Upptekin ehf. 

Við mæðgur erum svo uppteknar af því að horfa á hvor aðra, huxa um brjóst og brjóstagjafir, bleyjur, hægðir og piss að við höfum ekkert mátt vera að því að blogga eða neitt... Daman orðin 3ja vikna í dag og í tilefni þess þá fórum við aftur í buxur. Það dugði að vísu ekki lengi því eftir að Gulla var búin að koma í heimsókn þá vorum við aftur komnar í náttarann og lögðum okkur bara núna í eftirmiðdaginn. Maður þarf alveg að minna sig á að taka lífinu með ró og huxa vel um líkama sinn, vera bara latur því rykið fer ekki neitt (því miður) og draslið í kringum mann gerir ónæmiskerfinu bara gott... þar til maður verður ónæmur fyrir því og samdauna.

Sæborg er farin að horfa á mann og brosa, ekki bara horfa á útlínur manns og fá kitl í mallakút en því miður hefur hún erft bakflæðisvandamálin úr föðurfjölskyldunni og ælir eins og hún sé með snemmbúna Anórexýu - ég er komin með tvö lyf og fullt af trixum til að stemma stigu við þessu en þetta leiðir ósjálfrátt af sér að ég mjólka allt of mikið - þar sem hún skilar heilu mjólkurskömmtunum frá sér aftur - og mjólka mun meira með öðru bjróstinu en hinu... svo það er komin veruleg slagsíða á mig :-/

Jæja, Damaskus vöknuð - gotta rönn :-)

Karítas mætt á svæðið :-) 

Fékk sms frá Ástu áðan, en hún hafði víst sent sms fyrr í dag sem skilaði sér ekki til mín. Karítas semsé mætti á svæðið kl. 08 í morgun, 14 merkur og 51 cm :-) Veit ekki annað en að öllum heilsist vel og að hún c dásamlega fögur... :-)

Til hamingju Kjartan og Ásta Kristín!

Hridarstraumar! 

Nu liggur asta kristin vinkona upp a spitala og hefur haft hridir i tapan solarhring. Sendi henni alla mind godu strauma, vonandi klemur
karitas i heiminn sem fyrst:)

Aðeins... 

... tveir dagar í að minn ástkæri og langþráði komi frá hinni stóru Amríku og vona ég að hann c ekki orðinn kvjér eftir að hafa dvalið í SanFrandiskó í nokkra daga :-) Alli fór til pabba síns áðan og erum við Sæborg því tvær einar í kotinu - að frátalinni Gullu hinni fjórfættu... svo það er mikið kvennaveldi í gangi núna. Ljósan kom í morgun og hefur Sæborg þyngst um 110 grömm síðan á þriðjudaginn og það þrátt fyrir að pissa vel á allt og alla áður en hún var vegin og metin - get mas farið með hana í stuttar ökuferðir/heimsóknir ef vill þar sem hún er orðin yfir 4 kg. Hún er meira að segja orðin svoo stór að hún fór í buxur í fyrsta sinn í dag... og af sjálfsögðu voru þær bleikar :-)


zzz... buxur eða ekki... maður þarf nú að lúlla sér í hausinn á sér :-)

Sætar æskvinkonur! 

Mikið var nú gott að hitta hana Rönku mína í kaffisopa ásamt gullmolanum Sif... Góð vinátta gleymist aldrei og er svo sannarlega gulls ígildi... Líður bara eins og milljón bökks eftir að hafa hitt þessar frábæru manneskjur... vítamínsprauta alger... :-)

Úfff... 

Ég sem ætlaði að ná til að gera svooo mikið á meðan Einsi er í útlöndum, eins og t.d. að selja eitt stk. bíl og þrífa hann að utan sem innan... en ég næ ekki einu sinni að þrífa sjálfa mig! Sæborg hangir á túttunum mínum allan daginn, milli þess sem ég skipti á henni og mér... ef ég loka augunum þá sé ég fyrir mér eintómar kúkableyjur og Pampers vörumerkið... :-/

Ojæja, þarna datt daman í draumalandið, ætla að nota tækifærið og bregða mér í sturtu en við ætlum svo að fara að hitta Röggu Har með Sifjulínunni minni... uppfæri svo myndaalbúmið í kvöld með ferskum myndum ;-)

Hóm alón :-( 

Heimilisfaðirinn þurfti að fara í vinnuferð alla leið til San Fransisko í gær og var ekki kominn á áfanagastað fyrr en hálfátta í morgun. Verður hann fjarverandi þar til á sunnudagsmorgun og er okkur Sæborgu strax farið að hlakka ógurlega til að hann komi heim, því hann hefur svo gott lag á að ná lofti úr litlum kroppi með allskonar mauki og þolinmæði. Einkadóttirin fann greinilega á sér að það var eitthvað öðruvísi í nótt en venjulega og tók upp á því að vaka frá 4-6 í morgun, móðurinni til mikilla vandræða og þreytu... en ljósan okkar segir að það sé það sem flest börn geri svona lítil, þ.e. að taka smá vökur á næturnar svo við höfum bara verið heppin hingað til, en Sæborg hefur venjulega vaknað í svona hálftíma - þrjúkoter - bara rétt til að drekka og láta skipta á sér.

Annars viktaði ljósan hana í dag og er hún orðin 4100 grömm - ennþá léttari en bróðir hennar var þegar hann fæddist, en mun þyngri en hún var þegar hún fæddist :-) Svo það er allt að gerast... vonandi líður tíminn bara hratt fram að sunnudegi :-)

Gestagangur 

Ásta Kristín og Kjartan kíktu á okkur í dag en nú ríður á að senda alla hríðarstrauma á Ástu sem er komin alveg tvo daga framyfir... hún heldur að það sé eitthvað í að Karítas komi í heimin og hlakkar okkur til að fara út að labba með þeim þegar það vorar...

Rúmlega vikugömul... há tæm flæs! 

Mér finnst eins og það hafi bara verið í fyrradag sem ég eignaðist þessa litlu dömu - en það eru víst komnir heilir 8 dagar síðan. Haldið var upp á vikuafmælið í gær með bakkelse og svo fór heimilisfaðirinn út og fjárfesti í flottum Prius handa okkur - spurning hvað hann ætlar að gera þegar daman verður 2ja vikna? Ég set einbýlishús eða sumarbústað á óskalistann... :-)

Annars gengur allt glimrandi vel - mjólkin flæðir og maður getur varla þverfótað fyrir barnadóti á heimilinu... maður verður lítið var við lífið fyrir utan þennan eggjaskurn sem maður lifir inn í - er eiginglega dauðfegin því að þetta rugl í borgarstjórnarmálunum sé eitthvað sem maður er lítið að æsa sig yfir þessa dagana ... veit samt að Villi er greinilega að stóla á Alsheimer Light okkar Reykvíkinga og vonar að allt sé grafið og gleymt þegar hann ákveður hvort hann verði kjurr eða loki hljóðlega á eftir sér á leiðinni út...

Betra er þá að horfa og dást að lítilli dömu með pínku pons táslur og enn smærri neglur... :-)



Svo er ég hér með frænda mínum - Gullu- og Gummasyni en hann er akkúrat 3 mánuðum eldri en ég... við verðum ekkert smá flott í framtíðinni þegar við erum byrjuð að labba.. og hlaupa ... og prakkarast um... Íha!

Það er fallegt útsýni frá sjöunda himni... :-) 

Í dag var stór dagur hjá Sæborgu okkar - hún útskrifaðist með fyrstu einkun úr 5.daga skoðuninni, farin að þyngjast og var svo róleg og þæg að læknirinn sem skoðaði hana datt engin önnur skýring í hug en að hún hefði skapið frá föðurfjölskyldunni :-) Annars er hver dagur bara yndislegur, hún sefur og er vær en lætur hressilega vita af sér á milli, sérstaklega þegar pabbsi er að hreinsa nabblastúfinn... en þá er ég bara að hreinsa lungun mín :-)

Á morgun fer hún í fyrsta baðið sitt og hlakkar gamla settinu mikið til að rifja upp hvernig á að baða svona lítinn kropp. Kannski splæsa þau svo bara í nýjan bíl - en það þýðir ekkert að vera á Yaris þegar fjölskyldan er orðin svona stór, er það? Einsi ætlar að skoða flottan Prius á morgun en málið er að hann er rauður - en ég er ekkert sérlega hrifin af svoleiðis bílum - finnst þeir vera eitthvað svo Liverpoollegir en það er ógó halló :-/

Læt fylgja með eina mynd af Sæborgu og Ömmu Nóu - ég er líka af og til að bæta við myndum í flotta albúmið :-)

Dásamleg dama bara! 

Daman okkar er þvílíka undra barnið að það hálfa væri hellingur - hún er svo vær og góð, grætur jú þegar það er verið að hreinsa nabblastúfinn og skipta um bleyju - en þess á milli brosir hún bara og er ógurlega góð. Ljósan okkar var að vísu að segja okkur að hún sé með pinku gulu sem er ekkert til að hafa áhyggjur af, því mjólkin er að koma í massavís hjá mömmu og það verður örugglega farið á morgun. Gulan veldur værð og leti en við komumst í gegnum það eins og okkur er einum lagið - á meðan þá er hjótt í kotinu - fyrir utan sælustunurnar í mömmsunni sem skilur ekki ennþá af hverju hún er ekki búinn að eignast 18 börn?



Einu vandræðin sem við höfum lent í er með hina prinsessuna á heimilinu og þá á ég við þá fjórfættu og loðnu. Hún hefur fengið takmarkaðan umgengnisrétt á okkur og undir miklu eftirliti því það má alls ekki gjósa upp nein afbrýðissemi... en litla loðna var bara á hurðinni okkar grenjandi, krórandi og mjálmandi fyrstu nóttina. Hún hafði náttúrulega verið eiginlega ein heima í sólarhring þegar við vorum í Hreiðrinu og því var ástsýkin í hámarki þegar við komum heim - en svo var hún eiginlega bara dissuð og hún ekki par sátt við það. En hún er öll að koma til núna, stekkur upp til Sæborgar og byrjar að mala strax og hnusar bara og sýnir ekkert nema ást til hennar. En hún er ennþá á reynslu í þessum bransa - hér er ein góð af henni og prinsessunni saman

Myndir komnar... 

Jæja, elskurnar - var að setja inn fullt af myndum að dömunni (sem btw. svaf frá 23-09:30).

Sæborg Ninja (vinnuheiti) Gjörið svo vel

Takk fyrir allar samgleðsnurnar í athugasemdrkerfinu :-)

Halló heimur - ég er fædd! 

Já, komið þið blessuð og sæl - ég er loksins mætt! Mamma missti vatnið eftir miðnætti aðfaranótt miðvikudagsins og fór hún með sjúkrabíl niður á fæðingardeild því ég var ekki búin að skorða mig í grindinni hennar. Og þar sem ég ætla greinilega að vera mikið hrekkjusvín þá ákvað ég að gera svo ekki neitt meira... tíminn leið og beið og engir verkir hjá mömmu minni, bara samdrættir og hélt hún að hún væri svona mikill töffari að hún fyndi bara enga verki. Ennþá var útvíkkun bara 2 svo hún Guðrún ljósmóðir setti upp stíl kl. 09 um morguninn til að koma ferlinu af stað. Þá sofnaði mamma mín bara og svaf til hádegis - enda hafði hún vakað alla nóttina með fiðrildi í mallanum af spenningi. Svo var ákveðið að gefa henni bara dripp til að koma öllu í gang og fékk hún fyrst bara eitthvað smá til að athuga hvort eitthvað færi ekki að gerast. Guðrún Eggerts sem er yfirljósmóðir á Landsanum var hjá okkur þá vaktina og sat með mömmu og pabba og passaði vel upp á okkur mæðgur, alveg fræbært að hafa eina svona sem þekkir okkur og hefur fylgst svolítið með bumbunni okkar. Guðrún ákvað að auka drippið um klukkan þrjú, en hún hætti að vinna kl. fjögur - en þegar hún fór var mömmu l o k s i n s farið að verkja en útvíkkunin var orðin 5 kl. 16:15 og mamma bara að bilast úr sársauka. Þá var ákveðið að þetta væri kannski svolítið mikið af drippi fyrst mamma var ,,hrokkin í gang" eins og ljósurnar kölluðu það... mamma sem var eitthvað að monta sig af töffaraskap og háum sársaukaþröskuldi - bara lá og emjaði og var næstum farin að grenja... en hún vissi að fyrst allt var farið af stað þá væri hver hríð eins og lítið skref í áttina til mín. Hún var búin að ákveða að fara í pottinn og prufa nálarstungur, glaðloftið var ekki að virka hjá henni því henni fannst hún bara vera grænlenskur togarasjómaður á búllu í Húll... ruglaði bara og varð full og það er ekki þannig sem maður vill taka á móti barninu sínu, ónei... þannig að mamma bara ætlaði að prufa pottinn og nálarstungur og eitthvað svona ,,vinstri grænt" eins og mamma kallar það. En heyriði... ég bara var ekkert að nenna að láta hana gera eitthvað svoleiðis, takk fyrir takk. Fyrst ég var lögð af stað þá stoppaði mig ekkert! Og það á þessum hraða! Mamma fékk rembingstilfinningu hálftíma seinna, eða korter í fimm og átta mínútum og fjórum rembingum síðar skaust ég út - og pabbi náði að taka á móti mér! Þetta var alveg með þvílíkum ólíkindum og ég verð nú bara að segja eins og er... mér finnst mamma mín mun sætari að utan en innan!

Hér er svo ein af mér og foreldrum mínum rétt eftir að ég kom úr ofninum - mamma segir að það sé rauðleitur blær á hárinu á mér en pabbi bara hlær að því að segir að það sé bara ljósbrúnt...



Og hér er ég hætt að gráta í fyrsta sinn - verið að fara að vikta mig og mæla á allan hátt... ég reyndist vera 3,875 grömm eða rúmar 15 og hálf mörk og 52 cm... ekkert lítið flott!

Júhú - komnir 2,5 í útvíkkun! 

Ójá, það er bara allt að gerast... ekki slæmt þegar það tekur ekki nema 6 daga að fara frá einum og upp í heila tvo og hálfan... með þessu framhaldi kemur barnið... ja... í næsta mánuði? Eða þarnæsta? En þar sem þolinmæði er ekki alveg það sem við nennum að sýna núna er búið að ákveða að ef ekkert er byrjað að gerast annaðkvöld þá verður ýtt á gangsetningartakkann. Barnið er ekki búið að skorða sig og hreyft var Harkalega við belgnum í dag... ég er eiginlega ennþá að jafna mig eftir það og er eiginlega líka alveg hundfúl yfir því að vera að jafna mig á því yfirhöfuð.

En hér eftir gerist annað af tvennu og eru báðir möguleikarnir góðir:

a) Ég fer í gang sjálf fyrir kl. 20 annaðkvöld og get átt þetta blessaða barn í Hreiðrinu og allt gengur vel. Það er brill.

b) Ég verð sett af stað á morgun en þá er gamlárs hjá Kínverjum og þá á ég bæði börnin mín á gamlárs. Og það er líka svolítið brill... maður verður amk að horfa á björtu hliðarnar á málunum.

Stjörnuspáin hjá mér og barninu mínu í dag: 

Vatnsberi: Margt stórmenni hins ritaða orðs hefur viðurkennt að það þarf að láta orðin tala. Hættu nú að dreyma, tala og skrifa - gerðu!

Ok - ekkert mál!

djæks... 

Hvert fór þetta blessaða barn í teljaranum mínum? Teljarinn telur og telur en það er horfið þetta barn... ég er kannski búin að eiga og fann ekkert fyrir því og einhversstaðar liggur nakið, lítið barn á götum Reykjavíkur, eða uppi í Hallgrímskirkjuturni... finnandi vinsamlegast komið því til mömmsu sinnar - sem bíður með tilbúna vöggu, rúm, bílstól, heimferðarföt, náttföt, samfellur og síðast en ekki síst... hjartað fullt af ást og tilhlökkun...

Djíses.. skapsveiflurnar í manni á einu kvöldi...

Gerðu eins og ég segi krakki, ekki eins og ÉG geri...! 

Alveg er ég búin að fá mig fullsadda á þessu djöfuls fasistaríki sem þetta land er að þróast í... Var að horfa á Ástu Möller og Jón Magnússon rökræða reykingabannið í Kastljósinu og þrátt fyrir að ég c reyklaus og styðji val fólks til reyklauss umhverfis þá gengur þetta gjörsamlega fram af mér. Ásta hélt því fram að það væri næsta skref að semsé banna óbeinar reykingar fólks á milli íbúða! Meina... er ekki alveg allt i lagi í hausnum á þér, kerla? Halló! Bánk, bánk... er einhver heima eða er bara málið að vera vafinn inn í heilsubómul, borða 2,3 þriggjakornabrauðsneiðar á dag, kjötbollur á miðvikudögum og skola þrisvar eftir að tannburstað er...? Ásta semsé er að segja að það sé alveg til lausn á þessu reykingabanni og að við eigum að fara þessa norsku leið... fólk á bara að fara út til að reykja - svo einfallt er það... en er 20 stiga gaddur og engin aðstaða til reykinga í Noregi? Held ekki...

Og Ásta... Er ekki leyfilegt að reykja á þínum vinnustað...? Hinu háa Alþingi?
Ítreka þá hugmynd einhvers að drepa í fyrir framan alþingi þangað til þessir blessuðu þingmenn ,,okkar" átta sig á því að það er ekki hægt að steypa öllum í sama farið með boðum og bönnum -

Gleymum ekki að ríkið fær gríðarlegar tekjur frá reykingamönnum, þ.e.a.s. þeir borga m.a. launin hjá þessum þingmönnum... og þal þeirra reykingaaðstöðu...

á næst að banna kokteilsósu? Kókdrykkju...? ...það var verið að sýna fram á að kaffidrykkja sé óholl fyrir móðir og barn - á ekki að banna það líka næst... ?

Ef ég væri ekki svona gríðarlega ófrísk, feit og brjáluð í skapinu þá myndi ég fara núna og losa úr öskubakkanum mínum á tröppum Alþingis...

Grrrrr....

Huxýhux... 

Jæja, þá eigum við að fara í eftirlit á morgun kl.13:15 og hugsanlega í gangsetningu í framhaldi af því. Sjálf er ég orðin frekar pirr og leið á þessu djöfuls hangsi og einhvernveginn ekkert að gerast - er orðin hrædd um að fylgjan c að kalka því ég finn fyrir minnkandi hreyfingum og þessi bumba er bara að minnka...

Vonandi kemur þetta á morgun og vonandi er þetta í síðasta sinn sem ég segi það :-)

Og engar fréttir eru ennþá... 

... engar fréttir... Fórum að ráðleggingum Fríðu syss og fórum upp í Hallgrímskirkjuturn. Einsi vildi endilega labba (eða að ég labbaði amk) en kirkjuvörðurinn leit á hann hneyksluð og sagði að það gengi bara lyfta og að stiginn væri bara fyrir neyðartilfelli. Einsi leit á bumbuna mína og ég sá að hann huxaði ,,...en þetta er neyðartilfelli...!" Upp í turni var gaman og flott útsýni... svo varð klukkan korter í tvö - þá byrjaði hamagangurinn og einhverjar klukkur létu á sér kræla! Einsa brá svo mikið að Alex Skúli næstum hló úr sér öðru lunganu og þá var ákveðið að okkur væri ekki lengur til setunnar boðið - fyrst barnið kæmi ekki við þessi ósköp þá kæmi það ekki neitt og var haldið niður á við í lyftunni. Við röltum frekar að Svarta kaffinu og fengum okkur súpu í brauði. Svo var haldið heim og ég tók til við að ... jú, þú gast rétt upp á ... baka. Bakaði fullt af bollum og henti svo í saltkjötogbaunirtúkall-súpu. Heiða okkar kom í dinner og er þetta eiginlega svona opertation ,,fyrstbarniðvillekkikomaætlaégaðprumpaþvíút"-mission en þegar þetta er skrifað er hreinlega ekkert að gerast. Svo það lítur út fyrir að Einsi fari í vinnuna í fyrramálið, aðeins eins barna faðir og ég sem skipaði honum að vera heima s.l. föstudag því þá var eitthvað að gerast.

Stundum sökkar að vera feitur, fúll og frekar fröstreðaður á þessu... :(

P.s. er búin að vera dugleg við að setja inn myndir á Vetur 2008 slóðina hér til hliðar :-)

Til hamingju Sigga og Árni! 

Við vöknuðum í morgun við sms frá einhverju númeri sem ég kannaðist ekki við... Drengur Árnason fæddur, tæpar 13 merkur og 48 cm - öllum heilsast vel. Humm.. var Árni Cyber að eignast barn án þess að við vissum það? Nei, hvaða Árni er þetta...? Ekki.... nei... ég trúi því ekki... Ekki Árni og Siggalára? En... En... við áttum að vera á undan... :-/ Öfundun hvarf fljótlega fyrir samgleðjun og móðirin greinilega að leggja það í vana sinn að eignast barn þegar það eru þorrablót... hehe... Við hér í Tunglsýkinni óskum þeim amk innilega til hamingju og hlökkum til að sjá myndir.

Í dag ætlar Einsi að kalla mig Bree.

Engar fréttir eru... 

... engar fréttir. Horfði mas á Spaugstofuna áðan til að reyna að koma mér af stað - ekkert gekk - hló ekki einu sinni að þættinum sjálfum. Mér hefur reyndar yfirleitt tekist að reka upp bros þegar klúðursatriðin koma í lokinn - það finnst mér yfirleitt fyndið - en ekki fyrr :-/

Einverjir samdrættir... 

... hafa gert var við sig í morgun og hélt ég að þetta væri að byrja, bannaði Einsa að fara í vinnuna - bjuggum vel um okkur upp í rúmi... og ég steinsofnaði! Vaknaði 3 tímum seinna við þann draum að barnið var einn og hálfur meter þegar það loks kom út, svo lengi hafði bökunartíminn verið á því...

Veit svei mér þá ekki hvað ég á að gera, það eru engir verkir með þessum samdráttum svo ég er bara hress og kát, útsofin og langar bara til að kíkja í Kringluna á smá útsölulabb...!

Agalega verður maður samt glaður þegar líf manns hættir að snúast um einhverja útvíkkun, hagsæld og legvatn - þegar barnið verður komið og maður hættir að blogga um klofið á sér hérna inni og fer að hafa skoðun á hinum ýmsustu hlutum aftur :-)

Þessi Kompásþáttur á þriðjudaginn s.l. var t.d. sláandi... undarlegt hvað ríkið lærir aldrei af reynslunni og virðist vera misþroska eitthvað... eins er Guðmundur í Byrginu svo óforskammaður að það hálfa væri nóg. Minnir mig á það... einu sinni vorum við á árshátíð JB (þar sem ég er að vinna) og sátum við með forstjóranum, framkvæmdastóranum og fleira skemmtilegu fólki til borðs. Bæjarstjórinn í Kópavogi, Guðmudur Birgisson sat með sinni konu einnig við borðið og voru þau hin almennilegustu, engir stjörnustælar og voru bara næs. Nema hvað... Drottningin eins og hún er þegar hún er komin í glas, fær Alshæmer olræt og kallar kallinn alltaf Guðmund í Byrginu... haha.. held samt (vona) að hann hafi ekki heyrt til mín... :-)