Þar sem ljósið er mikið, er skugginn skýr
-Geuthe

Já, loksins er tími... mikið búið að gerast og ganga á í mínu lífi og greinilega hjá öðrum líka. Afmælið gekk svona líka agalega vel, allir stútfullir og karfavitlausir. Fyrir mína parta fékk ég a.m.k. nóg af því að borða vodka og geri það varla aftur í bráð. Einnig er karokkíþörfinni fullnægt næstu árin og verður núna stefnan tekin á rólegt líf með nýja kærastanum sem ég fékk í afmælisgjöf og námið tekið hershöndum. Ég vaknaði upp úr kl. 04 í morgun og lá og hugsaði og hugsaði... það fer allt einhvernvegin af stað þegar það er svona mikil kyrrð úti, rosalega var hljótt í borginni. Svo að ég fór fram og byrjaði að lesa, hellti mér upp á te og gerði verkefnið í Landafræði sem ég átti að skila á föstudaginn var (fékk frest vegna þess að ég er orðin svo gömul!!! Annars var frekar fyndin staðan sem kom upp í gærmorgun er ég mætti til vinnu... þá var þar einn háttvirtur kennari hjá ME að tilkynna mér það að ég átti að vera mætt í próf í ME kl. 10:15 í Þjóðhagfræði... skemmtilegt það. Skipulagningin alveg að drepa þessa kennara/skóla.

Ætla í Kringluna á eftir að eyða öllum pjéningnum sem ég fékk í ammælisgjöf...

Áðan barst mér heillaskeyti, sem er varla í frásögur færandi nema fyrir þær sakir að það var frá pabba (Hilmari). Ég vissi ekki alveg hvaðan á mig stóð veðrið, því á síðasta ári klúðruðum við Alli afmælinu hans svo hægri vinstri að það hálfa væri helmingi meira en nóg. Við gáfum honum flotta bók í mars, því ég hélt að þá ætti hann stórafmæli. Hann var ekki heima þegar við fórum með pakkann til hans svo við skildum hann bara eftir. Stuttu seinna hringdi ég heim til hans og hóf að kyrja afmælissönginn.... hann varð svolítið vandræðalegur og tjáði mér að hann hefði ekkert orðið sextugur.. ég hélt að það væri í lagi, en þá sagði hann mér að hann ætti afmæli í október... það var erfitt að klóra sig út úr þessu klúðri og ég viðurkennndi bara allt fyrir honum... ég hafði ekki hugmynd um hvenær hann ætti afmæli. Hann virtist hafa fyrirgefið mér... þangað til í kvöld...ég nefnilega gleymdi svo afmælinu í október... of kors... hann sendi mér heillaóskir í tilefni þrítugsafmælisins ... veit ekki alveg hvort hann er með svona svartan húmor eins og dóttir hans, vona það. Kannksi er gullfiskaminnið í genunum? Því afi hringdi áðan til að óska mér til hamingju með daginn... þá var ég alveg eins og ég veit ekki hvað... gadem.. þetta liggur í genunum, semsagt ;-/ Eníveis... ég er svolítið hissa á að engin skyldi standa meira í hárinu á mér fyrir að vera svona mikil tík við eldri borgara.. hélt að ég fengi meiri viðbrögð ;-(

Leikur dagsins fór mjög mjög vel... fjörtíumarkamunur er ekki svo slæmt, bara að þetta stígi strákunum ekki til höfuðs. Vonandi gengur þetta bara vel og eitt er víst.. þeir in ár preirs ;-/ Ekki satt???

Ha ha ha er betra en bla bla bla...

Æji, þetta er nú meiri helvítis þvinnkan sem herjar á mann á sunnudegi;-/ Væl og aumingjaháttur er þetta ;-( Mamma og Kolli buðu mér út að borða í gærkvöldi og af sjálfsögðu endaði það með hringavitleysu og fyllerý í miðbæ Reykjavíkur, ÁN þeirra... þenk god. Hitti Michael, blaðaman á Sunday Times og hann ætlar að kíkja á ammælisveisluna mína, sagði við hann að ef hann vildi sjá alvöru drykkjumenn að störfum á Íslandi ætti hann að fara í partý... einhver var búinn að benda honum á NASA... réð honum frá þeim stað. Hann ætlar kannski að kíkja í Mosó... held samt að þetta hafi verið leim exkjús hjá honum til að komast yfir símanúmerið mitt... minnir mig á það að ég verð að fara að læra númerið utanaf á Kvennaathvarfinu og gefa það upp... þegar ég vaknaði í morgun sá ég mér til mikillar gleði að ég var ekki með nein ný símanúmer í símanum mínum... batnandi konu er best að lifa. Samt var nú stofnaður nýr stjórnmálaflokkur og málin rædd ofaní kjölinn, eins og vant er rétt fyrir kostningar. Við Ásta kynntumst tveim nýjum drengjum í nótt, Berki og Ragnari (sem reyndist vera Hollendiungur og tala illa íslenska)... við Börkum fórum á atkvæðaveiðar, ég reyndi að snapa slagsmál (humm... hefur gerst áður..) en ekkert varð út því, sem betur fer. Við stunduðum samt mjög mikið sjómanninn (Gad.. verðum að fara að hætta á þessum hormónum!) og er líkamleg líðan í dag eftir því ;-l

Svandís kom í dag... frábært að fá hana... við fengum tyggjó frá henni, sem er enn frábararara því þá getur Alli borðað það þegar hann kemur úr skólanum og ég slepp við að elda í nokkra daga... ;-þ

Þar sem fjögur læri koma saman, þar er gaman
-vinnufélagi


Já, gott fólk arekknófóbía er í kvöld og þá þarf maður að drekka aðeins ...bara pínkulítið, til að geta horft á hana. Mágur minn er reyndar líka haldinn þessari fælni, sem er frekar einkennilegt, því hann er sjóari og harður jaxl að öðru leyti. En þessar skepnur spyrja af sjálfsögðu ekkert um það.. neinei. Annars langar mig svolítið til að tala um umferðarmál núna, því ég er búin að fá mig fullsadda af þessum gamlingjum sem halda að þeir/þær geta ennþá keyrt en geta það ekki í raun og veru.. því miður. Var svolítið á fartinu í dag, því margir fjölskyldumeðlimir komu til höfuðborgarinnar og það kom fyrir oftar en ekki að ég lenti á eftir gömlu fólki á nýjum bílum. Þetta fólk keyrir of hægt og ef maður fattar að þetta eru eldri borgarar við stýrið þá stífnar maður upp, því það er aldrei að vita nema þau snögg hemli, því þau vissu ekki skyndilega hvar þau voru stödd, hvað þau hétu eða voru óvart að hafa hægðir í nýja bílsætið... þetta er böggandi. Svo gerist það ótrúlega oft að maður er á eftir bíl (með eldri borgara) sem keyrir óþolandi hægt (undir hámarkshraða, vel undir honum) og er að koma að ljósum...göngukallinn er orðin rauður og það er að koma gult... svo kemur gult akkúrat þegar hægasti bíll í heimi er að koma að gatnamótunum og hann gefur þá skyndilega í og maður situr eftir bölvandi og ragnandi á rauðu ljósi... hata það. Þoli heldur ekki fullorðna fólkið sem notar gangbrautarljósin.. ég hélt að þetta hefði verið fundið upp fyrir litlu börnin sem þyrftu aðstoð við að komast yfir göruna... en neinei, það er til ótrúlega mikið af fólki sem ýtir á takkann, bíður og bíður eftir græna karlinum (n.b. enginn bíll keyrir framhjá)...svo kemur grænt á hinn gangandi vegfaranda (helvítið af honum)... og hvað þá.. þá eru bílar að keyra götuna og þurfa að stoppa og virða fyrir sér fíflið sem hitti á takkann... þetta fólk þjáist alveg örugglega af óyfirvinnanlegri athyglissýki sem engin getur læknað þau af.. ekki nema að dissa rauða ljósið og keyra yfir þau:-) Nei... iiiii.... Verð mest vör við þetta á Laugaveginum, þarna hjá Hátúninu, þar sem vangefna og ljóta fólkið býr... kannski er þetta þeirra aðferð til að láta mann vita af sér... rosalega fer maður beint til HELVÍTIS fyrir þetta... nú er stjórnmálaferli mínum lokið ;-( púhú...
Annars er gamalt fólk yndislegt og fær ekki þá virðingu sem það á skilið.. .en það á hana ekki skilið í umferðinni ;-( Þetta fólk byggði upp okkar samfélag og er búið að leggja sitt af mörkum.. það er meira að segja að borga skatta af lífeyrinum.. sem er absúrt!!! Svo eru öryrkjar ágætir... þar sem þeir eru, nema á gangbrautum... ;-/

-Ég græt Narsissus vegna þess að alltaf þegar hann hallaði sér fram af bakka mínum sá ég að í djúpi augna hans speglaðist mín eigin fegurð.
Úr Alkemistanum


Mikið rosalega er mikið að gera núna þessa dagana.. maður hefur bara ekki tíma til að setjast niður og líta aðeins um öxl... ja hérna. Annars vorum við Alli að prufa sólgleraugu áðan þar sem maður sér axlirnar sínar, litterallý.. mjög sniðugt. Gleraugun eru með svona spegli að innan... Ég sendi einhver út með boðsmiðunum, þannig að einhverjir eiga eftir að geta litið um öxl. Aðrir eiga eftir að geta hellt upp á te, aðrir brúkað dömubindi, spilað dönsk jólalög... allir fengu eitthvað sniðugt með boðsmiðanum sínum.... bara svona upp á grín. Svo hlær engin nema ég, en það er allt í lagi... ég er enn 29 ára og má það alveg.

Heiða Skúla á afmæli í dag... vonandi sér hún smessið frá mér...annars hef ég þessa síðu til vitnis um að ég hafi munað eftir þessu. Svo á Fríða syss afmæli á morgun og Gauji átti afmæli þann 14, Eiríka Benný þann 4, sem og Sigga Hrönn OG Uni Dagur... hvað er að gerast... ? Hvað er það sem gerist í apríl sem veldur því að fólk rífur af sér fötin, hendist upp í rúm og hugsar ekkert um getnaðarvarnir? Hneysl!!!

Við stóðum okkur vel á móti Svíagrýlunni í dag!!! Júhú!!! 4 dagar í hátíðina...

Veitt þér andartaks ró,
og þér mun skiljast
hve heimskulegt var umstang þitt og asi,
temdu þér þögn
og þú munt finna
að of mikið var tala,
vertu vinsamur,
og þér mun ljó sverða
að þú varst of dómharður
við aðra

Já, þetta hefur einhver vafalaust hugsað, ritað en illa farið eftir. Meginmarkmiðið er að ætla sér að verða betri manneskja, gera hlutina betur.. ekki bara sættast á að maður sé mannlegur og nenna ekki að leggja sig fram. Sjitt.. .helvítis heimspeki er þetta alltaf hreint! Verð að koma þessu á jörðina með einum góðum sem kom í vinnunni í dag... kona nokkur inni í tösku- og hanskabúð: ,,hva... 7.000,- fyrir smá veskistuðru? Hvurslags er þetta eiginlega?" Afgreiðslukonan: ,,Sjáðu til, þetta veski er úr ekta tittlingaskinni og ef þú sleikir hana breytist húin í ferðatösku!" -Snilld!!! Var að komast að því að 9 ára eru ekki alveg með sama húmor og við hin.. þ.e. þessir fullorðnu ;-/ Hóst hóst...

Sá sem safnar miklum fjársjóðum hefur einnig miklu að tapa.

Já, ætli Jón Ólafsson og Baugsfeðgar séu hamingjusamari en við? Held ekki... þrátt fyrir að maður eigi fáa þúsundkalla þá á maður þá einn og engin annar, engin Íslandsbanki á hlut í þeim, engin getur gert kröfur til krónu af þeim... það sem verður úr þeim og af þeim er algerlega undir manni sjálfum komið og er það vel. Ef illa fer er ekkert annað að gera en að bretta upp ermar og herða upp hugann, blása til sóknar og mæta þessu verkefni af opnum en ákveðnum huga, hugsa um tímabundið pjéningaleysi sem verkefni sem þarfnast úrlausnar en ekki sem staðreynd sem ekkert sé hægt að gera í. Auk þess lítur fólk misjafnlega á peningaleysi... mér finnst ég aldrei hafa verið eins rík og eftir að ég hætti í sambúð með mínum barnsföður... það er vegna þess að ég réð ferðinni algerlega og tók sjálf alla ábyrgð á fjárlagahalla míns heimilis... við engan annan var að sakast og ef vel áraði þá var það bara frábært. Það er enn frábært og maður hefur það alveg ágætt... það er samt alltaf hægt að gera betur finnst manni, en myndi maður ekki þá bara fara oftar í lit og plokk? Hætta að versla í Bónus og fara að snúa sér meira að Nóatúni? Eiga alltaf afskorin blóm í vasa? Held það... þannig að lífið er bara alveg ágætt. Veit samt ekki alveg af hverju ég er að röfla um þetta.. það eru ekki einu sinni að koma mánaðarmót ;-)

Mér veittist sá heiður að afhenda Áslaugu vinkonu þrítugsafmælisgjöfina sína í dag, það var frábært. Við gáfum henni dekudag A frá Baðhúsinu... þar er allt, nudd hitt og þetta, spa tra la la, maska ba ba ba... bara allskonar sem hver kona ætti að fá að brúka af og til. Það er ekkert auðvellt að vera alltaf svona falleg og fersk ;-) Sif, Búddi, Gautur og makar voru memm í þessum pakka en þótti mér verst að geta ekki stokkið fram úr dökku skúmaskoti í stofunni hennar og hrópað: Söplæs! Komið henni verulega á óvart.. hellst þannig að Helgi fái hjartarslag og hún pissi á sig.. það væri fyndið.. eða kannski ekki ;-/

Svandís ætlar að heiðra okkur Alla skralla með nærveru sinni í nokkra daga þegar hún kemur heim þann 19. janúar... ég er að vonast til að hún ákveði að búa bara alltaf hjá okkur... það er ssssvvvooooo frábært að hafa hana, alltaf til í að passa, fyndin, snyrtileg og viðræðuhæf... svo eldar hún líka svo góðar kjötbollur ;-)))

Loksins er þessi álversbrandari minn komin í gagnið (tveim dögum of seint) og er ég verulega stolt af honum og hló agalega þegar ég bjó þetta til (sjá færslu 11. jan) ... manni finnst maður nefnilega vera oft svo fyndin í einveru sinni, seint á kvöldin þegar engin er til að hlægja með manni... þegar engin er til að ræða við þá verður maður að ræða við sjálfan sig, ekki satt??? Vinalínan er víst búin að loka á mig :-o

Kveiktu á kerti, fremur en kvarta yfir myrkrinu.


Já, ég stóð í stríði í nótt... mikið gekk á í Mávahlíðinni og endaði það allt saman vel, en ekki alveg á þann hátt sem ég hefði kosið. Egill (besti vinur Alla skralla) gisti hjá okkur í nótt og það var einhver sem spurði mig hvort ég myndi ekki sofa bara í stofunni og þeir í hjónarúminu... nei, nei, ég hélt nú ekki... þetta endaði nú samt þannig.. eða næstumþví. Strákarnir komu sér vel fyrir inni hjá Alla, á gólfinu í svefnpoka og voru að kjafta frameftir miðnætti. Á meðan var ég að horfa á Casino og drekka þetta indæla rauðvín... fann allt allt of mikið á mér fyrir vikið, en það er ekkert við því að gera;-( Svo er ég að fara að lúllast... leggst upp í rúm og er að spjalla við Ástu SEM BETUR FER því ég hef aldrei... aldrei.... haldiði ekki að helvítis djöfuls tussu-könguló hafi ekki verið á veggnum fyrir ofan rúmið. Taugaáfallið maður sem ég fékk... Ásta hélt að ég hefði verið að reykja einhvern fjandan eða væri á perunni.. fékk móðursýkiskast og fór næstum að grenja... nú fer ég að gera eitthvað í þessari fóbíu... Ég henti í hana, eftir mikla sálfræðilega uppbyggingu, sunnudagsmogganum (ólesnum, nota bene) og hún hrundi eitthvert í rúmteppið/sængurnar/koddana... ég gat ekki vakið drengina til að fjarlægja helvítið, svaf frekar í sófanum inni í stofu! Hélt að ég myndi kafna... Djöfullinn að vera með svona óþolandi veikleika! Ekki nóg með að maður sé kona og þar af leiðandi fokkt opp eníveis ;-/ Veit um eina vinkonu mín sem er vatnshrædd og Alli fékk þessa fóbíu frá mér í sængurgjöf.... annars veit ég ekki um fleiri sem eru eitthvað svona ,,klikkaðir", eða eiga við svona fóbíur að stríða. Kannski er fólk ekkert að flíka þessu? Eníves... nú skal farið í jarðsetningu á þessu ógeði sem bíður oss í herberginu mínu... hún fer í ruslið og því verður hent út, strax!

Ég vil ekki rota andstæðinginn.
Ég vil koma á hann höggi, stíga eitt skref afturábak og sjá hvað hann finnur mikið til.
Það er hjartað í honum sem ég sækist eftir.


Jess!!!!! Búin að redda aðalmálinu... Inga og Eiður á Hótel Framnesi (sem er frábært hótel í Grundarfirði, bæ þe veij og allir ættu að splæsa á sig ferð þangað... og ferðaklúbburinn er á leiðinni.. en það er allt annað partý og kemur í ljós síðar;-) ) redda mér með eitt aðalatriðið... eníveis... Málinu reddað og við D.J. Tommi gátum troðið enn einu verkefninu á Fríðu; mússíkkinni... hún þekkir nebblilega einn gæja sem er í tengslum við Diskótekið Dollý!!!! Hvað þarf maður meira... Framsóknarhúsið í Mosó, bjór, 40 stórskemmtilega aðila og Diskótekið Dollý??? Ef einhver getur bent mér á eitthvað sem vantar þá eru þær ábendingar vel þegnar. Annars er ég komin með nóg af þessu helvítis afmæli og tek mér pásu frá þeim vettvangi í a.m.k. viku.

Nú eru allir að drulla á sig út af álverinu, Kárhnjúkum, Alcoa og ég veit ekki hvað og hvað... ef fólk sér ástæðu til að gleðjast úti á landi og skemmta sér dálítið.. hvað er að því? Þótt einhver auðn fari undir vatn? Þótt hreindýrin þurfi að finna sér annan stað? Þótt einhverjar gæsir/endur/lóur eða hvað sem er þurfi að finna sér annan samanstað? Það er bara of seint að hætta við, sorrý ;-( Heimsæktu þessa síðu ef þú ert að fara að grenja ;-/ Nú er tími til að gleðjast í a.m.k. nokkur ár, heyrið það höfuðborgarbúar! Látið okkur svo í friði!

Krefjast skaltu mikils af sjálfum þér, vænstu lítils af öðrum, færra mun þá valda þér ama.

Já, við kröfðumst mikils fyrr í kvöld og tókum til á þessari síðu, settum upp nýtt kommentkerfi en það hafði þær leiðinlegu afleiðingar að allar gömlu, skemmtilegu athugasemdirnar duttu út ;-( Hneyksl!!!

Já, já... held að það sé best að skríða upp í rúm... undarlegt hvað þreytan sækir stíft á manna föstudagskvöldum, þegar maður er ekki að djamma :-/

Ó mæ gad... er allt til??? Ísold verður eiginlega að taka þetta próf og lauma til mín niðurstöðunni :-)


What Really Weird Thingy Are You? Find out @ blackhole

Óttastu lítt þó að hægt miði, óttastu það eitt að standa í stað.

Jájá, komst að því í dag að mamma les bloggið mitt... best að taka tillit til þess í framtíðinni ;-) Neinei.. halló mamma! Svo lengi sem Alli skralli kemst ekki í þetta er allt í góðu ;-) Annars er ,,bloggfundur" á morgun svo að þá verður þessi síða tekin í bakaríið og löguð til. Betra commentkerfi er í uppsiglingu, líst vel á það sem Skotta er með og svo skal ég læra að setja sjálf inn linka og drasl. Starfsmenn Eddu tóku próf í dag til að kanna þekkingu sína í íslensku, hún kom á óvart (þ.e. hve lítil hún er)...Smella hér

Þeir sem taka þetta próf og fá lélegt út úr því, örvæntið ei, því það hæsta sem ég hef heyrt að fólk hafi getað fengið er 11 stig. Þá erum við líka að tala um Mörð og Heiðdísi, sem er íslenskusnillingur í dulargervi :-) Spurning um að hafa Fimbulfambið ALLTAF á stofuborðinu og gauka í það af og til...
Var að skoða Dagar Íslands og dagurinn í dag er ekkert smá:
1799-Básendafljóð
1964-Tunnuverksmiðja á Siglufirði brann
1982-Hús Íslensku Óperunnar var vígt
1986-Tilkynnt að Hafliði Hallgrímsson hlyti tónskáldaverðlaun Norðurlandaráðs fyrir verkið Poemí. Ef einvher hefur heyrt þetta verk væri gaman að fá gagnrýni á það ;-)
1990-Miklar skemmdir urðu á Stokkseyri, á Eyrarbakka og í Grindarvík í stormflóði. Þúsundir fiska köstuðust á land í Vestmannaeyjum. Það hefur verið skemmtileg reynsla... opna gluggann og teygja pottinn út... komin með í soðið ;-)
1991-Hagvarnarráð hélt fund vegna Persaflóadeilunnar....
En... það á ákveðinn maður þrítugsafmæli í dag... það eiga allir þrítugsafmæli í ár... eða næsta ár... eða vonandi einhverntímann ;-)

Nú eru aðeins 4 dagar í að Gummi hætti að reykja... það verður GAMAN að sjá. Jeremy og Meridith sendu mér jólakort í gær, þau voru hér á landi fyrir um ári síðan... komu í ammælisveisluna mína og við sýndum þessum Könum hvernig Íslendingar skemmta sér;-) Þau hafa a.m.k. ALDREI skemmt sér svona vel og biðja geðvekt að heilsa öllum sem djömmuðu með þeim... Verð að deila með ykkur því sem þau sögðu (n.b. þau skrifa eitt bréf til allra um allt árið... langt bréf):
"We loved Reykjavík, especially the nightlife! Neither of us are late night partiers, but when it is dark at 3:00 in the afternoon and stays that way until 11:00 the next morning, there´s no sense of telling when the night should end!"
Þarna hafið þið það! Enn ein afsökun til að djamma!!! Annars er hún ólétt og þau alveg ótrúlega hamingjusöm. Gaman að því ;-)

Men play the game. Women keep the score.

Maður á að drekka bjór á hverju kvöldi þegar hætt er að reykja... segi ég og sit með sígarettu í hendi! Komst að því að það er ótrúleg fróun í þvi... að taka sér EKKI smók!!! Áskorun.. ekki sattt??? Jú... en það versta er að maður þolir ekki neitt áfengi! Ástandið er eins og þegar grænlenskir togarar leggja að bryggju í Hafnarfjarðarhöfn!!! Eftir einn kippir maður, eftir tvo er voða gaman og eftir þann 3ja er maður farin að flissa að einhverju sillý og kjánalegu. En í mínu tilfelli er ekkert um nauðganir eða neitt slíkt;-))) Verð að drekka mig til fyrir 25ta. Við vorum að koma frá ,,prufudrykkju" , þ.e. hvort á maður að kaupa kút af Karlsberg eða Grols? Þið vitið það að ef ég missi bílprófið sökum of-prufu-drykkju, barnið mitt er tekið af mér, húsið mitt brennur, Al Kaída nær heimsyfirráðum... öllu þessu er fórnað til að mar sé í sem bestu drykkjuformi og reyki ekki... verð að venja mig við ;-) Klukkan er að nálgast miðnætti og ég ekki enn farin að gera stafsetningarvillur... samt blindfull ;-( Hvursu fullur ætli maður verði að vera til að gera svoleiðis villur? Mér líður stundum eins og Mörður sé við hliðina á mér ;) Hey.. gerði þarna eina villu... júhú! Get núna farið að sofa...

Hrjót.. hrjót...

Það er sorglegt um að litast á Íslandi í kvöld, ef þið eruð ekki búin að taka eftir því. Íslenska landsliðið í handbolta fór alveg með það þegar þeir mættu Slóvenum... púhúhú... Þarna hefði maður getað eytt 1500 kalli í eitthvað skemmtilegra en þennan skrípaleik, t.d hefði verið hægt að kaupa eitt og hálft kíló af Chillipipar fyrir þennan pening og nuddað því svo í augun ;-) Við Alli sátum við hliðina á nokkrum 13 ára stelpum og álit þeirra á útliti Slóvenanna var einkar athyglisvert, þeir voru líka merkilegir með sig og flestir forkunnar ljótir... Satan sjálfur hefði líklega afneitað þeim öllum... nei, nei... nú er farið að örla á fordómum. Maður er bara svolítið sár, því þetta átti að vera svo gaman, síðasti leikurinn hjá strákunum áður en þeir fara á HM. Kosturinn við þetta er sá að nú hugsa allir :,,þeir geta ekkert.. algerir aular.." og hvað gerist þá? Upp úr öskunni rís íslenska landsliðið og kemst rosalega langt áfram... þangað til næsti slæmi kafli kemur... það er á meðan það er og það endar allt einhvernveginn ;-) Annars sá ég á leiknum stelpu sem var með mér í ME... hún var alveg fertug í akti... var með tyggjó og tuggði það eins og svona konur gera... æji, svona kellingalega. Hún var bara eitthvað svo konuleg... erum við stelpurnar svona líka, án þess að gera okkur grein fyrir því? Hugsa allir þegar maður er að djamma niðrí bæ... ,,hva, er Hrafnista hér rétt hjá?" Vonandi ekki.. annars ætla ég að borða tvö kíló af salti og deyja með reisn!

Ummm... notalega græn birtan hérna. Var annars að horfa á forvitnilegan þátt um geimgönguna/sviðsmyndagönguna, þetta hljómaði allt svona lala... athyglisverðir punktar sem komu fram.. en eins og alltaf þá fara þessar samsæriskenningar yfir strikið... Þá er bara spurning hvar við getum troðið framboði Ingibjargar Sólrúnar inn í þetta plott??? Stóð hún ekki bara á bak við þessa sviðsetningu? Veit um eina manneskju sem væri kannski til í að rökræða það af einhverri alvöru... Veit ekki með ykkur, en þegar manni er bent á hluti eins og:
,,af hverju blaktir fáninn á myndinni af tunglinu?"
,,af hverju voru svona djúp fótspor á tunglinu og þ.a.l. af hverju virtist vera raki í jarðveginum?"
,,af hverju voru þeir að taka upp á einvherja venjulega myndavél, sem þolir ekki þennan hita/kulda?"
,,af hverju var ekkert flass á neinum myndum og TVÆR sólir?"

Vissulega spurningar sem eiga rétt á sér og hafa kannski skynsamlega skýringu, eða fáránlga, eins og var haldið fram í þessum þætti... Það var rætt við nægilega háttsetta aðila sem renna fyllilega stoðum undir hluta þessara kenninga. Æji... Ég er viss um að ef það er kafað nægilega djúpt í hvað sem er þá mætti finna ýmislegt (sérstaklega ef þú hefur Bandaríkjamenn sem viðmælendur). Það mætti til dæmis og örugglega finna út að ungrú Levinsky var útsendari bandarísku riffilssamtakana og er í raun og veru kynskiptingur ;-) Hún/hann var fengin til að Clinton segði af sér svo kerlingin hans kæmist til valda... hououououaaahhhh En það var eingöngu gert svo Celsie (heitir hún það ekki?) gæti gifst Mr. Bargerant, en það vill svo skemmtilega til að faðir hans er í stjórn bandarísku riffilssamtakana! Hljómar kannski fáránlega núna... en mark mæ vörds ;-) Það væri gaman að fá að heyra fleiri svona skemmtilegar samsæriskenningar? Hvað með Ingibjörgu og Davíð.. .enda þau í hamingusömu hjónabandi? Heilsast þau með handabandi? Eða bindast ullarbandi? Endilega látið í ykkur heyra...

Af hryllingi no. 25 (janúar) er það að frétta að á morgun verður skoðaður salur og því var stungið upp á því við mig, nota bene, hugmyndin kom EKKI frá mér... en þú hugmynd kom frá samstarfsmanni mínum (hummm... af hverju ætli honum hafi dottið þetta í hug?) að ég setti nektarmynd af mér á boðskortin! Stórfenglegt!!!! Þetta er bara of freistandi... á morgun verður myndin skönnuð inn og boðskortin fara í hönnun... Helvítis Lúxus er þetta að vinna í svona bókaútgáfu, ekkert að gera hjá neinum núna... nema okkur stelpunum ;-/

Jæja, hóm svít hóm! Ekki hægt að segja annað en að hér er betra að vera.. eða það finnst mér a.m.k., það eru minni auglýsingar og... bara svona. Var búin að ráfa aðeins um xanga.com í leit að öðrum íslendingum, en fann fáa. Fann þó aðallega unga Bandaríkjamenn sem sögðust vera búsettir á Íslandi.. en maður sá í gegnum þá... vissfúl þínkíng hjá þeim ;-) Það voru aðallega myndirnar af þeim á einhverjum strandlengjum með pálmatré í baksýn sem kom upp um þá :-)
Var að koma úr afmælisveislu dauðans... já, frá honum yndislega syni mínum! Hún var haldin hjá Bjössa og ég segi ekki annað en aumingja Hafdís (konan hans sem er kasólétt af þeirra fyrsta barni saman)... hún hugsar sig væntanlega um tvisvar áður en hún ákveður að halda næsta afmæli... ætli barnið þeirra komi nokkurntíman til með að halda upp á afmælin sín? Jú, vonandi verður það bara stúlkubarn sem þau eignast;-) Það voru um 10 strákar og svo hún Hrafnhildur (tengdadóttirin tilvonandi) sem komu í afmælið... einn strákurinn sagði að mamma annars væri hóra, sá fór að skæla (skiljanlega), við Bjössi fórum að rökræða þetta við þá og fá ,,sorakjaftinn" til að biðjast afsökunnar og sjá að sér... jújú... en um leið og hann var kominn fram í stofu fór hann að söngla "..mamma þín er hóra..."... þessu var af sjálfsögðu kjaftað beint í mig, sem varð alveg spinnegal, sagði að ég vildi reka þennan krakka úr afmælisveislunni... og þá fór hann að skæla! Arkaði út á Skúlagötu og vildi ekki koma inn, ætlaði að bíða eftir mömmu sinni í sudda og roki. Hún átti ekkert að koma fyrr en eftir tvo tíma... en það skipti engu máli, hann ætlaði aldrei aftur að tala við Alla, mig og ALDREI að stíga fæti sínum inn fyrir dyr í okkar hýbílum! Almáttugur... ég hringdi í mömmuna og bað hana um að koma núna, strax. Hún kom og ræddi málin, en þá var strákurinn sem átti mömmuna sem átti að vera hóra (en er ekki, mjög viðkunarleg kona með góðan húmor og er í námi auk 100% vinnu, ekki hórvinnu) búinn að reyna að fá hinn inn... og blablablabla... djísess... annað eins.. svo er sagt að kvenfólkið sé slæmt! Þetta var eitt það mesta dramaspil sem ég hef á ævinni upplifað hjá svona ungum ormum... vissi ekki að þeir væru þeim hæfileikum búnir að geta spunnið svona ótrúlega atburðarás. EN... þetta endaði allt á hinn besta máta, allir urðu vinir aftur, mér var fyrirgefið (en skildi aldrei hvað ég gerði rangt) og við settum Jimmy Nitron-eitthvað í tækið.... þögn sló á mannskapinn og þá gat fullorðna fólkið fengið sér kaffi og spjallað. Guðdómleg stund... segi það enn og aftur.. sælens is gólden.
Svo er að myndast smá hnútur í maga vegna 25. þessa mánaðar... en guðdómleg systir mín hringdi í mig áðan og heimtaði að fá að taka að sér veislustjórn! Ekki oft sem maður upplifir þessháttar... en hún er bara æði. Vildi vita hver væri drauma afmælisgjöfin og ég veit ekki hvað og hvað... Eníveis... ég geri boðsbréfin á morgun, fæ Magga í vinnunni til að hjálpa mér með þau... svo þarf ég að redda vinningi út af þeim... taka salinn á leigu, redda bjór á heildsölu, plús sterka vínið í hlaupið og ávextina (Svandís er sjálfkjörinn kokkur í það)... hummmm, er ég að gleyma nokkru? Já, Ásta Kristín og Sif ætla að skreyta en mig vantar einhvern til að sjá um músíkina... enívonn??? Svo þarf ég líka hjálp daginn eftir við að þrífa... enívonn??? plííísss... Hvað um það.. .það eru nokkrir dagar í þetta enn... margt sem á eftir að fara úrskeiðis og breytast, en við því er ekkert að gera.. það er bara gaman ;-)

Geisp.... bara búin að hugsa um guðdómlegt nikótín í æðum mínum átta sinnum í allan dag.... búin að hringja eitt stuðningssímtal... vonandi er Ásta enn að standa sig... eða Árni (nei, þetta kom úr hörðustu átt ;-) ) Gummi ætlar að hætta þann 13... þá er það orðið opinbert og engan aumingjaskap!!! Við getum þetta... mændpáver óver nikótínsjáver... vottever...

Hey!!! Þetta er faið að virka!!! Júhú!!!!!