Var mikið upp á spítala í dag, mamma er að koma til... lungun að jafna sig en ég er orðin leið á þessu ástandi... leið á að blogga um þetta, leið á að hanga í einhverju svona ástandi. Vona bara að hún fari að hressast meira svo hún geti farið að fá leið á þessum blessaða spítala. Samt er starfsfólkið þarna uppfrá eitthvað það yndislegasta sem ég hef hitt og er jafn indælt og umhyggjusamt og það fær lág laun... því miður. Maggi bró er að leggja af stað í leiðangur á Klakann á morgun og er áætlað að hann lendi hér á laugard.morgun... ég vona bara að Eiríka verði komin með barnið þegar hann lendir... svolítið asnó að ælta að koma til landsins til að skoða nýjasta barnabarnið sitt og það er ekki fætt ennþá... :s Næsta helgi er frátekin í rólegheit með drengjunum öllum, stórum sem smáum ... ætlum mas að kíkja á Klaufa og kónsdætur á sunnudaginn... býst ekki við öðru en ljómandi skemmtun þá :-) Talaði við Kolla áðan, hann var hress blessaður karlinn... hann er svo mikið krútt... var að spyrja hann hvað hann hefði haft fyrir stafni í dag og hann eitthvað já, ég skellti mér í sturtu... ekkert föndur fyrir hann á morgun því Bylgja sem sér um það ætlar að vera í fríi. Hann fer kannski í göngutúr í staðin... vona bara að hann hafi það í alvöru fínt... ekki bara að hann sé að segja það.
Hvað um það, við fjölskyldan erum að skella okkur í Baunaveldi í sumar, ætlum að eiga húsaskipti við fólk i Köben og er áætlað að við verðum þar í einhverja 10 daga. Huxa að 10 dagar með tveim rauðhærðum á meginlandinu í júlí sé alveg fínn tími...
Jæja, best að halda áfram að vinna :->

Einstaklega lekker og elegant dinnerinn á borðinu hjá fjölskyldunni í Álakvíslinni þetta kvöldið... híhíhihí  

Úfff.... 

Held að gærdagurinn hafi verið sá erfiðasti hingað til... eða sá næst erfiðasti... eða eitthvað... þetta rennur allt saman í móðu :-/ Mamma er að hætta á þessu ofurverkjalyfi sem hún hefur verið á, en það er sterkara en morfín og hefur svo lamandi áhrif á öndunarveginn. Þar með er kerla að komast til einhversskonar meðvitundar og þar af leiðandi er allur sársauki að aukast og allt að vakna. Það var hryllilegt að geta ekkert gert og vita ekkert hvar hana verkjar þegar hún var með samankrumpað andlitið af sársauka. Ég vona til guðs að hún muni ekki eftir þessum sársauka sem hún er að upplifa því hann hlýtur að vera gríðarlegur ... Ég sagði henni frá handleggnum í tvígang í gær, veit ekki hvaða svipur það var sem kom á hana en hann var minnisstæður. Hún var rosalega mikið að reyna að skoða og hreyfa höfuðið að öxlinni og hjúkrunarkonan taldi að það væri kannski einhverjir draugaverkir í hendinni :-/ Við funduðum með læknunum og þar kom fram að þetta ástand getur þessvegna varað í viku til viðbótar, en hún er með svo miklar lungnabólgur að það er ekki hægt að taka hana úr öndunarvélinni strax. Góðu fréttirnar eru þær að hún verður barkaþrædd með öndunarvélinni vonandi sem fyrst og þá losnar hún við slönguna í munninn. Fríða syss telur að hún eigi þá líka eftir að getað talað... sem er bara snilld og guðhvaðégvonaaðþaðverðigertsemfyrst. Samkv. upplýsingum sem ég fékk frá Ólöfu hjúkrunarfræðingi í morgun þá svaf mamma ágætlega í nótt, hún fékk svefnlyf og aukaskammt af morfíni og virðist vera að vakna... eða með semi meðvitund. Maður veit bara aldrei. Næst á daxkrá er að fá kerlu úr öndunarvélinni svo hún geti farið að fárast með mér yfir þessu Fisher-máli ... og spáið í kærustunni hans? Æji, ég er kannski með fordóma og þekki manninn ekki neitt... en mér finnst hann bara vera snarbilaður og ætti að vera einhversstaðar annarsstaðar en á okkar framfæri.

Ojæjajajajaja..... 

Litlar en góðar fréttir, mamma er komin af öllum blóðþrýstingslyfjum svo hún er að púlla þetta af... enda væri svolítið halló að fara að fara eitthvað núna. Hey, ég lofaði kerlingunni flottri afmælisveislu að ári svo ég verð að standa við það :-) Annars er lítið í fréttum, það voru pítur í matinn hjá okkur og ég er að verða gráhærð á skattskýrslunni ... við seldum og keyptum þannig að þetta er frekar snúið og flókið... sérstaklega þegar ég er búin að týna möppunni með öllum upplýsingunum um kostnaðarliði, lántökukostnaði og ég veit ekkihvaðoghvaðoghvaðoghvað... Óvell... bjalla bara í Helga minn á morgun og kreysti upp úr honum þessar tölur :-) Eiríka er ekki ennþá komin með barn, þótt hún sé með verki... vona að morgundagurinn verði merkilegur... Eiríka koddu með barnið og mamma... láttu þér batna... já, og svo má Ríkisskattstjórinn senda mér afsökunarbréf á öllu þessu umstangi vegna þessara skýrslna hans... takktakkfyirirpenttakk :-)

Ojæja, það þokast allt í áttina, maður er bara orðin svo dofinn eftir svona marga daga. Okkur er þó gert ljóst að mamma sé ennþá í lífshættu og það getur brugðist til beggja átta... en hún er stöðug :-) Alex Skúli kom til Reykjavíkur í dag og ég bauð þeim feðgum á kaffihús í tilefni páskanna... bara svona til að gera eitthvað :-) Svo er Alli að lenda eftir einhverjar mínútur með Siggu frænku og hennar ektakvinnu... þeir eru í fríi á morgun frá skólanum en ég ætla að bregða mér í vinnuna. Lífið verður að halda áfram, allt verður að eiga sinn vanagang en ég get ekki beðið eftir því að það gerist í alvöru... að allt verði búið og fallið í ljúfa löð. Svo er Maggi bró að koma á laugardaginn... þá verður glatt í höllinni :Þ Vona bara að mamma verði komin með meðvitund ossona... kerlingin hlýtur að fara að vakna og drífa sig í gang... það er svo margt að gerast sem hún er að missa af... t.d. er Eiríka komin með verki svo það má búast við nýju barnabarnabarni eftir stuttan tíma... vonandi bara sem fyrst :-) Þangað til á morgun... blessbless... :s

Gleðilega páska, allir saman :-) 

Ekki annað hægt en að kíkja aðeins hér inn og bjóða fólkið lukkulegt með páskana sína. Við maðurinn minn rugluðumst á þessum frídögum öllum saman og átum páksaeggið okkar á fimmtudaginn... fyrst það eru ekki strákormar á heimilinu til að ala upp þá dettur maður sjálfur í eitthvað súkkulaðisukk... :þ

Var hjá mömmu áðan, það er lítið að frétta, einu fúkkalyfinu minna, en einu sveppalyfi fleira.. þetta bara gengur svona. Við erum að fara að hitta læknana hennar og sjúkraþjálfara í næstu viku, vonandi fær maður einhver svör með tímasetningu á vöknun á kerlingunni. :þ

Og lítið að frétta... 

þannig séð, einn daginn til viðbótar. Fríða syss er hjá mömmu í dag, við Einsi fórum í smá bíltúr og skoðuðum Garðsskagavita... það var ágætt. Held að ég hitti fólk í kvöld og athugi hvað það hefur fyrir stafni, þessa pákskana. Annars er ég rosalega fegin því að mamma sé svæfð, því hún væri búin að rífa af sér hárið í hneikslun á þessu blessaða Fishermáli... ég væri sammála henni... alveg ótrúlegt... :s

Síðdegisfréttir 

Var að koma af spítalanum, lítið nýtt búið að gerast annað en það að lungnamyndin sem var tekin í gær leit ekki of vel út svo þeir ætla að halda henni sofandi í einhverja daga til viðbótar. Hún var vel með einhversskonar meðvitund til kl. 15, eða hafði opin augun og svaf mjög laust... eftir að henni var snúið um þrjúleytið svaf hún eins og steinn... og þegar svoleiðis er þá hefur maður hægt um sig... bíður bara eftir að eitthvað gerist... Annars er bara allt við það sama.

Til hamingju Íslendingar með nýjasta landann okkar, frekar fyndið að heyra í fréttum áðan... karlinn og Sæmundur vinur hans búnir að hittast í Köben en þar sem það er svo mikil þoka þar þá eru þeir á leiðinni til Svíþjóðar þar sem einkaþota í boði míns og þíns bíður hans... svo hann komist örugglega sem fyrst á klakann, því það eru örugglega engar aðrar vélar sem fljúga tl Íslands... það er alltaf gaman að bæta fleiri gyðingahöturum í safnið okkar... hann á líka alveg pottþétt eftir að skila okkur þessu margfallt til baka, þ.e. fjárhaxlega séð :-/ Ojæja, einn laus úr fangelsi í dag, á maður ekki bara að vera glaður yfir því?

Morgunfréttir 

Mamma fór víst í umbúðaskipti kl. 21 í gærkvöldi, það var greinilega mikið að gera á skurðstofunni á gamla Borgarspítalanum... en við höldum að það sé gott merki að hún hafi verið látin bíða, þannig séð... það er engin sýking í sárinu og því enginn asi á að skera meira :-) Maður verður að gleðjast yfir því sem hægt er í stöðunni. Við Einsi fórum í leikhús að sjá Patataz, ágætt stykki... þannig séð... óHugleikst eins og einhver sagði, en fínt stykki. Strákarnir komu ekkert á Stöðvafjörð fyrr en hálfþrjú í nótt svo þeir voru líklegast dauðuppgefnir þegar þeir komu... heyrði samt ávinning af því að þeir hafa farið á hlaupahjólið þegar þeir áttu að skríða upp í rúm.. ormarnir :-)

Er farin uppeftir til mömmsu gömlu... blogga í kvöld fréttir, ef einhverjar eru :-)

Stund milli stríða.... 

Var að koma frá Fossvogi, allt við það sama og ástandið lítið búið að breytast. Hún er ennþá á miklum blóðþrýsingslyfjum og er verið að draga úr þeim rólega.. hægt og rólega. Þetta bara helst allt í hendur, þegar það er verið að snúa henni þá kvelst hún svo mikið að þá þarf að gefa henni verkjalyf sem draga niður blóðþrýsingin... hún fer í umbúðaskipti seinna í dag eða í fyrramálið og ég vona, bið til guðs og vona að þá fái maður að vita eitthvað... hvort hún verði vakin á morgun, hinn.. eða hinn... Byrjaði í dag að skrfa mömmu bréf, bara svona hvað er að gerast, hvernig staðan er á henni núna, hvern ég hitti sem bað fyrir kveðju osfr. Keypti bók til að skrifa þessi bréf í og vona að hún fái að lesa þau sjálf... sem fyrst...

En þið sem eruð að fylgjast með þessu munið að engar fréttir eru góðar fréttir, ég blogga bara hér þegar ég treysti mér til... Fríða syss ætlar að vera á símavaktinni fyrir mig í kvöld, við Einsi ætlum að fara að sjá Patataz í kvöld.. aðeins að lyfta sér upp svo maður gangi ekki í sjóinn... Já, meðan ég man... takk allir fyrir hugheilar og góðar kveðjur í okkar garð... maður finnur það svo sannarlega þegar svona stendur á hvað það er þétt net af vinum, ættingjum og öðrum ástvinum sem standa á bak við mann.... takk fyrir að vera til staðar og vera til... :-)

Fengum að tala við bæklunarlækninn sem meðhöndlar mömmu í dag sem og yfirlækninn á gjörgæsludeildinni... þessi læknir vissi af einu öðru svona tilfelli af bakteríusýkingu ... það var í Bandaríkjunum og kona missti fót... og okkur skildist að hún hefði farið eftir viku... þorði ekki að spyrja... stundum vill maður ekki vita, bara vona. Ég ætla ekki að eyða orku í að vera reið út í spítalann á Norfirði og ásaka þá þar um að gera ekki neitt í stöðunni fyrr... króra sér bara í kollinum... það hefur ekkert svona alvarlegt tilfelli komið upp á Íslandi... og það þurfti endilega að vera mamma mín... Við elduðum einn af uppáhaldsréttunum hennar í kvöld og skáluðum fyrir henni, ég hvílsaði að henni áðan að ég ætlaði að gefa henni dásamlega gjöf að ári... ætla að halda henni afmælisveislu aldarinnar, helst með Geirmundi eða eitthvað sem hún fílar og bjóða öllum... öllum þeim sem vilja koma og fagna sjötugs ammælinu með henni. Þegar við vorum hjá henni áðan þá virtist hún vera með meðvitund, horfði á okkur og var að þreyfa á öndunarslöngunni (tengd við öndunarvélina) með tungunni, hún hreyfði hægri hendina til og virtist vera með á nótunum... annars veit ég ekki... mér fannst hún þjást... en hjúkrunarfræðingurinn sem er að meðhöndla hana þessa vakt sagði mér, sem mér hefur verið sagt áður, að hún gleymdi verkjunum um leið og mómentið liði hjá... allt gerist á milli draums og vöku hjá henni... ég veit ekki... bara svo lengi sem hún er ekki að þjást og alein... Horfi með öfund á fólk í umferðinni, á leið heim að elda kjötbollur á miðvikudögum og þetta daglega líf... það vill enginn standa í þessu... það er amk allt við það sama... bara bíða og vona... er ekki sú manneskja sem trúi mikið á hjálp að handan, en þar eru víst einhverjir þar að huxa til hennar og hjálpa... sem er bara gott... hún þarf alla þá aðstoð sem hægt er að veita henni.

Afmælisblogg 

Er að fara á spítalann núna, það eru í raun engar fréttir... mömmu var gefið blóð í gær og virðist vera kvalin þegar henni er snúið, en hún opnaði augun og leit á mig í gær þegar ég talaði við hana og sagði að Kolli væri að koma í bæinn að hitta hana... þessi elska á ammæli í dag og ætla ég að kyssa hana og kyssa til hamingju með daginn... hún náði þó að lifa það að verða 69 ára gömul, kerlingin... hún er hörð af sér og enga þekki ég sem er þrjóskari... svo ég vona hið besta...

Engar fréttir góðar fréttir... 

Höfum ekkert heyrt í nótt og eru það góðar fréttir. Bíðum eftir updeiti á því hvernig nóttin var. Ég og viðhengið mitt fórum í bíó í gær... þóttumst vera annað fólk en við erum... áttum víst 2ja ára ammæli í gær. Vonandi gefur mamma okkur þá gjöf að vera laus við sýkingu í dag... það kemur í ljós um hádegið. Þangað til er bara að bíða...

Hið góða: 

... mamma er komin úr uppskurðinum... hafði hann af... við fengum að sjá hana á gjörgæsluna, hún er mjög bólgin enda eru víst háræðarnar fyrstar til að gefa sig svo allur vökvi fer út í vöðvana. Nýrun eru komin af stað aftur en þau eru víst líka fyrst til að gefa sig, líffæramegin. Mamma mín er á lífi... hef margoft farið að gráta í dag, enda er ekki gott að hringja út sömu söguna aftur... ganga í gegnum þetta aftur og aftur og hugga ættingja... sorrý... er frekar tötsý... mamma mín missti hendina í dag. Mamma mín fékk svo slæma steptókokkasýkingu í smá sár sem hún hafði á vinstri hendi að það varð að taka hana af við öxl. Streptókokkasýkingu. STREPTóKOKKASÝKINGU! Það eina sem hægt er að gera í stöðunni eins og hún er í dag er að bíða... og bíða... því það verður gerð önnur aðgerð á morgun og þá sjá þeir hvort þeim tókst að komast fyrir sýkinguna... eða hvort þeir taki meira. Á meðan er mamma mín í öndunarvél, haldið sofandi... svo bólgin og það er ekkert sem ég get gert... ekki neitt... frekar fúlt, ha?

Nú er... 

bara að bíða, sjúkraflugið á að fara frá Neskaupsstað klukkan tíu... kannski get ég sagt við hana einu sinni enn hvað ég elska hana mikið....

Það er vont... 

... að vita ekki neitt, vona það besta og búa sig undir það versta. Það er vont að vera svona langt í burtu, geta ekkert gert og vona bara að batterýið í símanum endist, að það komi góðar fréttir næst þegar síminn hringir... eða bara að hann hringi ekki neitt. Það er vont að vita til að grunnur mans, sál og öll undirstaða ílífinu er kannski að fjara út... og það síðasta sem maður sagði við hana var eitthvað um hvað maður var með í matinn... en ekki hvað maður elskaði hana, hvað maður metur hana mikils, hvað hún hefur haft mikil áhrif á allt og alla, hvað ég elska hana... Ef það er guð þarna úti þá má hann alveg líta til mömmu minnar og blása krafti í hana, bara svo hún komist í gegnum nóttina, bara svo hún þrauki til að maður geti sagt við hana hvað maður elskar hana mikið.

úfff..... 

... sumir dagar eru bara þannig að maður hefði átt að vera í rúminu, taka símann úr sambandi, slökkva á gemsanum, aftengja dyrabjölluna ... hata þessa þrjá daga sem koma á ári... :-( Vona bara að mamma jafni sig... hún liggur á sjúkrahúsinu á Neskaupsstað... Guð hjálpi okkur öllum... :-/

Einn góður á fimmtud.morgni...: 

Uppskrift að fullkomnu lífi?

Fyrst sæki ég um að komast að í þættinum You are what you eat og kemst þá að því að matarræðið er snarbilað, en eftir að kellingin fer þá held ég samt bara áfram að éta og fitna meira. Þá fer ég í megrunarkeppnina The Biggest Loser og næ af mér nokkrum kílóum. Nú til að fá final touchið á þetta þá fer ég í The Swan og fer í nokkrar lýtaaðgerðir og fitusog, ekki veitir af.. en í lokaþættinum þá kemst ég ekki áfram í fegurðarsamkeppni the Swan, þannig að þetta hefur ekki virkað alveg. Þá fer ég í Extreme Makeover og læt taka mig ærlega í gegn, skipti bara um andlit og sýg alla fitu úr líkamanum.

Þá er ég heldur betur orðin flott og fer í Americas Next Top Model þáttinn og geri gott þar.. en tapa. Nú er ég orðin soldið fúl og einmana, á engan kall nebblega. Best að fara í Bachelorette og ná mér í einn ríkan og myndarlegan. Geri það, en þegar þáttaröðin og það er búið, vantar einhverja spennu í sambandið, þannig að við förum í Temptation Island... en þar endar það með að við hættum saman því við héldum bæði framhjá. Þá langar mig bara að vera dáldið sjálfstæð og verða rík..

Þannig að ég fer í Survivor, þrauka alveg í 36 daga en lendi í 3. sæti ohhh ég fæ ekki einu sinni 100 þús dollara.. fer heim, alveg í rusli. En ég er ennþá sæt eftir lýtaaðgerðirnar og sílíkonbrjóstin hanga ennþá uppi.. og þar sem mig langar aftur í kærasta, þá skrái ég mig í Djúpu laugina.. næ mér þar í einhvern lúða sem býr í ljótri íbúð í Fellunum og er frekar subbulegur. En það er allt í lagi, ég hringi bara í vini mína í Queer eye for the Straight Guy og þeir koma og henda manninum mínum í klippingu og kaupa ný föt á hann, rí-dekkorreita svo íbúðina, allt voða flott og hann biður mig um að giftast sér í lok þáttarins, sem ég geri.

Við förum þá auðvitað með brúðkaupið í Brúðkaupsþáttinn Já og vinnum svo ferð í Karabíska hafið, voða rómó. En á skemmtiferðaskipinu þá verð ég ólétt.. eignast svo krakka og eftir 2 ár er hann farinn að stjórna öllu, þannig að ég hringi í The Nanny og fæ hana til að kenna okkur að ala upp krakkann og láta hann ekki ráða öllu.

Nú er allt komið í drasl aftur.. Þannig að ég hringi bara í Heiðar vin minn Snyrti og fæ hann að koma með þáttinn Allt í drasli og taka til... vá hvað það verður allt fínt hjá okkur! Þá er nú kominn tími til að hringja í Völu og við komum í Innlit Útlit, en við þurfum svo að stækka við okkur því að það er annað barn á leiðinni, þannig að við förum bara með íbúðina í þáttinn Allt undir einu þaki, seljum hana og kaupum stærri.

Árin líða og þetta endar allt með því að ég er búin að skilja við kallinn sem hélt framhjá mér, lýtaaðgerðirnar sem voru gerðar fyrir 15 árum komnar í klessu, ég er ljót, feit, einstæð 2ja barna móðir sem á ekki neitt.. þannig að ég fer bara í Fólk með Sirrý og væli yfir þessu öllu saman!

Svona eldaði viðhengið mitt dýrlega fyrir okkur... og hlýtur að launum eilífa ást :-)  

Það var alveg svona gaman hjá strákunum í bústaðnum um þarsíðustu helgi....  

Og Duran Duran að koma!!! 

30. mai í Egilshöll!!! Ekki spurning að það verður farið, í eiturgula silkigallanum, með vængi, legghlífar og égveitekkihvaðoghvað....

Og það er barasta kominn föstudagur... 

mætti halda að ég bloggaði bara á föstudögum, enda eru það skemmtilegustu dagarnir, fyrir utan laugardagana... og sunnudagarnir eru ágætir líka. Reyndar eru allir dagar vikunnar góðir, það er gott að vakna og takast á við ný verkefni, skemmtilegar aðstæður og njóta þess að búa á Íslandi, skorta ekki neitt og hafa það fínt. Eins gott að maður er ekki með hungurvömb fastur í einhverri eyðimörk með ekkert að borða. já, maður hefur að fínt :-) Eddie Izzard var fínn í gær, langur en fínn... við skelltum okkur með Áslaugu og Helga og framhald á þeirri skemmtun í kvöld þegar við förum út að borða og í beinu framhaldi af því beint að glápa á Idolið... nú er bara að krossleggja lappir og vona að Hildur Vala taki þetta í kvöld... enda er hún best... langbest...