfum ,,út" og litum nýjan dag með bros á vör og gleði í hjarta. Nútíma vísitölufjölskyldan fór svo upp í Bláfjöll að renna sér á sleðum og rassaþotum, þessi nútímaskilgreining á vísitölufjölskyldunni felur í sér eftirfarandi og fór dagurinn svona fram:
1) Þarna er á ferð einstaklingur sem er að ala upp barn (,,einstæð móðir/faðir"-önnur skilgreining en felur í sér að uppalandinn er aumingi sem lifir á kerfinu-ATH!!! Það á ekki við um þennan einstakling).
2) Eitt barn er á framfæri þesarar manneskju og er það barn með einhverja greiningu á einhverjum samskipavandamálum í fortíðinni -þetta barn er með í för.
3) Eitt barn er fengið reglulega ,,að láni" sem er einnig alið upp af einstaklingi sem hefur óhefðbundið sambúðarform, þ.e. í sambúð með manneskju sem er einnig skilin og á börn fyrir-þetta barn er einnig með í för.
4) Farartækið er 9 ára gömul Toyota, ekin 120.000 km að mestu leyti á 95 okt. bensíni, en stundum þegar vel árar ,,splæsir" eigandinn V-Power á bifreiðina, svona rétt til að gera vel við hana og friða samviskuna því þessi bíll fer aldrei í ryðvörn né þvott.
5) 5 samlokur eru með í för, Heimilisbrauð sem öllum Íslendingum finnst svo gott og uppfyllir allar þarfir þeirra (hummmmm... hef reyndar ekki orðið vör við það;-( ). 3 samlokur með túnfiskssalati og tvær með skinku og osti. Einstaklingurinn, barnið með samskiptaerfiðleikana og hitt barnið sem á foreldrana í óhefðbundna sambúðarforminu borða þó ekki þessar samlokur þrátt fyrir að áleggið sé ferskt og brauðið enn nýrra.
6) Einstaklingurinn reynir að segja börnunum frá ýmsu markverðu og sögulegu sem fyrir augu ber á leiðinni upp í Bláfjöll. Einstaklingurinn hefur þó aldrei komið þangað sjálfur og reynir að villast ekki (enda utan af landi og því mjög gjarn á að týnast/villast). Börnin heyra ekki það sem einstaklingurinn er að segja og reyna að yfirgnæfa hann með því að tala um svindl sem hægt er að gera í Warcraft III Reign of chaos. ... somþíng;-/
7) Þegar upp í Bláfjöll er komið fara börnin að renna sér á sleðunum meðan einstaklingurinn fær sér kakó í notalegum þjónustuskála og les þjóðhagfræði, náttúran beint í æð, ójá;-)
8) Eftir um 3ja kortera útiveru skipar einstaklingurinn börnunum inn í skálann, enda eitthvað svo óðelilega rjóð í kinnum þessi börn og undarlega heit... líklega komin með hita og splæsir kakói á börnin. Einstaklingurinn fær símtal frá nágranna sínum sem tilkynnir honum það að honum sé best að drífa sig á malbikið og opna fyrir sjónvarpsloftnetsgæja einum sem ætlar að laga loftnetið (sem er á þakinu, eins og hjá svo mörgum) og freista þess að fixa í leiðinni félgaslífið í þessu tiltekna húsi.
9) 45 mínútum síðar gerist slys sem hefur svolítið ánægjulegar afleiðingar í för með sér, fyrir einstaklinginn. Barn hennar sem býr við samskiptaerfiðleika, en er þó elskað í hvívetna þrátt fyrir að halda með Liverpool, lendir í sannkölluðu samstuði við brettagæja einn sem er einnig þarna í þeim erindagjörðum að viðra sig og úlpuna sína. Barnið meiddist ei, sem betur fer, því annars hefði þessi brettagæji kynnst því hvaða hjúkrunarkona er á bráðavakt Landspítalsns þann daginn (einstaklingurinn ver afkvæmi sitt með kjafti, klóm og svikulum uppá-komum/förum). Barnið, einstaklingurinn og lánsbarnið halda brott frá Bláfjöllium með brotin sleða, óvirkan sleða og kafla 2 lesin í þjóðhagfræði.
10) Komið var við í Kringlunni og keypt í matinn, ekkert markvert gerðist þar og komust þessar manneskjur klakklaust frá þeirri ferð.
11) Einstaklingurinn lagði sig er heim var komið og lét börnin ein um að leika sér í herbergi einu sem er sérstaklega innréttað til þess, enda hafði einstaklingurinn keypt sælgæti fyrir 445 krónur handa börnunum og því áunnið sér rétt til 35 mín leggingar.
12) Þegar einstaklingurinn vaknaði var hann í brjáluðu skapi, eins og gerist alltaf þegar hann leggur sig á daginn en hann gleymir alltaf. Skipar hann börnunum að hjálpa sér að tæma skáp einn við hliðina á ísskápnum svo loftnetsgæjinn kæmist að magnaranum og blandaranum, þannig að hægt væri að horfa á sjónvarpið þá um kvöldið. Guð hjálpi hverjum Íslendingi að sleppa frá einu laugardagskvöldi án þess að horfa á Spaugstofuna! Börn hjálpa til svolítið ringluð á svip og einstaklingur fær samviskubit;-/ Hrósar börnum og hemur skap sitt svo þau þekki hann fyrir sömu manneskju/einstakling.
13) Loftnetsgæji mætir á staðinn, kíkir á magnarann og blandarann og úrskurðar að ekki sé það málið... hann verði að komast upp á þak til að skoða örbylgjuloftnetið sjálft. Eftir miklar pælingar og bollaleggingar þá er útséð um örugga aðferð fyrir gæjann (reyndar 45 ára gamall hálfsköllóttur karlmaður, en afar viðkunnarlegur með skemmtilegan húmor) að komast út á þakið. Í gegnum Velux-gluggann böslast hann og rennur svo til á nýjum þakplötum einstaklingsins, aumingjans maðurinn í lífshættu og hann sem er að vinna á svörtu;-( Hann kemur inn aftur og tilkynnir að hann verði að nota stiga, nær í hann og þau erum ásátt um að hann vilji ekki bálför, heldur hefðbundna jarðaför:-) Aftur bögglast hann út á þak, einstaklingurinn réttir honum stigann og hann baukast þarna eitthvað, kemur svo inn aftur segir að fúskarar hafi verið á ferð á undan honum (humm, einstaklingurinn kannast við að hafa heyrt þetta áður...) og að hann verði að fara heim með loftnetið og laga það þar, kæmi um kvöldið aftur. Fer hann og einstaklingurinn biður börnin fallega, með ákveðnum tóni í röddinni þó, að hjálpa sér að setja skápinn á sinn stað og raða í hann. Skápurinn er nefnilega með tvær lausar lappir undir sér, sem detta alltaf undan þegar skápurinn er færður til.
14) Faðir barns með foreldra sem eru með óvenjulegt sambúðarform kemur með pc-tölvu barnsins. Hann er leynilögga og góður maður, betri vinur en óvinur (þessvegna hefur einstaklingur lagt sig í líma við að vera með enga óreglu þegar þetta barn er á heimilinu, nema fyrir utan þessa einu sumarbústaðarferð... en það er önnur saga).
15) Hátíðamatur er borðaður við notalega stund í Mávahlíð 9 og vaskar einstaklingurinn upp strax á eftir en geymir það ekki eins og venjulega. Von var nefnilega á gestum um kvöldið, fyrir utan stórskemmtilega loftnetsmannin sem vildi láta grafa sig;-)
16) Blogg byrjar... umm... svona um áttaleytið?
17) Logftnetsgæji mætir á svæðið og einstaklingur ákveður að hella upp á kaffi til hátíðarbrigða, enda ekki á hverjum degi sem karlmaður fer tvisvar á þ(b?)akið hjá honum;-) Loftnetsgæji ítrekar að hann vilji láta grafa sig og lofar einstaklingur því að borga kistuna, enda farin að hafa slæma samvisku og finnst eins og loftnetið sitt sé öðruvísi en önnur loftnet og erfitt að gera til hæfis. Gæji kemur af þaki, kalin mjög og fær sér kaffisopa. Einstaklingur fræðist býsnin öll um magnara, blandara, loftnet, standara og leiðslur ýmisskonar. Engin mynd kemur og vill einstaklingur fara til nágranna til að fullvissa sig um að það sé ekki bara hans sjónvarp sem er með stæla og snjókomu. Alls við það sama þar, svo loftnetsgææji vill skoða bak við skápinn... úfff.... einstaklingur biður börn um aðstoð og gæji hjálpar til. Gæji fiktar í öllum hnöppum og tökkum, leiðslum og vírum, en ekkert gerist;-( Gæji klórar sér í hausnum meðan einstaklingur hlær taugaveiklað, enda næsta skref óráðið og óvissan mikið. Hann afræður að koma daginn eftir og hafa þá einhverjar ofurgræjur með og einstaklingur sér fram á að þurfa að gera eitthvað annað en að horfa á My Giant með börnunum um kvöldið. Einstaklingur ákveður að blogga um þennan dag og hefur gert það hér með. Úff.....

Ég óttast aldrei neitt sem ég þekki.
-Anna Sewell


Ég eignaðist fyrstu rósina í dag, í tilefni af konudeginum... hann er á sunnudaginn, strákar og ekki gleyma honum;-) Rósina fékk ég að gjöf frá Kringlunni, ekki það rómantískasta sem maður hefur upplifað en rós er alltaf rós sama hvaðan hún kemur. Ég nældi líka í rakspíraprufu til að gefa vinunum mínum á morgun, því þá hefst vinavikan hjá okkur. Eða kannski verður hann rosalega sár, ef ég gef honum rakspíra, gæti tekið því illa? Neinei, ég yrki eitthvað sætt ljóð með og segi að þetta sé bara forsmekkurinn. Ætti ég að fá gjafabréf frá IKEA út að borða fyrir tvo (tvær pylsur og ís á eftir)? Eða gefa honum Lush-kúlu og biðja hann að fara í bað með konu sinni? Gefa honum pottaplöntu, sem hann getur alltaf haft á skrifstofunni? Konfekt? Rauðvín? Só möts tú dú... Ætli ég fái eitthvað á morgun frá mínum vini? Vona það... reyndar var mér sagt frá því í vinnunni að einhver hafnaði því að vera vinur minn... ömurlegt... ef maður tekur því ekki persónulega þá veit ég ekki hvað. Ef ég kemst einhverntímann að því hver þessi aðili er þá tala ég ekki hann/hana framar. Þetta er svo hallærislegt... ég sagði að mér væri sama hver ætti að vera vinur minn eða hvers vinur ég væri, ég er eldri en sjö ára.. ekkert ,,ég vil ekki vera memm, ef þú ætlar að vera memm hún"-bull og kjaftæði. Ég meina eru þetta ekki fullorðið fólk?
Ég vona að Jonni finni stað í hjarta sér til að fyrirgefa mér stríðnina í dag, sendi honum lots end lots af sms í gegnum tal.is... hann var alveg að bilast, greys strákurinn... Ef hann væri bókmenntalega sinnaður og hugsandi maður þá læsi hann bloggið mitt og vissi hið sanna fyrir mörgum dögum... he he he...

He he he.. .nú er þessi vesalings drengur sem ég er að áreita núna að labba á milli hæða að leita að þeim sem er að senda honum sms... verð að hætta.. han nálgast... tíhíhí...

Sverða ef helgin sitji ekki enn í mér... ótrúlegt hvað það er hægt að hafa slæma samvisku lengi... vonadi fer þessi tilfinning sem fyrst, eða ætti amk að gera það um leið og næsti skandall skellur á:-/ he he he... aðeins rúm vika í hann. Þá ætla starfsmenn hins virta menningarfyrirtækis Eddunnar að skella sér í óvissuferð út í buskann, þar verður stuð. Fyrst á að vera vinavika sem byrjar á föstudaginn, mér finnst það vera hundfúlt því föstudagar eru lögbundnir prakkaradagar... þar sem maður á að gera öðrum lífið leitt, eða amk koma í smá bobba. Ég er ekki að tala um að henda manneskjunni fyrir strætó (þótt freistandi sé, a stundum).. nei, nei... bara svona smá. Ég hef því ákveðið að leggja ákveðinn samstarfsmann í einelti þangað til, svo hægt sé að fá temmilega útrás áður en öll vinalegheitin byrja (standa yfir í viku... kommón). Ég sendi á hann áðan að hann ætti að hringja í síma 562-6868... he he he, það er síminn hjá Samtökum kvenna gegn kynferðislegu ofbeldi...ha ha ha. Þessi starfsmaður var svolítið óréttlátur við mig, því hann var sammála túlkun Heiðdísar á Irreversable-byrjuninni/endinum... ekki minni túlkun. Samt hafði hann ekki séð myndina en fannst hún vera svona týpa sem hefur rétt fyrir sér... Halló...bánk.. bánk.. hann þekkir mig greinilega ekki. Veit hann ekki að ég hef ALDREI ALDREI rangt fyrir mér? Veit hann ekki að allt sem ég segi eru lög? Nú fær hann amk að kenna á því og að hafa mig sem óþekktarorminn sinn... he he he

Ohhh... það er erfitt að vera skemmtanaglaður Íslendingur um þessar mundir. Helgin situr enn í manni og það sér ekki fyrir endann á þessu sóðalega sukki alltaf hreint á manni, ónei. Eníveis eru myndirnar frá 25 ára afmælinu... nei, sorrý.. meinti 30 ára afmælinu komnar á netið... þær eru á sama stað og hinar. Undarleg grá slikja yfir þeim...

Rosalgea var tekið á því á laugardagskvöldið;-/ o bobb bobb... tölum ekki meira um það... he he. Undankeppni Júróvisjon var eins og vanalega hallærislega skemmtileg og ekkert nema gott um það að segja. Birgitta á áræðanlega eftir að gera góða hluti erlendis... en vonandi verður hún ekki í pilsi, he he he, stúlkan áræðanlega góður reiðmaður og tekur þá tækni með sér á sviðið... ha ha ha. Gaman að þessu öllu saman og skemmtilegt til þess að vita að í framtíðinni þá getum við ekki dottið úr keppni, fjúkket.

Djöfull hata ég nágranna mína sem búa í risíbúðinni við hliðina á mér... það var partý þar í nótt, ég meina stórt partý með stóru Pjéi... óskur og teknó-viðbjóðurinn í botni. Helvítis... svo er þetta alltaf það sama.. fyrst teknó og læti svo upp úr 03-04 tekur Bubbi við með röfli og ,,Hey... mmooobbblll... Róóóómmmeeeooooooo..."-syngj. Dauði og djöfull, ég sem þurfti svo mikið að sofa vel í nótt því það er yfirnáttúrulegt hvað ég þarf að læra mikið í dag... Djöfuls ótillitsemi og skítlegt eðli. Ég gerði það sem mér er illa við að gera og geri mjög sjaldan, hringdi í lögguna. Það er svo hljóðbært á milli, því svefnherbergin hjá mér snúa að stofunni hjá þeim, þannig að þegar ég er með partý þá heyra þau ekki neitt... eini möguleikinn hjá mér er að gera dodo einhverntímann mjög mjög hátt þegar þau eru að horfa á sjónvarpið... en það gæti orðið bið á þeirri hefningu;-/ Eníveis, það er svo hljóðbært á milli að ég heyri þegar þau slökkva/kveikja ljós og heyrði því allt samtalið við lögregluna... þau lækkuðu jú í sér í smá stund, rétt svona svo maður gæti verið alveg alveg að sofna... svo kom ,,það er engin fiskur í dag......" og tilheyrandi syngj með... Helvítis... það er ennþá partý þarna núna og klukkan er níu... Aumingja Heiða mín, púhú...aarrrggg.... þessi dagur ætlar ekkert að byrja neitt sérstaklega vel, en hey... ef hann byrjar svona illa getur hann varla orðið verri? Neibbsss...

Ástæðan fyrir öllum þessum hamagangi og spenningi í dag... var gjörsamlega að fara á límingunum... við Jonathan vorun nefnilega með cunning plan fyrir Svandísi í kvöld... við ætluðum að fara lesbískt út að borða... he he he. Neineinie.. það stóð aldrei til því ég hætti að vinna snemma í dag, brunaði út á Leifsstöð til að sækja eitt stk. Jonathan... ha ha ha. Þessu átti engin von á, nema ég, mamma, Alli, Heiðdís... ja nokkrir. Þar hafið þið það.. þið sem ætluðuð að hafa samband við Svandísi og gera eitthvað... hún er kannski upptekin við annað;-) Núna eru þau að fara út að borða á Ítalíu og helgin framundan við tilfallandi líkamsrækt og líkamsvessa skiptingu;-)) Ég ráðlegg ykkur amk að senda henni bara sms...
Ég fékk Heiðu lánaða í nótt svo þau skötuhjú gætu átt íbúðina alein... hvað er ekki gert fyrir þessar elskur?

Jonathan er bara..... óendanlega...... svona á að gera hlutina... Myndir frá þessum atburði eru komnar á netið... Valntínusardagurinn í heild sinni;-)

Takk, elsku vinkonur mínar sem sendu mér kort í dag, eða eru bara til.... væmmn.. væmmnn.... skæl, skæl..

-Hún er skrítin tík, þessi rómantík


Jæja, var að senda frá mér 14 vefkort til allra vinkvenna minna sem ég veit að eru á lausu, eða fá ekki ástarjátningu af einhverjum öðrum orsökum... lét Helga minn kæra kæra vin minn líka fá eitt kort;-)... bara til að rækta hans kvenlegu hlið.. ha ha ha ;-) Ég er hreinlega að missa mig í söpræsum... gaf öllum í deildinni konfektmola áðan, sendi þessi vefkort, Heiðdís fékk æðislegt blóm með tilvitnun i Einræður Strarkaðar.... og Margrét Þóra fékk sent blóm og æðislegt konfekt frá mér og Heiðdísi... Ha ha ha... mikil umræða og spekúleringar um það hver sendi henni þetta... mmoooaaahh mmoooaahhh... Það er gaman að vera til í dag. Svo hitti ég lesbísku hliðina á mér í kvöld... það verður gaman. Já, gleymdi... ég er barasta búin að fá eitt vefkort (stílað á hlandbrunalessu... frá Helga of kors...) og eitt dónalegt sms frá fyrrverandi kærasta... Kíp i kommíng...

.......það er annaðhvort að gera eitthvað sætt, eða slá þessum degi upp í grín (ef engin er til að elska, hó hó hó)... ég og Svandís ætlum að fá okkur lesbískan kvöldverð... he he he... hún veit ekki hverju hún á von á...

Ég vil kvetja allt til að senda skemmtileg kort á morgun, alltaf gaman af fá skemmtilegann póst;-) Ég ætla amk að senda nokkur til vina og vandamanna... kostar ekkert en gefur mikið... væmmn.. væmmn.....

He he he........ á morgun er Valentínusardagurinn.... og föstudagur að auki... Við Heiðdís erum að fara að gera svo mikið at í samstarfsfélögum okkar... tíhí. Höfum alltaf fundið okkar innri prakkara á föstudögum. Erum að spá í að senda ákveðnum vinnufélaga okkar blóm, kyssa tölvuskjáinn hennar, gefa konfekt og yrkja ljóð... þessi kona fer örugglega í klessu, enda siðprúð mjög. Hún er bara svo óheppin að verða okkar næsta fórnarlamb. Ísold ætlar líka að koma með kökur á morgun í hungraðan lýðin... en það gerist fleira skemmtilegt á morgun.... kemur í ljós... ótrúlegasta fólk á eftir að verða fyrir barðinu á mér...mmmoooaaahhh mmooaahhhh mooaaahh...... Var að spá í að leggja Helga í einelti... eða hvern???? hhummmm.....

Þar hefur mar það!



What Was Your PastLife?

Endilega takið prófið sem sker úr um hvort þú sért norn eða dís!!! MMMooooaaahh mmoooaaahh mmooaaahhh... held að það geri manns innra bloggara ekkert nema gott að vakna svona um miðjar nætur... afköstin aukast gífurlega....

Ne... hey.. hey... Myndirnar komnar líka!!! Bara allt að gerast???

Ne... hey!!! Spunkhilur komin!!! Júhú!!!

Menntun er ekki undirbúningur undir lífið; hún er lífið sjálft.
-John Dewey

Já, mikið er á sig lagt við lærdóminn, ég vaknaði klukkan fjögur í nótt bara til að gera fjögur verkefni í uppeldisfræði. Er reyndar ekkert búin að gera staf í því... er búin að sitja sveitt og hlaða inn myndum á netið. Fríða syss ætlaði nefnilega að hafa ljósmyndasýningu undir þessari ævisögu minni sem hún framdí í afmælinu, en SEM BETUR FER gat það ekki gerst... sjá myndir sem ég kannski vísa í, ef mér tekst það. Annars er bloggarinn minn eitthvað á móti mér þessa dagana, nýr félagi hefur bæst í okkar virðulega blogghóp og get ég ekki með nokkru móti bætt henni við hina bloggarana... skæl:-( Það er synd, því hún er svo mikið skáld og lifir mjög svo spennandi lífi. Vonandi kemur þetta fljótlega;-)

Sú ákvörðun að eignast barn er einstök. Að ákveða að um alla eilífð muni hjarta þitt verða á gangi utan líkama þíns.
-Elízabeth Stone


Já, í gær var strákadagur. Ég hef stundum kallað þetta dúlludag, en vegna mikilla og margra áskoranna hef ég endurnefnt þennan dag. Þóttu Dúlludagur vera of líkt Bolludegi og væmið nafn, því hefur hann verið endurnefndur. Við höfum nefnilega marga daga fyrir marga fjölskyldumeðlimi, við höfum Mæðradag/Konudag/Mæðradag fyrir kvenfólkið og svo Bóndadag/Piltadag (samkv. gömlu tímatali) fyrir karlmennina. Svo höfum við Valentínusardag fyrir þá ástföngnu, Sjómannadag fyrir sjómennina, Verkalýðsdaginn (01. maí) fyrir verkalýðinn, Frídag Verslunarmanna fyrir verslunarmenn (sem reyndar eru eiginlega þeir einu sem vinna þennan dag;( ) og þá eru ótaldir frídagarnir fyrir alla þessa trúuðu og hina sem þyggja frí á þessum dögum og þykjast vera trúaðir þegar þeim hentar. Hvað með að hafa einn dag fyrir börnin? Mér finnst þeu gleymast svolítið, því höfum við Alli sérstakan Strákadag sem ég vona að verði alþjóðlegur frídagur. Þennan dag er allt gert sem börnum finnst skemmtilegt, þau fá að ráða í hvaða fötum þau eru, hvað er í matinn og hvað er gert skemmtilegt. Minn maður ákvað að það yrðu amerískar pönnukökur í morgunmat, við fórum á Lord of the rings (Tveggja turna tal, í mjög svo "snjallri" þýðingu), hann fékk kjúkling með frönskum í kvöldmat, borðuðum fullt af nammi, ég skammaði hann ekkert (þurfti þess ekki, þar sem ég var ekkert að pína hann til neins) og allt var svona líka skemmtilegt. Börnin eru jú framtíðin og koma til með að bera minningu okkar uppi. Allt í lagi að leyfa þeim að eiga einn dag af þessum 365 sem við fáum að ráða öllu og erum virkilega að ala þau upp. Draumur minn er reyndar að þessi dagur verði alþjóðlegur frídagur, sérstaklega hjá börnum sem njóta ekki þeirra réttinda sem þessi vestrænu börn eru að njóta. Athyglisverð grein í Mogganum í dag um indversk börn, þar koma fram óhugnanlgar staðreyndir... vissir þú að þessi börn sem eru í þrælkunarvinnu fá einungis einn frídag í mánuði, á meðan þeir fullorðnu fá einn í viku (hvaða hugsun er á bak við það annað en helvítis græðgi?)... þessi börn eru oft seld í þrælahald vegna þess að foreldrarnir taka lán og geta ekki borgað af þeim, þessi lán eru t.d. fyrir útförum ættingja... lánin eru yfirleitt á verðbilinu 2.100-9.300 rúpíur (4.200-18.600 ISK)... ódýr mannslíf þetta... börnin vinna yfirleitt um 12 tíma á dag og í kringum hátíðarnar fellur niður frídagur þeirra og vinnutíminn getur farið upp í 18 tíma á sólarhring... þetta gefur börnunum 6 tíma til hvíldar... þetta er óhugnanlegt og reyndar bara alveg ógeðslegt... Því finnst mér alveg sjálfsagt að beina sjónum okkar að okkar dýmætasta fjársjóði, börnunum. Hvort sem þau eru skáeygð, bláeygð, rangeygð...

Velgengni manns er að hafa meiri tekjur en kona hans getur eytt. Velgengni konu er að ná í slíkan mann.
-Lana Turner


Þetta er póstur sem datt út og ég skrifaði fyrr í dag... ótrúlegt þegar bloggið tekur upp á þessu;-/ Hneyksl!!!

Já, hann blæs hraustlega á Íslandi í dag, grunnskólum lokað svo börnin fjúki ekki hér og þar. Það geysar víst Stóri Sunnan í Grundarfirði þennan daginn, það er víst alveg brjál. Mamma var að rifja það upp fyrir mér einu sinni þegar við bjuggum þar, þá var hún að labba með mig í leikskólann og við fukum bara á frystihúsið í bænum, þá kom Garðar Eiríksson útibússtjóri og bjargaði okkur.

Annars langaði mig til að tala um verðmerkingar nú á dögum, verðmerkingar á mannslífum. Þetta er mér einkar hugleikið í hvert sinn sem Bandaríkjamenn missa einstaklinga og það eru samstundis gerðar þjóðhetjur úr þeim aðilum. Nýjasta dæmið eru þessir vesalings geimfarar sem fórust með Kolumbus, þetta er sorglegt og allt það, fjölskyldum þeirra og vinum votta ég mína dýpstu samúð það er ekki það... en ég er ekki tilbúin til að votta allri þjóðinni mína samúð og grenja í marga daga, sorrý. Ég hljóma kannski harðbjósta og alles en mér er sama... fæ alltaf klígju af aumingjaskapnum og selfcentered-hyggjunni í þeim. Ég get ekki séð Bush í anda flagga í hálfa stöng og senda samúðarkveðjur til ættingja þeirra fimmtán sem fórust í sprengingu í Pakistan í gær. Við skulum ekki einu sinni hugsa um allt fólkið í Afríku, sem deyr úr vannæringu, sjúkdómum eða hverju sem er. Eða börnin á Kúbu sem fá ekki lyf vegna viðskiptabanns. Málið er bara að verðið á okkur Vesturlandabúum er mun hærra en verðið á Kubel Hjolem, 8 ára drengs í Rio de Janeiro. Hann dó á mánudaginn af völdum skotsára sem hann fékk frá lögreglunni, en hún hafði verið í ,,hreinsunarleiðangri". Hann gaf upp öndina á götunni sem hann bjó á, enga læknishjálp fékk hann og það er öllum sama. Götubörnin þar eru litin sömu augum og við lítum á silfurskottur, vitum af þeim, er illa við þær og vildum að þær hyrfu af yfirborði jarðar. Þetta eru rottur í mannsmynd og ætti að útrýma svo það eru gerðar tilraunir til þess reglulega. Þetta er sorglegt. Ekki hef ég séð Bússann (Georg Bush) grenja úr sér augun út af þessu, ekki séð hann flagga sjálfur í hálfa... honum er rottusama um Kubel. Kubel hefur ekki kostningarétt í hinni frjálsu og fögru Ameríkku. Sorglegt.

Irreversible er mynd sem ég og Heiðdís vorum að horfa á í kvöld. Ég fer mjög mjög sjaldan í bíó og finn mig sjaldan knúna til að sjá eitthvað... vil frekar leigja smellina á spólu og horfa á þá á spólu, á nærbuxunum og engin að skipta sér af. Málið er að ég var búin að heyra að þessi mynd væri svo svakaleg... algerlega ótrúleg, það var að líða yfir fólk á henni, fólk kastaði upp og ég veit ekki hvað og hvað... stóðst ekki mátið. Mér finnst líka að maður geti ekki litið framhjá vandamálunum, þegar það kemur eitthvað ógeðslegt í fréttunum og þulurinn segir ,,við vörum við þessum myndum", þá verð ég að horfa. Ekki það að ég sé masókisti eða fái eitthvað út úr öllu ógeði í heiminum, mér finnst bara að maður geti ekki horft framhjá þessu, hefur ekkert leyfi til þess. Eníveis... við fengum okkur kaffi fyrir myndina, stútuðum vel fjórum bollum... bara svo að við sofnuðum ekki;-) Við erum nú einu sinni utanaf landi og vitum vel hvaðan mjólkin kemur og hvernig er að vinna í slori (fyrir utan að hafa fætt syni!)... Stelpan í miðaafgreiðslunni spyr okkur hvort við vitum ekki að þessi mynd sé ógeðlsleg? Við játtum því og segjum við hana á móti að þessvegna séum við hérna... rosalega fyndnar. Stelpan í nammisölunni segir við hina stelpuna á meðan hún afgreiðir okkur....,,þú veist að þeir eru að sýna ógeðsmyndina núna á eftir"? Hin játti og við alveg: ,,takk, við erum að fara á hana" .. ég spyr hana í fljótu bragði hvort hún eigi ekki auka popppoka svo við gætum ælt í hann? ,,Já, viltu svoleiðis?" ... ha ha ha... þetta var fyndið... EN myndin var eiginlega ekkert fyndin. Fólkið sem gubbaði gerði það líklega vegna þess að það varð hreinlega sjóveikt! Sverða, þvílík kvikmyndataka... ætti að banna svona. Myndavélin var svoleiðis á fullu hægri, vinstri, upp niður... þetta var eins og að vera um borð í illa búnum togara í tólf vindstigum. Ekkert sniðugt. Það eru tvö ógeðsleg atriði í myndinni, eitt fyrir hlé og þar er maður limlestur í andlitinu með slökkvitæki, frekar ógeðslegt og best að einbeita sér bara að hárgreiðslunni á manneskjunni fyrir framan sig þegar mest á gengur. Svo kemur hlé og maður veit að þetta er ekkert búið... svo kemur nauðgunaratriðið sem er fylgt eftir með barsmíðum, það er aukahlé á myndinni þarna svo fólk geti gengið út. Gott fyrir þá sem vilja það, en á okkar sýningu gerði það engin, það hefur líklega engin þorað því ;-/ Myndin endar á byrjuninni, hún er sýnd í öfugri tímaröð og gaman að upplifa svoleiðis, Momento var líka svoleiðis... eníveis, við Heiðdís löbbuðum út flissandi.. við erum svo miklir töffarar... Það sem leikstjórinn er að gera (hef ég lesið) með því að hafa ofbeldið svona brútal í myndinni er að hann er að benda á andstæðurnar sem felast í ást og ofbeldi. Það er fullt fallegt og skemmtilegt (eða a.m.k. nokkur atriði) í myndinni og þeim ber ekki að gleyma, enda andstæður alls tilgangslausa ofbeldisins. Andstæðurnar eru reyndar svo miklar að manni finnst þetta rómantíska og fallega verða hálf langdregið og það var akkúrat þar sem ég hefði verið til í að labba út af þessari mynd. Þessi mynd fær tvo ælupoka (af fjórum mögulegum, vísindalega rannsakað rúmmál magans) og sjö í einkunn á hárgreiðsluni hjá manninum sem sat fyrir framan mig. Já, annað... 95% allra í salnum karlmenn, þarna voru þrjú pör og svo við... rokkararnir af landsbyggðinni!!!

Hrukkurnar eiga bara að sýna hvar áður var bros
-Mark Twain


Já, nú er það þvinnkan sem ræður ríkjum, eða eins og einhver sagði ríður rækjum... úff... Hitti stórkostlega skemmtilega stelpu í gærkvöldi, Kötu að norðan, sem ekki var valin í Djúpu á föstudagskvöldið. Sem betur fer fyrir mig, þvi annars hefði ég aldrei skemmt mér svona hrykalega konunglega í nótt... Hún bara með þeim betri og styrkir mann enn meira í þeirri skoðun sinni að fara nú að drífa sig norður á ærlegt djamm... breyta aðeins til. Eníveis, Sigga Hrönn vinkona var hjá mér um helgina, því Háskólinn á AKureyri var í vísindaferð hér í höfuðborginni. Við hittum samnemendur hennar á Gauknum í gær, pöntuðum pítsur, átum og drukkum öl... svakalegt stuð. Við Kata fengum þá flugu í höfuðið að fara að dansa Mikael Djakson á dansgólfinu allt of snemma, þ.e. þegar engin var að dansa en aftur á móti margir að horfa... hahahhah... við vissum ekkert hvað við vorum að gera, vorum að dansa saman í fyrsta sinn og þekktumst ekkert;-/ Þetta var frábært og Kata fékk mörg rokkstig. Hún fékk líka ómælda athygli frá karlpjéningnum, enda enn vot eftir djúpu laugina. Við skutluðum henni samt einni heim í nótt, engar ólöglegar veiðar á þeim bænum.. Við nöfnurnar fórum líka einar heim, enda erum við með ólölega möskvastærðir þessa dagana... hvað svo sem það nú þýðir. Þetta var allt saman hið skemmtilegasta, hitti Svöndu, Heiðu, Heiðu og Hebu þar líka, það var alveg ágætt að tjútta við þær á glerbrotunum sem dreifðust um öll gólf þarna. Ótrúlegt hvað sóðaskapurinn tekur við eftir miðnætti á þessum stöðum... þótt þetta hljómi kellingalega þá er þetta bara þannig og óþolandi að setjast á útmigið klósett og ganga á glerbrotum eða hálfmeltum mat.. eníveis, skemmtilegt gærkvöld. Það var gaman að hafa Siggu Hrönn um helgina, skemtilegt að hafa sambýling sem er eldri en 9 ára til tilbreytingar ;-)

Nú hafa Spánverjar möguleika á að jafna á moti helvítis Frökkum á HM, eins gott fyrir þá að gera það... annars er mér að mæta.. þeir drulla í buxurnar af hræðslu við þetta, eða þannig;-/ Nei... mér sýnist þeir ekkert ætla að gera það... þá hangir maður bara í voninni að Króatía hreppi heimsmeistaradolluna af Þjóðverjafíflunum... Hey.. það er enn smá smuga fyrir Spánverja... júhú. Nú er best að klæða sig úr öllum fötunum, setja á sig Áfram Ísland-húfuna, halda á ryksugunni í annari hendi og um eyrað með hinni, þá ætti sigurinn að vera í höfn ~;-p