Hún beilaði út....

Ásta tekur ekki þátt í Djúpu... svona er þetta bara. Hennar ákvörðun og hefur hún áræðanlega góðar ástæður fyrir því :-(

Annars er lítið að frétta, held að ég fái alltaf flensu þegar ég kem heim... fæ hita og nenni ekki að gera rassgat á heimilinu. Gaf Alla Amerískar pönnukökur í kvöldmat, sem maður á ekki að gera... en ég nennti ekki út í búð... og nennti ekki að elda einhvern mat. Kannski maður ætti að skella sér á e-ð matreiðslunámskeið til að hress upp á sjálfan sig? Nei... veit ekki. Hvað er með þessa kvennaviku? Guði sé lof að henni fer að ljúka. Ég er kona og allt það, en ég er líka launþegi og vinn vinnuna mína á vinnutíma, nenni ekki að sitja á endalausum fyrirlestrum um konur og þeirra baráttu í vinnunni... kannanir og fleira fóru því fyrir lítið hjá mér í vikunni, enda var ég að VINNA... andskotans vitleysa...

14 marka stúlka hefur dagin litið... eða kom í heiminn í gærkvöldi... til lukku elsku Sessa og Raggi!!! Hún er, að sögn móður, hef ég heyrt og sel ekki dýrar en ég keypti það, en gæti vel trúað, enda eru foreldrarnir ekkert slor...alveg fullkomin :-)

Hey! Bjarni & co. komnir með nýtt próf. Hvað fáið þið út úr þessu? Skal byrja á að játa fáfræði mína, ég á að vea þingskrifari... en ég skýli mér á ba við þá staðreynd að flestar þessar fullyrðingar voru mæltar áður en ég komst til vits og ára.. eða það litla sem ég hef komist þangað :-)

Og svo rembast!!!

Sessa barasta komin af stað, er uppi á fæðingardeild í þessum orðum rituðum.. nú er bara að bíða eftir þyngdartölum... júhú!!! Jú gó görl!!!

Þarf eiginlega ekki að taka það fram að....

Við gáfum Óla Grís af sjálfsögðu lngt nef og sváfum bara langt langt frameftir... því varð ekkert af Bessastaðaferð. Kannski eins gott, því ég veit hreinlega ekki hvað það eru mörg ár sem maður þarf að sitja í fangelsi fyrir óviðjafnalega heimskulega hegðun í garð forsetans. Treysti mér amk ekki... eða svaf... zzzzzzzzzzzz.........

Ásamt því að sækja um launahækkun eru íslenskar konur hvattar til að:

· Sofa yfir sig.

· Fara í sömu nærföt og í gær.

· Pissa á setuna - og útfyrir, ef tími vinnst til.

· Mála sig ekki - og alls ekki raka.

· Mæta of seint í vinnuna - sparka í stimpilklukkuna.

· Fara strax í kaffi - kvarta yfir því að það sé a) of kalt b) of
sterkt c) of svart.

· Prumpa.

· Reyna við undirmennina - eða bara klípa þá í tippið.

· Fara of snemma heim - biðja næturvörðinn að stimpla sig út.

· Flauta á alla karla í umferðinni og senda þeim fingurinn - eða
ulla.

· Gleyma að sækja börnin á leikskólann.

· Setjast fyrir framan sjónvarpið um leið og komið er heim.

· Fá sér bjór.

· Urra - jafnvel bíta - ef einhver spyr eftir kvöldmat.
· Ropa.

· Sofna yfir Idol.
· Fá sér bjór.

· Leggjast í öllum fötunum í rúmið og helst strá yfir það brauð- eða
kexmylsnu.

· Sofna áður en makinn nær að bursta tennurnar.

· Hrjóta.

Laun fyrir vel unnið verk er að hafa unnið það

Hverjar sóttu svo um launahækkun í gær? Amk ekki stelpan sem er að vinna hjá Símanum og staðhæfði í kvöldfréttum í gær að það hefðu allir svo góð laun þar. Trúi henni ekki... held að yfirmaður hennar (karlmaður vitiði til) hafi staðið til hliðar og hvesst á hana augum. Ég hef nokkrum sinnum sótt um launahækkun, enda búin að vera á vinnumarkaði í einhver ár svo það er bara eðlilegt. Best launahækkunin sem ég fékk var eftir að VR hafði birt launakönnun sína (held að þetta hafi verið árið 2000) og þá sá ég að ég var með 10% lægri laun en karlmaður í minni stöðu. Ég þrammaði til míns yfirmanns og sagði að það væri ekki nema sjálfsagt að hækka laun mín um 10% þar sem ég væri aldrei veik, félli ekki verk úr hendi og væri kona. Fékk mína 10% hækkun en hef lítið fengið síðar. Núverandi yfirmaður minn er kona og finnst mér mjög óþægilegt að tala um svona mál við hana, í sannleika sagt. Þótt hún sé hinn fínasti yfirmaður að öðru leyti þá er hún samt sem áður kona. Ekkert við því að gera... Það er staðreynd að það eru til svokallaðar kvennastéttir, s.s. eins og gjaldkerar í bönkum (með nokkrum undantekningum), leikskólakennarar (með nokkrum undantekningum), þjónustufulltrúar (með nokkrum undantekningum), þroskaþjálfarar (með nokkrum undantekningum) osfr. Þessar stéttir eru lágnlaunastéttir því að konur vinna þær. Það er frekar önfer... dónt jú þínk? Einu sinni vann með mér kona sem fullyrti að henni þótti sjálfsagt að ég væri með hærri kaup en hún því hún ætti mann sem skaffaði vel en ég var bara alein að reka heilt heimili... það hljómaði frekar asnalega, en ég mótmæli ekki. Segi enn og aftur að þegar sá dagur rennur upp að einstæð móðir fær Fálkaorðuna þá verð ég sátt við orðunefndina... þær reka heilt heimili á einum launaseðli, með öllum þeim útgjöldum sem því fylgir... einum launum, nota bene. Þær eru kannski að reyna að vera skynsamar og vinna rosalega mikið en það kemur í bakið á manni, með hærri sköttum og lægri vaxtabótum. Svo er kerfið ekkert að auðvelda hlutina með því að láta gift fólk, eða í sambúð missa allskonar allskonar, vaxtadrasl og kjaftæði. Er nema von að fólk sjái ofsjónum yfir því að skrá sig í sambúð í þessu ófjölskylduvæna umhverfi? Held ekki og skil alla þá vel sem svindla á kefinu. Til að mynda þá þurftu minn fyrrverandi og kona hans að skrá sig tímabundið úr sambúð meðan hún fekk 90% lán til að fjárfesta í sinni íbúð. Þau voru of tekjuhá saman en hún sem pótesjal einstæð móðir gat fengið aukalán. Þetta var hlutur sem stofnunin sjálf ráðlagði þeim að gera, ekkert sem þeim datt í hug sjálf, enda góðir og löggildir borgarar. Þetta ber vott um að það sé e-ð að hjá þessu blessaða ríkisvaldi. Einu sinni átti ég enga peninga, sem gerist af og til á bestu heimilim. Ég átti enga útborgun í íbúð, var í leiguhúsnæði sem var búið að selja og uþb að lenda á götunni. Ég kyngdi fjárhagslegu stolti mínu, mjög tímabundið, og tölti niðrí aumingjastofnum (Félagsíbúðir eða hvað sem það heitir)... sótti um að fá íbúð í verkó en átti ekki nægilega mikið bágt til að fá inn hjá þeim. Urlaðist alveg og talaði við stjórann, með drenginn sofandi á öxl minni til að vekja meiri samúð (hey, sins jú hev þemnm, jús þemm) en nei.. ég var ekki sokkin nægilega langt í skuldir, óreglu eða hvað það varð sem ég þurfti að vera til að fá íbúð frá þeim. Sem betur fer, segi ég í dag, því hún blessuð móðir mín (sem er frábærasta mamma í heimi og reyndar sú eina sem ég á, tíhí) lét mig fá fyrirfram arf sem útborgun í nýja íbúð. Ég var heppin, líka að ég keypti mína íbúð á réttum tíma og hefur hún hækkað um ca 80% í verði síðan þá. Það eru því miður ekki allir sem eiga svona góða að.. sendi þeim hér með samúðarkveðjur, faðmlög og vona að þeir/þær fái einhverntímann Fálkaorðina.

En að öðru....

Í dag er Örleikritahátíð hjá Borgarleikhúsinu og mætir maður af sjálfsögðu þangað, við skelltum okkur til Slaugu áðan.. ég í blástur og Einsi í klippingu... hvað geriur maður ekki á svona dögum... tala nú ekki um þegar boðsmiði á Bessastaði fylgir í kjölfarið.. kaffiboð þar á morgun og það væri ógeðslega töff að liggja bara þunnir í sófanum á morgun, líta á úrið, geyspa og segja ,,Við eigum að mæta á Bessastaði eftir hálftíma... nennum við?" ..og dissa Óla. heheheh... Annars er ég svo lítill þjóðernissinni að mér er slétt sama... lít á þetta sem svo að ég sé eiginlga að bjóða sjálfri mér í kaffi, þar sem karlinn lifir á okkar skatttekjum. Því get ég gert hvað sem mér sýnist á Bessastöðum, hlegið hátt, dottið, prumpað og ef mér dettur svo í hug að kúka í koddaverið.. því ekki? Nei.. segi svona...

Svo var föstudagsgrín í vinnunni í gær... það var eitt af mínum betri ef ég segi sjáf frá. Þannig er að ein samstarfskona mín átti afmæli og kom ekki með neina köku í tilefni af því og urðum við frekar sár. Þannig að hún var tekin fyrir, saklaus manneskjan sem trúir engu slæmu upp á neinn. Ég fékk Elínu til að hringja og segjast heita Magga, hún var að hringja frá útvarpsstöðinni Rósinni (FM 86,5) og það væri þannig að á hverjum föstudegi væri eitt afmælisbarn dregið út potti og hlyti sú kona (í tilefni launahækkunardagsins) dekurdag hjá Baðhúsinu. Þar er innifalið nudd, maskadrasl, plokkun, förðun og allskonar allskonar. Þessu gleypti hún við alveg glerhráu. Það eina sem hún þurfti að gera var að syngja ,,Ég á afmæli í dag" í beinni... gerði hún það... svo fóru stelpurnar að hlægja... og þá fattaði vesalings konan að þetta var of gott til að vera satt. Hún, greyjið, (ég vissi þetta ekki) hefur aldrei unnið neitt á sinni ævi og héllt að loksins væri gæfan búin að snúast henni í hag.. aldeilis ekki, því miður. Við hlógum mikið að henni og lokapunkturinn kom svo þegar hún var að fara heim.., þá var hún e-ð að kveðja ,,góða helgi og allt það, takk fyrir að láta mér líða vel um tíma en svo illa". Ég rétti henni samanbrotið blað og tilkynnti henni að við hefðum af sjálfsögðu slegið saman í degurdag handa henni, þetta hefði allt verið grín og gjörðu svo vel, njóttu. Vonarglampinn í augum hennar lýsti upp skrifstofubyggingun en dó fljótlega þegar hún sá að blaðið var autt... það var fyndið. Hún fyrigaf mér og hló bara að öllu saman. Nú á ég von á að það verði keyrt yfir mig í dag, það falli elding mér í skaut eða brauðrist detti á hausinn á mér. Kannski á ég það skilið?

Abort mission...

Það var að koma í ljós að Ásta Kristín keppir ekki í Djúpu fyrr en föstudaginn 07.nóvember... hafið það í huga. Allar tillögur að spurningum eru mjög vel þegnar :-)

Sællegri helgi þá lokið og við tók mánudagurinn hræðilegi. Þessi dagur (í vinnunni) var jafn mishepnaður og helgin tókst vel. Kerfið tók upp á því að virka ekki, allar útprentanir rangar og þurftum við stúlkukindurnar að vaða eld og brennistein til að eitthvað virkaði rétt. Dagurinn semsé fór í bein samtöl við forritara og lítið varð áverkað... nema áverkarnir á henni greyjinu. Held að hún sé uþb að segja starfi sínu lausu... ekkert grín að vera forritari í Axapta-skít >:-(

Tenórinn var alveg ágætur, þannig. Held að hann sé nú amt miðaður við aðeins eldri áhorfendur en okkur hjónakornin og þegar þeir enduðu á að taka Hamraborgina héllt ég að mér væri allri lokið, seig miður í sætinu og meig á mig af hlátri. Vinnufélagarnir (sem eru svolítið eldri) skemmtu sér ágætlega, kvorki pissuðu á sig né héldu að sér væri öllum lokið. Þetta er hægt verk, byggt á upprifjun tenórs nokkurs á sínu lífi og aðstæðum í dag. Þarna er líka píanóleikari einn og veit ég eiginlega ekki hvert hlutverk hanns átti að vera, hálfklaufalegt einhvernveginn, hefði átt að redda þessu öðruvísi eða sleppa honum. Hann var alltaf með i maganum og húkti á salerninu hálfa sýninguna... veit ekki. Guðmundur Ólafsson stóð sig mjög vel í aðalhlutverkinu og sagði Kiddi Pulsa (samstarfsfélagi) að hann hefði sett saman þetta leikrit sjálfur vegna skorts á verkefnum. Gott framtak hjá honum... um að gera að redda sér sjálfur. Veit samt ekki hvernig Oddi Bjarna, leikstjóra, gekk að leikstýra aðalleikaranum (og eiginlega þeim eina) sem samdi leikritið sjálfur... áræaðnlega ekki öfundsvert hlutskipti...

Morgundagurinn lítur vel út. Hef einhverveginn planað hann geðveikt matarlega séð... huxa að ef ég sé ekki búin að vinna hjarta ástinnar minnar bæ ná, þá geri ég það á morgun. Við komum til með að byrja daginn á amerískum pönnukökum, svo eru það vöfflur með kaffinu (á von á gestum), svo kemur barasta geðveikur kvöldmatur; grísasteik í e-um sinnepshjúp með Fondant kartöflum (sem Bjössi kemur til með að fjarstýra eldingu á) og með því verður salat með ostadrasli og bakað Baguette með Mossarellu- og tómatsneiðum og ferskum Basil. Eftirrétturinn verður BARA geðveikur, brúnn marengs með þeyttum rjóma, ferskum jarða- og báberjum og súkkulaðirúsínum... mmmmm... nammiiii.... Að vísu ætlaði Einsi að bjóða mér eitthvert út í mat, en það var barasta of seint. Þegar svona skipulagsfíkill eins og ég er á ferðinni þá þýðir ekkert að ætla að koma manni á óvart með tveggja daga fyrirvara, æm veij a hed of ya...
Fór í Kringluna áðan, sem er svosem ekki í frásögur færandi nema hvað það er Kauphlaup þar... eða kapphlaup af einhverju tagi. Allir pokar sem voru sérmerktir voru fríir og konan sem var á undan mér í Hagkaup tók tvo aukapoka og laumaði þeim ofaní hálftómann pokann sinn. Svolítið hallærislegt...
Við erum að fara í leikhús í kvöld að sjá Tenórinn, það eru fordrykkir og læti á undan fyrir útvalda starfsmenn Eddunnar. Mmmmmm... hlakka til.... Að vísu verður þetta rólegheitakvöld, hjá mér amk, því ég má ekki gleyma því að ég á víst eitt barn sem er svotil sjálfbjarga en þykir voðalega gaman að eyða stund og stund með mömmu sinni. Við Fríða syss vorum að tala um áðan hvað hann er kominn á þægilegan aldur, ég þarf lítið að hafa fyrir honum, get skroppið í bíó, kaffihús og hvaðeina þegar mér sýnist... en það er nú samt alltaf gaman og notalegt að eyða kvöldi og kvöldi með honum í rólegheitum. Við erum búin að vera voðalega dugleg síðustu daga að spila James Bond í PS2, nema hvað ég verð alltaf svo ofbeldisfull þegar ég tapa (sem er alltaf) að ég lem alltaf alla nærstadda, öskra og sýni á mér einhverjar monsterhliðar sem eiga ekki að vera til og illgerlegt að kalla fram. Því veigrar Alli sér við því að spila á móti mér í þessum leikjum, best að vera bara í sama liði og geðveika mamma sín. Það er líka ágætt, eflir hópþroska hans...hehehehe...
Svo verða allir að horfa á Djúpu á föstudaginn næsta... er ekki bara Ásta Kristín að fara að keppa... hehehhe... Skrifaði þeim bréf og sagði að Ásta væri tölvulaus í augnablikinu (sjor!) og því væri ég að sækja um fyrir hennar hönd. Hófst svo mikil upptalning á hennar miklu kostum og ég veit ekki hvað og hvað. Þegar bréfið fór frá mér töluðum við Gugga um að kannski væri nú sniðugt að láta stúlkugreyjið vita af þessum ósköpum svo Gugga fékk það erfiða hlutskipti að hringja og tilkynna henni að hún óskaði semsé eftir því að keppa í Djúpu... Ásta greys stelpan gjörsamlega tapaði sér og vildi ekkert kannast við að hún hefði vilja né getu til að taka þátt. Það var eins gott að Gugga hringdi í hana því um leið og Ásta var búin að skella á þá hringir einn sundlaugarvörðurinn... af sjálfsögðu bráðnaði Ásta niður og er að fara í e-ð viðtal á þriðjudaginn. Held að hún sé pottþétt inni, eða hef amk aldrei heyrt um að þeir neiti neinum um að keppa...

Jæja, ástirnar mínar, nær og fjær... til sjávar og sveita, lands og leðja... Mikið er nú langt síðan ég opnaði rifu á þessum glugga sem veitir smá innsýn inn í mitt litla líf. Allt of langt síðan, enda er systir mín farin að taka upp á því að hringja til að fá fréttir, í staðin fyrir að lesa bara þessa lituðu útgáfu sem kallast daglegt líf. Best að ráða bót á því, því ekki getur hún verið að hringja í tíma og ótíma eins og sú gamla.
Dreymdi í nótt að ég ætlaði að borða smárétt sem var fullur af ljósum konuhárum... það var ógeð. Held að það sé fyrir því að ég sé ekki góður kokkur, en það er staðreynd sem ég hef sætt mig við fyrir löngu og ætti því ekkert að koma á óvart. Eða kannski er það fyrir peningum? Óvæntum fjárútlánum? Hækkandi vísitölu? Efnahagsþennslu? Sjitt ünd sjæse! Var að hella upp á kaffi og gleymdi að setja kaffikorgadótið undir könnuna... helvítis... nú þarf ég að bíða í aðrar þrjár mínútur... kannski var þessi hárdraumur fyrir því að ég kann ekki að hella upp á kaffi? Eníhá... það er víst uppistand í kvöld... best að kíkja á það og sjá hvaða húmor er í boði þar. Siggahrönn er að koma í kaffi/mat og við skötuhjúin ætlum að kryfja hana um ýmis skattamál... já, btw... við eigum hálfs árs ,,á föstu" ammæli á sunnudaginn... há tæm flæs venn jor heving fön :-) Æ lov itt!!! Æ lov Læv!
Ég sendi alla deildina á fyrirlestur í morgun um stefnumótun og mörkun... markmiðasetning... frekar gott mál og mjög gaman. Er amk búin að setja mér nokkur markmið... til að mynda er mjög gott markmið að endast út daginn brosandi og í góðu skapi. Einnig er gott markmið að vera góður við aðra, sýna tillitsemi í umferðinni, brosa til gamla mannsins sem fer ekki af stað þega það kemur grænt ljós, þykja vænt um óþolandi sóðalegu nágranna sína, brosa við hún þegar maður hellir kaffi yfir sig... allt þetta eru góð markmið... hjá einhverjum öðrum en mér. Ég þoli ekki þetta skítapakk sem býr fyrir neðan mig, sóðar og öskra hvort á annað. Ég skil ekki af hverju gamalt fólk keyrir bílum (þ.e. það gamalt að það gengur á lyfjum... ekki þú mamma mín). Hata það þegar ég helli yfir mig kaffi. Þoli ekki fólk sem svínar á mann í umferðinni og keyrir svo hægt... allt í lagi að svína ef þú gerir það almennilega og nærð fljótlega upp sama hraða og við hin. Ég HATA Kolbrúnu Halldórsdóttir...Ég er meðvituð um að þetta eru persónueinkenni sem þarf að laga... reyni amk... or nott...

Jájá, Sigga Víðis, hin frábæra Sigga Víðis barasta farin að blogga. Mikið hlakka ég til að fylgjast með ævintýrum hennar í úglöndum, hún er svo skemmtilegur penni :-) Hún er semsé fyrrverandi kærastan hans Palla bróðursonar míns (hljómar eins og ég sé áttræð, bött æm nott!) og þegar þau voru að þvælast um heimin fyrir ári síðan, eða tveimur, þá sendi hún reglulega pistla sem voru skemmtilegri en pistlarnir hans spanjóla-gæja, sem leggur alltaf til í lok hvers pistils að jógúrt eigi að vera kölluð eitthvað annað en það er kallað.

Það er lægð að ganga yfir landið og þá gerir maður ekki rassgat, er búin að ætla að taka til í svefnherberginu í marga marga daga en það er alltaf lægð að gagna yfir. Gott að kenna veðrinu um eigin aumingjaskap og leti. Gott dæmi: Ég hengdi þvott út á snúrur á föstudaginn og á laugardaginn gekk á með skúrum og vondu veðri, sunnudagurinn var lítið skárri en gærdagurinn var ok... svo ég náði í þvottinn í morgun, í rauða morgunátfittinu og þá var hann passlega þurr. Það fer allt í hægagang og maður spyr sig hvert þetta ryk og ógeð fari eiginlega? Ekki neitt... það er nefnilega gallinn, það fer ekki neitt og því liggur ekkert á að taka það í burtu :-/

Er að berjast við að lesa Líflækninn, það gengur ekkert sérlega vel, því mér finnst hún svo leiðinleg... hún er samt hátíð miðað við Stellu Blomkvist... hvað er það eiginlega? Byrjaði að lesa Morðið í alþingishúsinu... guð minn góður! Gafst upp í miðri sögu og skilaði bókinni inn... það var hreinlega ekkert gott við þetta helvíti... Jú, kannski er hægt að rífa blaðsíðurnar úr og senda til einhvers lands í eldsneytisnauð :-( Stundum verður maður bara reiður út í þessa karla sem vinna með manni að láta sér detta í hug að bjóða almenningi upp á þetta... grunar að höfundurinn sé einn af þeim, það eiginlega hlýtur bara að vera.

Við gerðum tilraun á föstudaginn, eða Alex Skúli og Alli Skralli... kanilskeið skyldi upp í munn og ofan í maga. Ég sagði þeim frá því að Hrannar Björn Árnason nokkur hefði tekið heila skeið í vinnunni og vildu þeir ormar ekki vera minni menn. Í ruslapoka fóru þeir og undirbúningurinn mikill, en ekkert gekk... þeir hóstuðu upp fagurlega sköpuðu kanilskýi en þeim varð ekki meint af... sem betur fer :-) Hrannar hafði þennan viðbjóð upp í sér í einhverjar 15 mín. (er mér sagt-sá þetta ekki sjálf) áður en hann náði þessu niður, vanlíðan hans varð einvher eftir það og talaði hann um að hann hefði þornað mikið upp. Augun og eitthvað... só dónt træ þiss at hóm:-/

Veikindi eru að tröllríða þessari þjóð, við erum einum starfsmanni færri þessa dagana og það er hundfúllt. Heiðdís greyið líður samt áræðanlega verr en okkur... með yfir 39 stiga hita. Bjössi er búinn að vera veikur í einhverjar vikur og ekki sér fyrir endan á því... sendi öllum veikum Íslendingum mínar bestu óskir með von um skjótan bata.

Mæli algerlega með þessari, alger snilld!

...og vinnan heldur áfram...

Já, það er ekkert smá gaman að vera til... var standby í allt gærkvöl með að prufa nýja kerfið okkar og er búin að vera í allan dag að vesenast e-ð í sambandi við það. Sem betur fer er ég með tengingu hingað heim svo ég hef getað reykt yfir þessum ósköpum...
Annars snérust kynjahlutföllin algerlega við á mínu heimili í dag, Einsi fór með Alex Skúla, Alla og Sögu í bíó áðan á meðan ég vann og horfði á handboltann í sjónarpinu... eins og miðstéttarfaðirinn gerir oft. Til að vega aftur upp þessa brenglun ryksugaði ég, vaskaði upp, þreif klóstið, vaskinn og setti í tvær vélar. Nú fyrst get ég horft framan í mig og sagt:,,ég er kona".. híhíhíhí...

Lökký mí!!!

Heppnin, gleðin og hamingjan virðist elta mig eins og notaleg táfýla þessa dagana :-) Við Heiðdís og Ísold byrjuðum í dag í rauðvínspotti í vinnunni, það eru 16 aðilar þáttakendur, einn fær 10 flöskur og tveir þrjár. Til að gera langa sögu stutta þá kom ég, sá og sigraði og þarf að fjárfesta í vínrekka sem rúmar 10 flöskur! Jibbíjæjei :-) Ég dró mas sjálfa mig út.. ekkert svindl... sverða. Mér leið nú ekkert rosalega vel yfir þessu öllu, fannst þetta heldur óverðskuldað og auðveldur vinningur. En hér hef ég semsé 10 flöskur mínus eina sem ég og bíða eftopnaði í vinnunni í dag, því ég vildi sýna öllum hvað ég er hömbúl...:-) Að sumu leyti var gott að fá svona glaðning í vinnunni í dag, því ég svaraði 196 tölvupóstum fyrir utan alla kúnnana sem ég afgreiddi í gegnum símalínur... algerlega búin á því og ekki hætt enn... Nú á að breyta um kerfi og þarf ég að testa það áður en það verður sett á alla... því þarf ég að vinna í kvöld... og á morgun því símsvarinn okkar er fullur og ekki má það gerast :-( Þessvegna var þetta alveg ágætt... 8 þetta kannski alveg skilið?

Þeir ætla að reyna að selja Landssíman aftur, afnema eignaskatt og skila 6,4 milljörðum í tekjuafgang á næsta ári. Gúd lökk... held að það grist ekki, því miður. Er engin sérfræður, tók Þjó 103 á síðasta ári og er búin að gleyma hvað verg landsframleiðsla þýðir. Bara svo lengi sem þetta skili sér inn á debetkortareikninginn minn... hef samt litla trú á því... því er einhvernveginn þannig háttað að ef maður er ríkur þá er maður samt ekkert ríkari. Ef maður er blankur verslar maður bara í Bónus... ekkert mál... þeir meiga þrátta, rífast og ganga í skrokk hver á öðrum, sama er mér... þótt það hefði verið gaman að sjá það... Geir H. Haarde að slást við Össur, það væri skemmtileg sjón, eða ekki... Hvað með Kolbúnu kynþokkalausustu konu landsins og Katrínu konuna hans Kristjáns Ara? Uppáhalds slagsmálaparið mitt er þó Dorrit og Ástríður Thorarensen... hún er með svo rosaleg gleraugu... ætti að borga fasteignaskatt af þeim, eða fara í umhverfismat.

Bara til að leiðrétta þær kjaftasögur sem eru í gangi (eða þær sem ég heyri áræðanlega ekki af):
Nei, er ekki að fara að gifta mig - er ekki einu sinni í þjóðkirkjunni og hef litla trú á svoleiðis... þótt mig langi helvítið mikið í veisluna.
Nei, er ekki ólétt - hef ekki trú á að barn númer tvö skemmi ekki fullkominn vöxt minn :-)
Nei, er ekki að fara í meðferð - þótt ekki veitti af, en ég lifi í afneitun eins og margur Íslendingurinn
Nei, er ekki að fara í forsetaframboð - er ekki innundir á réttum stöðum og á ekki nægilega mikla pjéninga
Nei, er ekki að blogga frá Kvennaathvarfinu - fyrr myndi ég dauð liggja en að leita þangað

.. hefði ekki 8 að minnast á þetta...