Allt að gerast hjá Nóunni okkar! 

Jahérna, ég nenni ekki að blogga í nokkra daga og þá er allt í einu sinni fullt fullt búið að gerast - svo mikið að ég ætla að láta myndirnar tala frekar okkar máli og læt smá skýringar fylgja með...

Styð hundraðprósent... 

... aðgerðir atvinnubílstjóra - það er hreint og beint fáránlegt að láta taka sig svona í rassgatið án þess að kvarta og æpa örlítið og það hafa þeir svo sannarlega gert með þessum aðgerðum sínum. En mér er bara spurn, fyrst þessum aðgerðum er beint gegn ráðamönnum þessa lands, af hverju er það þá látið bitna á alþýðunni sem er að líða nákvæmlega það sama og þeir með háu bensínverði? Þeir eru að vísu einnig að mótmæla fáránlegri tvísköttun á sig og veit ég að það eru flestir sammála að það sé bara absúrt hvernig þessum málum er háttað. Stundum fæ ég á tilfinninguna að málin séu ekkert huxuð til enda þegar það er verið að setja ný lög og reglugerðir. Ég heyrði á einni fréttarásinni að það var ein móðir föst í ösinni í einhvern tíma með handleggsbrotið barn sitt í aftursætinu þegar þeir mótmæltu fyrst... það er áræðanlega það versta sem hvert foreldri lendir í að geta ekkert gert og vera bara fastur í einhverju fari með barnið sitt sárkvalið... persónulega finnst mér að þeir eigi að stoppa þá ráðamenn þjóðarinnar í umferðinni - láta okkur vera sem erum með þeim í liði. Þeir geta vel setið um stjórnarráðið þegar þessir háu og uppteknu menn eru að funda þar... lagt sínum bílum þar fyrir utan og flautað hátt og snjallt... leeeengi. Ég væri alveg til í að mæta á mínum bíl þangað og flauta líka... jafnvel gangandi með barnavagninn og flautað bara með vörunum... ekkert mál. Með því myndu ráðamenn þjóðarinnar ekki komast lönd né strönd og þyrftu bara að halda áfram að funda og funda... með því myndi kannski leysast eitthvað af vandamálunum sem þeir standa frammi fyrir... kannski myndu þeir ákveða að afnema bifreiðagjöldin sem áttu bara að vera svooo tímabundin skattlagning, bara til að fjármagna hringveginn... Kannski myndu þeir tala um þetta blessaða eftirlaunafrumvarp? Kannski myndu þeir ákveða að gera eitthvað raunhæft í sambandi við þetta krónuvesen - kannski gera eitthvað í alvörunni til að rétta hana við, ekki bara þegja í hljóði á meðan sjávarútvegurinn makar krókinn og vona að kvótakallarnir verði glaðir með þetta og þá hætti þeir amk að tuða í þeim... kannski bara ræða þeir um hið ömurlega launamisrétti milli karla og kvenna hér á landi... kannski ræða þeir bara um vorið - hvort það c ekkert á leiðinni..

Við erum jú öll búin að fá ógeð upp í háls af þessum blessaða f... vetri...

Af sjálfsögðu... 

...var ekkert að dömunni í mjöðmunum - enda finnst mér hún vera bara fullkomin!

Gestkvæmt! 

Við skelltum okkur í skoðun með Nóakroppinn í fyrradag en það var sexviknaskoðunin. Reyndar var daman að verða sjö vikna þegar sú skoðun var framkvæmd, en páskarnir voru þess valdandi að hún fór svo seint. Hvað um það - hún kom náttlega vel út úr þessu - orðin ein 4.980 grömm og heilir 58 cm. Ekki nema von að allar samfellur séu farnar að teygjast grunsamlega niður hálsmálið :-) Hún er að vísu með einhverjar dularfulla smelli í mjöðminni sem á að skoða í ómskoðun í dag, en ég er þess fullviss að þetta sé eitthvað bara sem vex af henni og c ekkert ves... ætla amk ekki að mála skrattann á vegginn fyrr en ég hitti hann :)

Við fengum skemmtilega heimsókn í gær, en þá kom Ásta Kristín með Karítas og omg hvað þetta er kyssuleg stelpa... mann langar bara til að stela henni og knúsa forever end evber! Hér erum við - en við skiptumst aðeins á börnum - bara svona til að máta smá... :-)



Svo kom Einar Rafn afi í heimsókn í vikunni líka - hann fer Nóunni líka óskaplega vel :-)



Amma Nóa er svo að koma á morgun og verður hjá okkur um helgina, við erum einnig að fara í fermingarveislu og ég veit ekki hvað og hvað... bara nóg að gera, júhú!

Páskastelpa! 

Við fórum í fyrsta matarboðið hennar GulluNóu áðan til Ottu skvís. Af sjálfsögðu var maður í viðeigandi gulum páskafötum í tilefni hátíðarinnar, mar er náttlega svo töff og reffileg, en þetta eru föt sem Sif vinkona átti þegar hún var lítil... það eru (ör-)fá ár síðan, eða svo...

Hér er skutlan svo með Ottu sinni



Brosandi út í annað

Páskakvekende! 

Komnir páskar, hálfnaðir og alles. Við erum búin að liggja í þvílíku letenne og hafa það dásamlegt hér í Álakvíslinni. Elduðum læri um daginn og fengum Alex Skúla í dinner, Gumminn minn er að deila með okkur helginni svo við fáum reglulega Mosa í heimsókn (sonur hans er með þetta vinnuheiti þangað til hann verður skírður, sko) og heŕ er reglan að sofa vel út alla daga og fara ekki í föt fyrr en mar nennir. Við Alli fórum í laaaangan göngutúr í gær,lögðum bílnum hjá Hlemmi og löbbuðum niður Laugaveginn með systur hans í vagninum. Destineisjónið var Kolaportið en Alla langaði svo í páskaegg frá Kólus... þegar þangað var komið voru þau uppseld :-( Því þrömmuðum við upp Laugaveginn aftur, páskaeggjalaus og vildi ég bjóða honum í hressingu á kaffihúsi í smá sárabætur. Jújú, hann var alveg til í það... þangað til hann uppgötvaði þann sið Íslendinga að skilja vagnana eftir fyrir utan og fylgjast með börnum sínum úr fjarlægð. Þá snarhætti hann við því hann var alveg fullviss að einhver myndi taka barnið og krefjast lausnargjalds eða selja í þrældóm :-) ...Svo við fórum bara til JóaFel og fengum okkur gúmmelaði heima. Við Einsi keyptum svo stórt egg handa honum í gær og vildi hann geyma það yfir nóttina í ísskáp, svo það væri kalt og ferskt í morgunmatinn - við vorum ásátt um að hann væri orðinn of gamall til að láta fela fyrir sér eggið. Af sjálfsögðu varð ég að brjóta þá reglu í morgun... tók eggið hans úr ísskápnum og setti þar sem eggið okkar Einsa er (á skenknum inn í stofu, blasir vel við) og faldi okkar egg... svo hann á eftir að a)tjúllast úr í mömmu sína á eftir b)hlæja bara að þessu ... vona ég að hann verði b-týpa í dag :-) Alltaf gaman að rækta sinn innri páskaunga... kvekendeð ég :-)

Við fengum skemmtilega heimsókn í gærkvöldi en Bjarni og Elva voru að ferma Ingu Lind á 700 Egs. og kíktu þau við hjá okkur í kaffo'meþþí en þau voru að fara til Danmerkur eldsnemma í morgun. Þau eru svo mikið yndi og alltaf gaman að sjá svona gamla og gróna vini (þau líta samt sko ekkert út fyrir að vera gömul... bara svona 25 or só!) en þau komu með Ívar og Hildi Vöku með sér. Hildur passaði GulluNóu ekkert smá vel eins og má sjá :-)



Jæja, drengurinn kominn niður og gerir sig líklegann til að opna ísskápinn - bezt að skríða í felur :-)

Gleðilega páska!

Fimm ár - til hamingju við! 

Já, eru ekki bara um fimm ár í dag síðan við ákváðum að rugla saman reitum, ástmaður minn heittelskaður og ég. Ef hann hefði ekki ákveðið að gera upp baðherbergið sitt á Laugaveginum og þurft þ.a.l. að fara í bað hjá mér í Mávahlíðinni þá væri kannski engin GullaNóa til... ekki hefði ég viljað missa af þeim gullmola... né þessum ótrúlega góðum fimm árum sem við höfum átt saman. Tel mig vera heppnustu konu í heimi að vera svona vel ,,gift", eiga svona falleg og góð börn, eiga traust þak yfir höfuð mitt og síðast en ekki síst, búa á Íslandi; þar sem eru engin stríð, náttúruhömungar, né aðrar hörmungar. Þrátt fyrir allt krepputal og tuð um stjórnmálamenn og frá stjórnmálamönnum þá er alveg ágætt að búa hér á þessum friðartímum.



Hvar skyldum við verða eftir 5 ár til viðbótar?

Bjartir dagar... 

Nú er að birta og birta eins og vindurinn og mikið er það ógurlega ljúft. Snjórinn er ágætur þannig séð og hvítur og hreinn í svona tíu mínútur hér í Reykjavíkinni, en þetta er alveg orðið fínt bara. Nú klæjar mig í lófanna og langar til að fara að hreyfa mig duglega og hrista af mér þessi síðustu barnsburðarkíló sem lafa ennþá á mér. Við fórum og leigðum vagn um helgina til tveggja mánaða og tókum duglegan göngutúr um miðbæ Reykjavíkur og enduðum á Jómfrúnni í góðgæti og öðru meðlæti. Góða veðrið gefur góð fyrirheit um fínt vor - en ég ætla að varast það að hrópa húrra strax... því það eru jú að koma páskar með sitt árlega hret :-/

Við Alli og Gullanóa fórum í heimsókn til Kiddýar í dag og voru amma Guðný og afi Jói stödd þar - það er alger næring fyrir sálina að hitta þau :-)



Fleiri myndir í myndaalbúminu okkar- þar á meðal þessi af prinsessunni en svona liti hún út ef hún hefði fengið eyrun mín!


Álfur!

Manneskja vs. Kerfið 

Þegar við Einsi fórum upp á spítala til að eiga GulluNóu þá lagði Einsi óvart í stæði sem var með gjaldskyldu, enda var hann að flýta sér á eftir sjúkrabílnum, mið nótt og niðdimmt úti auk þess sem það var snjór yfir öllu bílastæðinu. Hann tók náttlega ekkert eftir því, enda var hann með hugann við dömuna sem var að boða komu sína. Þegar hann kom út daginn eftir var af sjálfsögðu búið að sekta hann fyrir að leggja þarna. Kaldar velkominíheiminn kveðjur frá Reykjavíkurborg huxaði ég, en hafði af sjálfsögðu skilning á því að bílastæðisvörðurinn var einungis að vinna vinnuna sína. Þar sem ég hef gaman af því að bjóða birginn (ekki Birgið, sko) þá ákvað ég að mótmæla og ritaði manni einum hjá Reykjavíkurborg (sem sér um svona kvartanir) tölvubréf og útskýrði ástæður þess að við hefðum gerst lögbrjótar einn dag. Fékk svar til baka þar sem mér var tjáð að svona mál færu í ákveðinn farveg og yrði úrskurðað í þessu máli fljótlega... svolítið stofnanalegt og eitthvað... ég huxaði: ,,owell,lét þó einn starfsmann sinna einum borgara"

Fengum svo bréf frá Reykjavíkurborg í dag sem í stóð m.a.:

,,Með tilliti til sérstakra aðstæðna verður hið álagða gjald fellt niður. Til hamingju með dótturina."

Þarna var semsé ein manneskja að sinna annari manneskju... :-)

Helgin alveg að koma... 

Þótt allir dagar séu laugardagar hjá manni þá verðum við mæðgurnar agalega glaðar þegar heimilisfaðirinn fær frí í tvo daga - helgarnar eru bestar því þá erum við svo fjölmenn á heimilinu og gleðin við völd.

Svo er vorið að banka upp á... frábært, ekki satt?

Fleiri myndir og miðlar 

Úfff... það eru svo margar myndir teknar á heimilinu að ég er búin að búa til nýja möppu sem heitir bara mars ... svo er GullaNóa komin með heimasíðu:

http://www.barnanet.is/saeborgninja

Þeir sem vilja fá aðgang er bent á að senda mér póst :-)

Sjáum til hvað ég nenni að halda úti tveim síðum...

Ekkert smá næs... :-) 

Skrapp út í sjoppu áðan og á meðan var Alli að líta eftir systur sinni... hún varð eitthvað óróleg og brá hann þá á það ráð að spila fyrir hana falleg lög á gítarinn... ekkert smá heppin daman að eiga tvo eldri bræður sem geta róað hana niður með gítarspili ... já, og pabbsinn líka... :-)

Fimm vikur komnar og farnar... 

Gullanóa átti fimm vikna afmæli í gær og var það mikill gleðidagur hjá okkur, eins og reyndar allir dagar eru þessa vikurnar :-) Daman er farin að brúka tunguna í gríð og erg, er að ulla og gera allskonar hundakúnstir með henni - auk þess er hún að brosa meira og meira sem og hjala. Gulla hin fjórfætta (sem við erum reyndar að spá í að endurskíra sem Sæborg Ninja) er svo áhugasöm um nöfnu sína, oft þegar Gulla tvífætta er að grenja og heimtar sinn mat eða að það c skipt á henni NÚNA þá kemur hin og vill fá að hugga, mjálmar hjá henni en gengur aldrei svo langt að snerta hana, sýnir meira svona móralskan stuðning...

Hér erum við vinkonurnar á góðri stund í tjillinu heima í stofu

Geisp... 

Annar í nafni í dag og maður er bara eftir sig... þegar maður þarf ekki lengur að laumast með nafnið á þessari dásamlegu dömu þá er eins og allur vindur sé úr manni... það er ekki fyrr en allt liggur ljóst fyrir að maður finnur hvað svona leynimakk tekur mikið á mann... aumingjans stjórnmálamennirnir ...

Annars eru komnar myndir hér :-)

Ég heiti Guðlaug Nóa :-) 

Mamma og pabbi gáfu mér það fallega nafn Guðlaug Nóa í dag, en það er í höfuðið á ömmu Gullu (Guðlaug) og ömmu Nóu...



Hér eru þær einmitt með mig ...

Síðasta færslan sem Sæborg Ninja 

Jæja, í dag er stóri dagurinn... barnið skal fá nafn. Það er nú ekkert stress á liðinu - við vöknuðum ekkert fyrr en ellefu í morgun og erum bara í tjillinu - ekkert smá næs að láta aðra baka og sjá um stessið :-)

Blogga svo seinna í dag til að láta vita nafnið hennar hennar...

Híhíhíhí... 

Mánaðar plús 

Búin að verða 4ra vikna, mánaðargömul og einum degi betur :-) Til að halda upp á 4 vikurnar fór Damaskus í fyrsta sinn út í vagn en eftir hálftíma lúr úti í labbitúr með mömmu og Gullu fór mín að ókyrrast. Þóttist ég sjá einkennin af brjóstsviða hjá dömunni svo ég dreif mig með hana heim - þarf að finna út hvernig er best að hafa vagnbotninn stilltan svo daman geti sofið án þess að allt renni upp í kok á henni. Í gær átti daman svo að stíga ákveðið þroskaskref en í tilefni mánaðarafmælisins átti hún að fá að sofa í sínu eigin rúmi (sem er þó í seilingarfjarlægð frá þeirri gömlu) en það var hætt við það - þar sem það það þótti of mikið vesen á erfiðum tímum. Síðastliðnir dagar hafa nefnilega verið Damaskus erfiðir og hefur hún verið mjög óvær og sofið í litlum dúrum. Ég upplifði svakalegan vanmátt þegar hún grét svooo sárt og fann svo til í maganum og það var ekkert sem ég gat gert til að lina sársaukann... nema bjóða brjóstið - sem sefar sem betur fer. Var nefnilega að reka mig á það að það sem ég borða - borðar hún á ákveðinn hátt og appelsínusafi er víst big nónó. Hef yfirleitt fengið mér vatn með lýsinu og vítamínunum eða tesopa - en ákvað í fyrradag að skella í mig safa (fá smá c-vítamín í leiðinni sko...) með svona líka hryllilegum afleiðingum. Ætla sko Aldrei Aldei að fá mér appelsínusafa á meðan ég er með dömuna á brjósti - þessi grátur og vanlíðan var sko ekkert grín og þegar maður er svona stútfullur af hormónum og ást þá þarf lítið til að maður sjálfur fari að grenja sökum eigin vanmáttugar og huxanaleysis... Fékk mér eplasafa í morgun og hefur daman verið tiltölulega lík því barni sem ég á að venjast, þ.e. brosandi og vær. Hún er samt sem áður farin að láta mann vita að hún vill láta bera sig um allt - fattar strax ef ég læt hana frá mér til að gegna einhverjum heimilisstörfum og lætur mig vita að henni mislíkar það mjög. Svo heimilisstörfin bíða... og bíða... og fara ekki neitt... og húsið að fyllast af fjölskyldumeðlinum í kvöld... grrr...

Er að láta sauma á mig svona sling til að ég geti haft hana í poka framan á mér og gefið þessvegna brjóst án þess að túttan sjáist því við erum víst að fara í ferðalag eftir nokkrar vikur... til Afríku! Jújú!!!

Næstum mánaðargömul... 

Úfff... ljósan kom í dag og úrskurðaði dömuna (sem ég kalla stundum Damaskus því að ég held að börn eigi að eiga fullt fullt af gælunöfnum) 4420 grömm og fullkomna að öllu leyti. Sæborg var svo sneddý að sýna ljósunni að hún er farin að brosa og hjala og gera allsskonar trix, en hún er mikill sérfræðingur á að drulla á allt og alla þegar bleyjan (já, ég er í bleyjuuppreisnarklíkunni!) er tekin frá og loftið fær að leika um bossann. Hún er bara svo sæt og verður alltaf svo glöð þegar hún er búin að losa sig við þetta að henni er algerlega fyrirgefið. Haldið er áfram að finna hinn gullna meðalveg í vélindabaklæðisvandamálum - sem verða vonandi ekki lengi vandamál :-)

Annars fórum við að skoða salinn í dag og leizt okkur ljómandi á - undirbúningur á fullu... ég skrapp líka upp í vinnu í dag að sýna Sæborgu og leyfa liðinu að máta og hér eru myndir af Öldu og Sigrúnu með skvízuna :-)


Alda fer mér vel :-)


Sömuleiðis Sigrún :-)

og meira... 

You Were a Praying Mantis

You have the still power of a legendary warrior. You are able to manipulate time - or at least, the perception of it.

manipulate time? Helljehh....

Damaskus sefur í augnablikinu svo... 

auðvitað nenni ég ekki að þrífa eða gera neitt af viti heldur tók smá próf...:

Your Aura is Yellow

You're a deeply happy and content person, and you enjoy sharing your cheer with others. While you may seem like a simple optimist, there is a lot of thinking going on inside you. The purpose of your life: bringing joy and a better life to others Famous yellows include: Conan O'Brien, Jenny Mccarthy, Jim Carrey Careers for you to try: Athlete, Actor, Yoga Instructor

Jógakennari? Hahahaha... finnst það frekar fyndið - þar sem ég myndi steinhlæja allan tímann því ég hef e n g a þolinmæði í svoleiðis djók... Íþróttakona...? Er ekki heldur seint að skella því framan í mann komin hátt á fertugsalurinn...? Leikari...? Ja... er maður ekki alltaf að leika eitthvað...? Stærsta leikritið í heimi...? Lífið sjálft... úfff... dííííp man...

Undirbúningur á fullu - ekki ryksugan því miður... :-( 

Já, það er það slæma við þessa sól, þótt dásamlega c... það sést svo gasalega vel allt rykið sem læðir sér allstaða niður á milli alls og alls... því hef ég gert sammning við Hreyndýrið eina sanna sem er ekkert svo dýr:-) Annars er ég á fullu að undirbúa nefninguna hjá Sæborgu því nú skal taka upp annað og betra nafn. Við ætlum að halda smá athöfn á sunnudaginn næsta og sjáum sjálf um að nefna dömuna - þar sem enginn prestur og helgihald koma nálægt athöfninni erum við alveg með frjálsar hendur og verður gaman að skipuleggja eitthvað svona skemmtilegt og gera bara það sem okkur langar... með þeim sem okkur þykir vænt um :-)

Ætluðum að fara út með Sæborgu í vagn um helgina, en þar sem það er ógurleg ófærð ennþá þá var ákveðið að viðra bara barnið til Slaugu og Helga en tvillarnir þeirra urðu ársgamlir fyrir helgi... ótrúlegt. Þau voru hin hressustu - og alltaf jafn óendanlega mikil krútt. Gaman að sjá hvað þau eru ótrúlega ólík og eru strax komin með mikin persónuleika og allskonar áhuga á ólíkum hlutum og svolleis. Veit að fyrr en varir verð ég sjálf farin að blogga um ársafmæli Sæborgar - eins gott að njóta tímans þangað til - því þá ætla ég að vera farin aftur að vinna - ef maður er ekki búinn að leggja í aðra köku bara? humm...